¹ Mare ara qintsa kusle mare tokorogintsi. ² Araginso karagintsatsint kusle korogint si Ha fari kafararit ha kusle kofri dosi loi. ³ Soay elemi ta khaimo khuunt ta wara ila ta endee wogi tlakha so bats elemi ta wara ila rogi in khuutasl daqari ta gurupu want ila rogi? ⁴ Mele aslawt hhaba endee wogi tlakha sobatsi petleni ta wara ila rogi bere petleni ta gurupu want ti ila rogi? ⁵ Lamusimo kuu gasa batsi gurupu ko wara ila rogi malaaso arint ta boii malaaso batsiti petleni ta wora ila ta endee wogi. ⁶ Mare harisa sa gwihheri ta hhoa ko ma mare sa elihha nguruwe lulu panda roin. Bere basl kaling ha kakalaaan hara yaaa ha kara kiyakiiiya sa kuu kogwehhini loko dehhin paslapaslo. ⁷ Firimi kusle sokoharisi dabahi kusle soko hafis hodi tlahhi kusle sokofohin. ⁸ Ti kofirimi ilaohoo ha kodabatiiti slawini. Ha ko hodi difimi sokofohini. ⁹ Au hiru wan dirokin bere kholimo in firini mkate ma soko tlaw haris? ¹⁰ Au bere an samaki firint insle soko desu haris? ¹¹ Hinko bere hungura kntlaku khuutaa harisa gamu kohhoo sa haay wakin ma meleli sukunharisi gamu kohhoo na tata ko dawri kwad ko firarimaa? ¹² Sa dosi bere slaant losokogawe iisin na hira wakinaay kusle koslaa lisidosi loi iiasint inaasle iniisi na hhabi ha yaaa butay. ¹³ Edafei lara ifodoo nina haritaari ini ifodoo ko etlakhu ha amo taetlakhu tapendali waraa ti tlakweli hira naaa koharari maa hara Amos. ¹⁴ Ifodoo koesonhhari ifodoo koesonhhari na amo talaqama ti slafimali ha kourebasl koarimaa. ¹⁵ Maqi ha yaaabutay ko lama kowakhakh awaa in a kari ta beuu eluiir iniko tsoba na monjo kodihh. ¹⁶ Hara aamu woin itsahhataa hira aslayaa iisima aamu ti legewali ay khaimali ti aamu ko mbarutili? ¹⁷ Hara dosi khaimo kohhoo laqwali aamu ko hhoo iniko khaimo ko tlaku laqwal haag ko tlaku. ¹⁸ Khaimo ko hho laqwaliyabasl aamu ko tlaku ha khaimo ko tlaku laqwaliyabasl aamu ko hhoo. ¹⁹ Khaimo kolaqwalibasl aamu ko hhoo ko tlaqafu lokokwahh ti aslali. ²⁰ Dosi hinko itsahhat sa aamu woini. ²¹ Hira slomekobasl ko ana oaa Dadiro, Dadiro edafu ti hotaa ko dawrili to kod koiisasima slaaru ta tata wiii ko dawri. ²² Hira naaa kioo lalaa weisi dadiro dadiro haharisanibasl yaabutay sa uma wog abatsanibasl tsaqwa sa uma wog ha ara uma wog aaa remo iisiman kodiyan. ²³ Masioso hhabu pooli unatsahhibasl hunguraa! Hautei diroa hunguraa kowatlakwe iisintee. ²⁴ Hinko koakhasi idara wii slanqas ha hiru koromure koma kow atlehh doo wos rawa ko khambutlu. ²⁵ Tulubay bere in tlubu tsaqwa bere ina kawt ma lidoos difili iniko huiyabasl hhapeli in kowatlehh rawa ta khambatlali. ²⁶ Iniko hiru koakhasi gimba wi ma lie kwahh kroslahh ahiru netli kowa doowos tlehhi tipali. ²⁷ Tlubay nikiyakhay ha tsaqwa niki doos difiti nikihuu ha tlakwe ros ti nikiefak. ²⁸ Iyadahati siwa Yesu kiyahheesi gimbat hhaba slaslaymu ilietlokhootis na tsahhati ros. ²⁹ Bere mele iyatsahhatis ado hiru ko uuru kombaa ha ado tsaqamusay waine basl.