¹ Ma nayamu khambatlu ko dawri koqa maitisi ha sagimeru mibu kuwatsaaso roini hubiri ma nikihautiri khabusimo ilaoha kaymu. ² Koani waini anatlatlu ha koana wakina a akhamusay. ³ Sagimeru netlatlu kyatlesiri tsaaso roini iyahubiribasl duu we. ⁴ Bere male sagimeru kowaway komaa iyahubiri hhoslay ko duaayo diwaki ha tsaaso roini. ⁵ Hinko siwa khabusimo iyatsige dahibasl slomo nikioho na guute nikiaa aatiri. ⁶ Iniko siwa ta amasi dirali tsu nqusima iyawanee ilakhumisi khabusimo Tiitei hara fendi lilaohakautaa. ⁷ Nayamu sagimeru keyawatlayee slome nikitsaaso roini ohisiri. ⁸ Kwad ko waway komaa kiyaoo na netlatluu wad lusuharisitaa duiirokini sa tsaaso roo hhahhaminti. ⁹ Iniko nikioo na kwad kowaway komaa fana buutabasl anda a hunguraa to tlakhokawei tabuutaa sa hunguraa. ¹⁰ Siwa kiyatlakho yayee khabusimo iyadaha ha slome kowahheesiri iyahautiri dawaki hara losonimo koko harusi ma doo nokotseg. ¹¹ Maqa kwad sagimeru kiyadahiri nikioiyee khabumusimo khabumusimo sin fohinti. ¹² Iniko ikioo isoba sun hhahhabimu ana un khuabasl. ¹³ Hinko khuumei fana khuutaabasl lalaa au siwa. ¹⁴ Dosi na ado hiru kowa lolohihini hara hhape tahatla. Nikioo oo bontsimay was nisikiharis gamama ros. ¹⁵ Wak woini sokowaharisi tlatleso koani woko sokowaharisi njad ha kodo woko nosokoharisi tlatleso woaka. Slome iyailahohiyee doro uuru woini kiyarawan ma hiru wod niki hautu. ¹⁶ Tsige kod kowailaoho tlatleso koani iyahaut naka raqasakay nikikifongolini tlatleso waka koan. ¹⁷ Dosiloi kodosle kowailaoho tlatleso njad iyalagwalitisi wakaa njadi. ¹⁸ Iniko bontsimo kowailaoh tlatleso wak iyahautu nikofolo bohonda hhapeli nikiyaku pesa ta dadiro wos. ¹⁹ Siwa ta tlere maqa dadiro ko bontsimai wasi iyakii nikiboiisiri fari roini. ²⁰ Bobtsimo wod kowailaoh tlatleso koan iyakhay nikiyahubu tlatlseo wakaa kaoani nikioo dadiro siyharisiti tlatleso koan. Ilakhumisi an slawmu tsinaaasa tlatleso koani. ²¹ Nokoo na dadiro wos naasi bontsimo ko hhoo ha tsobumusimo. ana tlehhiti tsobumusmo hara gamu ko nikina. sokoharisi uuru sa gama naa Edafii ti qese ta dadiro wog. ²² Bontsimo kowaitaoho tlatleso njad iyakhay nikioo dadiro siyaliarisiti tlatleso njad ilakhumisi an slaumu tsinaaasa ta tlatleso wakaa njad. ²³ Nokoo na dadiro wos naasii bontsimo ko hhoo ha tsobumusimo an tlehhiti tslobusimo hara gama ta ninaku. soharisi uuru sa gamama naaa edagi ti qese ko dadiro wogii. ²⁴ Maqatiko bontsimo kowailaoho tlatleso wak iyakhay nikioo dadiro khuu kuu huru dihhi Tusasinti yamu kadahamisitibasl ha buuntu yamu kadahamisitibasl. ²⁵ Ana atlaamutu na kahautu nakayaku tlatleso rog ti tipali khuumi akomu diti togo rog. ²⁶ Iniko dadiro waos nikioo kuh bontsimo tlakusimo ha bahusimo ahhuut tiba buaumu mu yambu kadahamisibasl ha kurunkurarimu yamu kapasibasl. ²⁷ Hinko kowaslaa laharisiti pesa rii sa hira ko benki ha siwa takieema wii lakaan iloho too diwaki ha tsinaaasa. ²⁸ Hinko saafatlesaki tlatleso laharisitaa sa kod ko tlatleso mibukomaa. ²⁹ Slome kakontee sokorogini neja hara naeesa neja. Iniko kod kokomibasl gamu hakikoni sle dokoafatlese. ³⁰ Kwahhakini fendili eboaali bontsimos ko mure basl yamu takawan na aaee ha sihheri gotliru. ³¹ Ha siwa nu ko Adamu kiykhayii ti uuru wosi ha malaika slome diwaki ha ini yamu kibiti rawa kiti wasi ko uuru. ³² Hhapapu slome kurunkuritiri panda rosii ma insle kipaslimisi hira ado doroqi deemusay doro ki beuu ha ara paslimamisi. ³³ B/euu koqasi ti daba wosi ki uuya ini ara kiqas daba wosi ko basa. ³⁴ Ma khambatlu kioo kwad kodaba woso ko uuya tlautarei tukuna waratlese na tata wii. Alei khambatle tokowaboiisi sa hunguraa ti siwa ta fitsima tlehhaka. ³⁵ Fana aqwari komu nisikiharisitee aago adahaymo nikikwahhasitee. ³⁶ Araslaay wara nisikidahasitee qayro amamaaa ritimo nikilalaaasitee kiytseg nikiyayuutak autee. ³⁷ Yamu kawad loo kioiyee dadiro owamahalee aran aqwari konto nokoaagimisan? Au awakha konto nusokomaay harisan? ³⁸ Ha mahalee owaaran dahaymo nokokwahhasani? Au araslaay want nosoko eluaan qayro? ³⁹ Ha mahale owaaran mamaaat ay kowatsege nokowaguutakuani? ⁴⁰ Ma khambatlu slee oo tsoba sun hhahhabimu aara kaiisintee sa dawai rii ninaku asaana iisintee. ⁴¹ Ma kioo kwad kowa daba kobasali wanee hautei diroa tukunalao aagisi hautei ti asla ta bal slomeli takaboiisi sa ibilisi ha mala ika was. ⁴² Aqwari gomu iniko siya harisiteibasl aagoo awakhaa komu iniko siyaharisiteibasl maay. ⁴³ Adahaymo iyakwahhasiteibasl araslaay war iniko siyaelu uuteibasl qyro amamaaaritimo ha kiyatsege iniko iyalalaaaa siteibasl. ⁴⁴ Nayamu inaasle kioiyee dadiro owamahale aran haragwari au ara wakha au ku dahaymo au araslaay want au amamaaa au kowatsege nokolalaaasanibasl? ⁴⁵ Manikioo tsoba sun hhahhabimu tod kaiisi nteibasl sa kwa ninaku kama towak aiisi nteibasl sa ana. ⁴⁶ Kwa hautiri harati ekihhima kobalu slome ini koloo ti slafima ko balu slome.