¹ Yesu kiyatiiti hekaluka nikihautu. Kowa gus na tsahhatimay wos nosoko lagani deeri ko hekalu. ² Iniko nikioo, "Arintaasle gimbabat slome? Tsoba suhhahhabimu tlau hhaku kometa nawa endeewosi bere kosleiibasl." ³ Kiyaibiti ti dandaa ko mizeituni sokowa daha na tsahhatimay wos hara gabitino nokooo "suhhabiti gimbabati iyamahale titi? Gamu mii nalagani ku ahhotsiti ha efako ta fitsima? ⁴ Nikioo na Yesu khuumei mari tukuhhamisi na hiru. ⁵ Ini naaa iyakhayaa hara uma wii oiyaa ana na Kristo ha naaa kihhamisi. ⁶ Akhasita qwatla ha hhabo ta gwatla khuume mare lawaway kontaa bere mele aaremowaki iyatiitiyaa iniko efako wod tlehhiti kahha. ⁷ Bere hhapee liwatlay ha hhape waka ha khambatle ha khambatle. Tatlehhiti qwai ha dadakhamo ta hhape yamu ko paslapaslo. ⁸ Iniko gimbabat slome to tlatleso ta slahhaame ko lagwalimaa. ⁹ Ma kiyaasotiiisi sa ekihhima ha tsuuutu kuwak na hhapapu slome sa uma wii. ¹⁰ Ma nayamu wakinaa kuntlupitiri ha un sisiiya ha luwakiri inaa kiloini. ¹¹ Yaabutay naaa kolama iyatiitiri luku wanaha naaa. ¹² Sa tlakwe naaautu slaama ko naa tsauutu. ¹³ Iniko kokikihhisi paka efako koroohini. ¹⁴ He injili ta khambatle kahhabuti fitsima slomeli ado iimbo ti hhapapu slomeli ma efako iyadaha. ¹⁵ Hinko bere aarintee wakima ta lingay taka hhabu na yaaabutay Danieli in qariti yamu ko hhoi (kun-tsahhatisi li tsahha). ¹⁶ Ma kowarai Yuda lilakitiyaa hara danda. ¹⁷ Hako korawa batili wara mare liwawus ejukuta liyagamuwe wini ti doo wos. ¹⁸ Aisle koqaymoli wara mare kiyakiii liya qayru wos awini. ¹⁹ Iniko kwadi ko haay komaa ha kwadi koruumisa ti balu waki. ²⁰ Firimei fietuwokini mare litlehhiti siwa ta tsagwa ha lalaa ta sabato. ²¹ Bere male tatlehhiti na ekihhima dadiri tatiitibasl tisiwa ta tlehha ka fitsimasa hinko fana ma iyatiitabasl kara. ²² Bere balu wak iyanikuesibasl hhaku kowa hhaay. Iniko sa kwad tikiyaqasi (wateule) balu wak kinikwes. ²³ Ma bere hiru kobiite lukuoo khuumi Kristo diri wan au Kristo hadi wari mare yaaaru gimbaba roini. ²⁴ Bere male makristo ko lama ha yaabutay ko lama iyakhayaa lilaqanaa aaremo ko diyan hara waway ko hhamiso bere dowe ha tikiyaqas slee (wateut). ²⁵ Khuumei un maqas gimbabas khahhat inatiitibasl. ²⁶ Hinko bere kun oo Kristo wan yam koetlakhwi mare la dahataa taysi. Khuumei wan waay dooli mareiimba gimbabas. ²⁷ Ado doroii mankaari dorokietsaamamisiti mashariki ka paka magharibi doro kiyakhay nu ko Adamu. ²⁸ Yamu nyamafu kiwani taysi yamu tai kikurunkumamitiri. ²⁹ Iniko panda ta ekihhima wod dadiri ta lala rod tlehemi taeboees slehheedaii yabasl tisaoo epahhat rawako ha uuru ko dawrili lingilingiti. ³⁰ Ma laqama ta nu ko Adamu iyapooto dawrili ma hira slome aaiiyaa koan nu ko Adamu iyakhay hara tlafo ta dawri hara uuru ko dadiri. ³¹ Yaaabu malaika was hara oo oo tadadi ta marimo inaasle kikunrujuru slome tikiyaqas (wateule) was ti yamu slome tsigahha ta fitsimay efako wak ta dawri paka waka. ³² Untsahhatisitee tsagaru tatikhaimo dahha siwa elewi kiyatiiti liya looo tiitisiti khuuta efe inasapu. ³³ Dosi sele bere an arntee gimbabat slome kun slaa latsahhataa inasapu tsayo ha ifodoo. ³⁴ Tsoba sun hhahhabimu luqulima waka fusiyabasl paka aaremo was slome tlehhitiri inatiitiri. ³⁵ Dawri ha hhape fusiyaa iniko yamamu wii fusiabasl. ³⁶ Iniko sa lalaas ha siwa hiru hhaku kokhua kama malaika ko dawri kama nu ini tata kilosi. ³⁷ Ado doro kiyawanta ti lalaa ta Nuhu doro kiyara khautu ti nuko Adamuli. ³⁸ Bere mali ti balu wasi alu ta aaros hira iyaaagiginee ha kitahhu iyakhabibi nee ha khabo paka lalaa rod Nuhu kiyae daf ti safinali. ³⁹ Iyatsahhiribasl gamu we paka aara kiyakihayi nikilohisi slome nadoro kiritlehhititi nu ko Adamuli. ⁴⁰ Yamu hira njad tlehhitiri gaymoli wanaa wak kohubu hawako komay aluli. ⁴¹ Haaytikay tlehhitiri gotlatlenaa dirwaki wak ta hubu ha waka meti. ⁴² Hinko maqei sa khuutaabasl lalaa mi iyakhay dadiro wokini. ⁴³ Niko latsahhataa yaa bere dadiro ko doo lakabere intsahha siwa mii fisisimo iyakhay laka iyagulu iyayaaanibasl doo wos lokobiridafu. ⁴⁴ Hinko huslaa sle lu boiisitaa bere mele nuu ko Adamu iyakhay ti siwa kakhuut eibasl. ⁴⁵ Dosi miya na tsobumusimo bontsimo ko waway komaa tosokowaharisi uuru sa kowaraa ti doo wosi sa lisikiharisi aago hara siwa takaslaa? ⁴⁶ Kowawaratles yaaabutimos tokoslay na dadiro wos doso iimisi siwa kiyakhayii. ⁴⁷ Tsoba suhhahhabiu yaa ko qasi na dadiro ti wara ta gama slomeli. ⁴⁸ Iniko bere bontsimo tlakusimo bere lihhabu nuna wosi dadiro wii kowara tlese. ⁴⁹ Ma nikitlatlesi yaaabutay was difitaa ma nikiaagini ha onita ona. ⁵⁰ Dadiro ko bontimoso iyakhay ti lalaa tahhaku wawayka ha ti siwa takakhuibasl. ⁵¹ Kodehhini awa njad na dadiro woso ma koqosi ti yamu wki ha alukihhay yamu takawan na aa ee ha sihheri gotliru.