¹ Yesu kiyae jukuti dandaka nokogus nagwaaro ta dadiri. ² Ila khumisi mkoma ya khay nikifirin panda rasi niki oo dadiro bere ado ambuutu askwat labooo. ³ Yesu kikidabawosi waratles noko nangusi nikioo ambwtu laboo disi loi kwahhuntsi ukoma wosi. ⁴ Noko oo na Yesu khuumi mare hhabasa hiru ko biite Amorogo naohenki lulaqan kuwaka la harisiti gamu ko biite toko wayaab na Musa saiimbo rog. ⁵ Siwa Yesu kiya dahi Karernaumu Dadiro niki yakhay kirosi noko mahasi. ⁶ Nikioo dadiro tongimowi iqaati ayali itsauumit haslahhoame kon naaa. ⁷ Noko oo na Yesu akhau lo hhaes. ⁸ Khambatle nikioo dadiro ana dawe ko basl kama la khawut laedafit garirii hhabi aara kilos tongimowi hhaay. Bere mele anasl hiru kowru komu yaabutay kobiwii wara. ⁹ Bere la oo tiheki hauti ha laqai hati wokosle hau insle ya khay hati tongimo wii doti isii insle dose iinsiin. ¹⁰ Yesu kiya akhasi kwa iyae tlohhoo nisikihhab kwadi kowa ingugusisine tsoma suhhabihabin aarimi basl hini koro paar koma ado heke hhapeta Israeli. ¹¹ Su hhahhabin naaa iyakhayaa mashariki ka ha magharib ibiti yaa di waki ha Abrahimu, Isaka, ha Yakobo, tikhambatle ko Dawrili. ¹² Iniko haay ko khambatle kiwahh eboaa ta fendili in tawan na aa ee ha sihheri gotleru. ¹³ Khambatlu nokooo na Yesu, u hauti. Ado dor karayauant ha lidosi yandut dirogi. Ha tongimo iyahhaay ti siwa si. ¹⁴ Siwa Yesu kiyadahi doo ko Petroli iyaarin kumboo ta Petro in qat mama aat. ¹⁵ Nakanangus na Yesu daba wos nakage may na mamaaari ros. Nikiwatlawt nosokoyandut. ¹⁶ Kiyadahati siwa ta kwai Yesu noso kowahubu naaa kwad kowa saqwa ta tlaku konee nikimurin tsaqwa ta tkaku ha kwad kowamama iiyee sle nikihhaayee. ¹⁷ Hara doti hhabi to yaaobutay tsay a iyayaaant ini looloo iyamamamaa ri ror tles na kageger. ¹⁸ Yesu kiyaarini kurunkurita koneniniiit iyaharis amo waka ta Bahari ta Galilaya. ¹⁹ Ma tsaqamusay nikiyakhay dirosi nokooo "tsahhatimusimo ogus yam kakhuuti. ²⁰ Nokoo na Yesu monjawe bohondera konaa ha tsiraoo dawri konaa ha hhampera iniko nuko Adamu kona basl yamu ko saga wos qasaa. ²¹ Tsatsahhatimo woko inioo "Dadiro iriyaaant gasa la tata wor tipakawe." ²² Iniko Yesu nokoo "Igusit mawenki faki musay tipinee fakimusay wain." kwakwan." ²³ Yesu kiyaedafi ti maayi tsatsahhati musay was nikigusir maayi. ²⁴ Ilakhumisi nikiyawaratlawt dhoruba ta dadir rawa ta bahari ka hhabi ta mtumbwi kowagu uu na tlafo. Iniko Yesu iyaqa. ²⁵ Tsatsahhamusay nikiyakhayee nokowatlese nikioiyee "Dadiro unraohint andaa gwaara ²⁶ Ikioo na Yesu "soau tlaaamutaa hungraa koro paama ta ninina? "Nikiwatlaw nokorooo oo tsaqwa ta Bahari ma nata tlakhat. ²⁷ Hawatee nikietlokhoiyee ikioiyee hituku meleli wana tiba tsaqwa ha bahari sle ni firarinaa? ²⁸ Siwe Yesu kiyakhayi yamu kohatla ko hhape ta magadala hhawate njad kowa tsaqwa kone unaslaslayee. Iyamakaburi dahhiyee iya khwatala konee neja dos hiru hhaku laka koaslawa fusa amo rod. ²⁹ Tlakhumisi iyatsatsoiyee nikioir "mikoman taiisiru dirogi nuu ko lalaa? Anakhauti diti lusunekihhima harisit siwa in dahatibasl? ³⁰ Hinko nguruwe naaa iyadeiinee asigekobasl ha yama Kiyawanee. ³¹ Tsaqwa iyahhintle aa iiyee ti Yesu li nikioiyee bere tuuuresit tiita un lehhisit ti ngurureli." ³² Nikoo na Yesu "hautei" Tsaqwa nikitiit nikihaut hara ti nguruwe. Ha khuumi slome nikiyaejukutiyee dandaka hara bahari slome nikiti maay khuiyee. ³³ Hhawate kowa nguruwe deiinee nikila kitir kiyadahiri yamuli nikihhabiyee gamama slome aaremo tikiyaslay hhawate kowa tsaqwa ta tlaku konee. ³⁴ Tlakhumisi hhape slome nikiyakhayeelu slaslayaa ha Yesu. Tokowatoani nokoroqadin lihauti hhape roina.