¹ Yesu inkioo oo tsahhatimaye was miba njad nisikiharis uuru sa tsaqwa ta hlaku doro taraoo aa na gusiru ha hhaesa mamaeero tsome. ² umai ko yaaabutay miba njad na kwa gatay Simeoni "(na Petro), ha Andrea ningori, Yakobo nu ko Zebedayo, ha ningoin Yahana. ³ Philipo ha Bertholomayo, Thomaso, ha Matayo koushuru tsatsatu, Yakobo nu ko Alfayo ha Tadeo. ⁴ Simoni mkananayo ha Yuda Iskariote kowa arafokit. ⁵ Kwa nimba njad kiyayaaabu na Yesu insle sikiyahhab nikioo mare dahaya mu kihotiri ko hhapapu mare edafa ti hhape ta hira ko hhoo. ⁶ Bere male lahautaa hara ti beuu ko wa hhan ko doo ko Israel. ⁷ Ha kahumitei lahhabitaa laootaaa, khambatle ko dawri inasapiyee. ⁸ Haesei mamaaaritay slafisei kowafakir ehhuntsei ko aatlima komaa ha murimei tsaqwa. Ailaohotee mare ta gamu harisei mare gamu. ⁹ Mare tlesa dhahabu almasi au shaba ti pindai wakina. ¹⁰ Mare pindai huba khotsu wakini au qairo yeeeto au hharo in tongimo koslaa to aago ros. ¹¹ Hhape ta biite kaedafirei dabahei ta faima paka siwa tahautimo. ¹² Bere anadafite ti dooli tsahhisei. ¹³ Bere doo hhoa kon hhoa rokin lidisi met iniko bere doo kohhoebasl hhoa rokin larahautaa. ¹⁴ Ha kwad tunkuilaohibas hungraa au akhasa gimbaa rokin siwa kahaumitei doos au hhape sa un huslesitei tsatsai ha degera wakin disa. ¹⁵ Tsoba suhhabim tlehhiti ta kikihhisa hhape ta Sodoma ha Gomorah laba ta buuma hhapes baaa. ¹⁶ Khuumi iyaaabimu ado beuu ti gwihherili bere mele tlehhitei ado desu ha latsauu taa ado tlaba. ¹⁷ Lara khuuntaa ti hirali kulehhis ti mabarazali ha kudif ti masinagogili. ¹⁸ Ma kunahubu panda ta diyanoli ko khambatleli sa ana ado iimbo dirogi ha hhapapuli. ¹⁹ Bere kuru qwatlis mare tlaame dor ta gimba bere mele aara ko hhabu sukuhharis hara siwas loo. ²⁰ Bere mele hungraebasl na gimbusitaa iniko muna ko tata waokin idarus ha munai wakin. ²¹ Dawaimo wartlay sa endee wos sa gadsa tata ko nuh wos. Haay watlayaa sa ayeri ligaara iisinaa. ²² Hungrasle kuwaki na hira slome sa uma wii. Iniko ko kiki hhisi paka efako hirus koroohini. ²³ Siwa tusukuekihhima haris hhapesi lakitei hara hhape ta tsayu tsoba suhhahhabim dahataabasl hhape ta Israeli li beru nuh ko Adamu inaki ii basl. ²⁴ Tsahhatimo kodadirebasl ado tsatsa hhatimusay wos wala yaaabutay korawali war ta Dadiro wos. ²⁵ In buut ti tsahhatimoli tiba litlehhit ado tsatsahhatisimo wos ha tangimo ado dadiro wos. Bere kooo oo dadiro ko doo Belzabuli kimeleli hherit ko doo wos. ²⁶ Dosi mare litlaamutaa inaa fana famu hhaku toko tiitisibasl ha hhaku gamu konayak liyaliyabasl. ²⁷ Tod tosokohhahhabim eboaali bere la hhabitaa pooli ha kaakhasi tee hara naaa naaame ea wakini lahhabitaa bere rawa dooli wantaa. ²⁸ Mare tlaame kwad ko slaqo tsuaauuma inikko islayaabasl mona gasa. Fana tlaamutaki kod koaslawa slaqwa hha muna gasa hadi kuzimuli. ²⁹ Kasuku njad kiuzinabasle hara pesa ta ninina? Kama dosi sle hhaku kohua hhapeli bere tata wokini in tsahhibasl. ³⁰ Inko qubu wokin kon fara. ³¹ Tlaame basl bere male arafari kontaa kasuku baaa naaa. ³² Dosi kama to wak ko anayaami panda ta hirali anasl ko yaaam panda ta tata wii ko dawrili wara. ³³ Iniko kod koaana sii panda ta hirali anasle asii panda ta tatali wii ko dawrili wara. ³⁴ Mare arapaante anakhaw fitsimali sa hhoo anakhawibasl sa hhoa hubaa iniko upanga. ³⁵ Ini akhaw hiru qasa lodifiri ha tata wos ha khwayla sa iyoros ha kumboo sa kumboo ros. ³⁶ Tlakusimo ko hiru tlehhitir kwad ko aya wos. ³⁷ Ini ko tata au iyoslai ana baaa isi kiriboiiyabasl. Ha insle ko khwayla au kholimo slai ana baaa is iriboiiyabasl. ³⁸ Iniko gegeribasl masalaba ha ana gusa kiriboliyabasl. ³⁹ Iniko fitsima gusi tamay. Iniko iniko hota was kwahha sa ana slawini. ⁴⁰ Ini kokwahhasi inanakwahhas haini koana kwahhasa in kwahhas kowaana yaaabu. ⁴¹ Ha iniko yaaabutay kwahhasi sa gasaka yaaabutay is hiru ko loo ha ilaoh tlawabu ado hiru ko loo. ⁴² Koharisi wak ko kwa ninakwi kamato qwalauu ko maay ko tsaqwa ga in saka tsahhatimo tsoba sunhhahhabimu ini dakusiyabas amo ta tlawabu wos.