¹ Maqa iyaidansu ha hira ha tsahhatimay was. Nisikihhabu. ² Tsaqamusay ha Mafarisayo kiti ko Musa hara ibimitiri. ³ Hinko gamuwe koiori iisiru iisimee tali li khuuuntaa. Iniko mare ligusitaa gimbaba roini kwas gimbumamisiri garemo kiiisasinei sasl. ⁴ Tsoba ina tsegagitiri gamama ta eloo ta khalaa gegera ma lihira araqintsatsinaa ligegeril i kwahhu waini. Iniko inaa loo loo sapimamisiyaabasl kamato tintsa gegera. ⁵ Gimba roin slome kiisasini sa liki khuuno na hira sainaa etlakhwemamisiri Masanduku roini ligwasa aa etlakwemamisiri ta qayro waini. ⁶ Inaa iyaslairi ibina ti yamu kohhoi ti geseli hati kiteri ko hhoi waay sinagigili. ⁷ Ha likitsahhimisi hara mure yam hirali ha likioo oo mini "Tsatsahhatimusay" na hira. ⁸ Iniko hungura kuslaiyabasl lukuoo oo "tsatsahhatisimay". Bere mele kontaa tsatsahhatisimuo wak ha hunguraa slome haay wakini. ⁹ Mare oo oo hiru kobiite fitsimati ado tata wokini bere mele kontaa to tata wak inisle dawrili wani. ¹⁰ Mare tukun oo oo tsatsahhatisimay bere mele kontaa tsatsahhatisimo wak na Kristo. ¹¹ Bere mele kodadiri dirokini tlehhiti yaaabutay wokini. ¹² Kowaratlemamisi waeetisi hako eetimamisi kawaratlese. ¹³ Iniko hungura tsaqamusay ha Mafarisayo, alokihhay!. Hunguraa sle edafitaaabasl ha kiriyaaanabasl koedadafima lidos iisinaa. ¹⁴ (Ohi slahhama ko poiyabasl ti arahora kohhoi ko ansi. Arahora waka iyarogiti slahhamk panda ta slahhama ko. slahhama ko Hunguraa tsaqamusay ha Mafarisayo alukihhayi ber mele kwaeli kuuumamintaa. ¹⁵ Hunguraa tsaqamusay ha Mafarisayo kalukihhay!. Tsoomitaa khiri ko baharili la hahataa liiisintaa hiru wak liyaaani gimbarod katsahhatimisitie ma bere itlehhiti ado hunguraa oiinsintaa awa njad nu ko asla ado hunguraa doro kara awantee. ¹⁶ Hunguraa hhapuloay ko ila basl hunguraa kooaimaa kolao aagisi kara hekalu gamu kobasl. Iniko kolooaagi hara dhahabu ko hekalu kontsege na laoaago ros. ¹⁷ Hungura koila basl netlatluu kalo na dadiro waka baaa dhahabu au hekalu ta gasit muna boaay ti lalaali? ¹⁸ Ha kolaoaagi hara madhabahu gamu kobasl bele mele kolaoaagi hara iiso ta dirosi wara kowatseg hara lao aago rosi. ¹⁹ Hungura hira koilabsl kalo nadadiri waka baaa iiso au madhabao ta muna eboiima huba iiso takaharimamisi sa lalaa? ²⁰ Hinko ini kolaoaagi hara madhabahu hara isi lao aagagini ha ara gama slome ta dirosi wasa. ²¹ Insle kolaoaagi hara hekalu haraiji laoaaga gini ha hara ini koibimamita waay wasi. ²² Ha insle kolaoaagagimi hara dawri laoaaga gini hara kiti ko ansi ko lalaa ha dirosi koibiti rawa wasi. ²³ Hunguraa tsaqamusay ha Mafarisayo aluki hhay bere mado mchicha, iniko gimba ta doo mamawtaa ta loo hhao ha arapaama. Iniko kwa kuslaa laka an iisintee tahhoebasl lamawtaa waka abo iisiteibasl. ²⁴ Hunguraa hhapuloay koilabasl hungruaa ko kholokhombi ta ninina ragaragagi ntaa iniko la ngamia guuumamintaa. ²⁵ Hunguraa tsaqamusay ha Mafarisayo alukihhimusay! Bere mele fendi ta kiko mbe ihhantsatsitaa ha fendi ta sahhni iniko waayli ta hats alukiaay ha bmu hhaku kowara. ²⁶ Hunguraa Mafarisayo koilabasl ehhuntsei gasa waayli ta kikombe ha sahani sa fendi sle libooto. ²⁷ Hunguraa tsaqamusay ha Mafarisayo alukihhimusya! Bere mele slangasitaa ha makaburi takamakha hara uura ma harafendi lilaqaqant ta hhoo iniko waayli iyahatsiti faradii ko hira kowafakiri ha khatlao ta tlaku. ²⁸ Dosi loi hungraasle harafendi popoaintaa ku loo panda ta hirali iniko hara waay an hatsitee alukihhay ha ilaa tsera. ²⁹ Hunguraa tsaqamusay ha Mafarisayo alukihhimusay. Bere makaburi tlehhahhitaa ko yaaabuta ha laboiisitaa makaburi ta hira ko loo. ³⁰ Hunguraa oaintaa laka bere ana hotan balu ko hana tata watini laka unara gasani basl diwaki tsere kuusa ta yaaabutay. ³¹ Hinko yarintaa hungura kilokini hunguraa na haay ko kwad kuwa yaaabutay tsuiiyee. ³² Kara kunguraa egamisitaa hatsisa yamu takaslaa tlakwe tana tata wakini. ³³ Hungura desaa haay kodesasa ko qara dihhmeleti lakitaa asla ta Jehanamu? ³⁴ Hinko ilakhumisi iyayaaabimu yaaabutay dirokini hira ko aramure komaa ha tsaqamusay. Wakinaa itsuuutaa liekihhimusitaa. Ha wakina idifitaa waay masinagogili wakini malimurintaa hhapesa li hhape ta hatla khuiri. ³⁵ Aara kowatiiti dirokini iyatiit tsere slome ta hira ko loo takakuus fitsimali iyatlatlesiti tsere ta Habili ko aaremo ko loo mpa ti tsere ta Zakaria nu ko Barakiya kowagasitee ti hhoali ha madhabahu. ³⁶ Tsoba suhhahhabimu aaremo wak slome aslay laqwalimak. ³⁷ Yerusalemu, Yerusalemu ku ko yaaabutay tsuaauuma lilihhahhinti tleee wa tikiyayaaabu dirogi mara mag iyakurunkuru haay wog ado konki doro kitsontsa ros kurunkurarinti hhampara wasi iniko ayaaantibasl. ³⁸ Ilakhumisi doo wog imeti iniwak. ³⁹ Anasle sohhahhabimu hinkoka ta balu slome iantabasl paka lahhabiti kowaratles ini kowahhotsa hara uma ko Dadiro.