¹ Yesu iyahhabu hainaa kara nikioo. ² Khambatle ko dawri slanqos ha khambatlu kowahati habutisi. ³ Nikiyaaabu yaaabutay was liki kwahhas tikiyaraguumisi ti khabali iniko iyadahiri basl. ⁴ Khambatlu iyayaaabu kara yaaabutay wakinaa nikioo, "sahhabk slome tiki yaragwuumisi amei an boiisi aago.Awe ha hamay wii kowawahhariyee kiisequtliti ha aaremo slome inbuutiyee hautarei harusili. ⁵ Iniko hira was iyaaakhasiyeibal araguumisu wos. Wakina iyakiiiyee ha qaymamu waini wakina nikikiiiri hara yamu waini ko yandu. ⁶ Wakinaa iyawaratlayee sa yaaabutay ko dadiro nikimuritisi nikitsuuu. ⁷ Iniko dadiro iyaqupiti iyayaaabu hira was nikitsuuuu tsuuuu musay wad ha nikihhamisi hhape roin hara asla. ⁸ Ma nikioo yaaabutay was harusi ibuut iniko tikiyaraguumisi kislaibasl. ⁹ Hinko haute ti kurukurita ta amo ta loi araguumisei wakinaa dorokiritlehhiti liyakhayaa ti harusili. ¹⁰ Yaaabutay iyahautiri hara amo ta loo ha nikikwahhasiri hira slome tikiyaan ko hho ha kotlaku. Dosi doo ko harusi iyahats dahaye. ¹¹ Iniko dadiro kiyaedafii nikiilakhumisi dahaye iyaarini hiru wak kowaeluiibasl qayro ko harusi. ¹² Khambatlu kowamahas "wereeetu anamele edafiti ta qayro ko harusi kobasl? Ha hiru iyailabatsibasl. ¹³ Khambatlu nikihhabu sa yaaabutay wos "tsegitaki hiruku dabai hayaa lokwahhataa fendili eboaali tays yamu ko aaee li ha sihheri gatliru. ¹⁴ Bere male hira naaa kioo oo mini iniko tikiyaqas ko ninina." ¹⁵ Yamu mafarisayo kiyahautiri nikiboiisiri doro ta Yesu oha ti yamu wasi. ¹⁶ Nikiyaabiri tsahhaimay waini ha maherode. Niki Yesu oiri, "Tsatlahhatisimu khuan ku hiru ko tsoba tsahhatimisi hara amo ta lalaa ta tsoba. Khuuntabasl gimba ta hira ha elehhitay kontabasl ti kirali. ¹⁷ Hinko suhhabiti mi wawomamisiti? Ta loe buuma kodi sa Kairsari ay anaa. ¹⁸ Yesu iyatsahha tlakwe roini nikioo "soay iwarahhantaa hunguraa alu kihhay? ¹⁹ Silaqantee pesa tara kodi buauntaa Mosokowahubu dinari. ²⁰ Nikimahas na Yesu, "panda ha umak ko miyaini? ²¹ Nosokohhabu "ko kaisari" Nikioo na Yesu "sharisaki kasari gama ros hata lalaa harisaki sa lalaa." ²² Kiyadosi akhasiri iyaetlokhoiri Nokomay nikihautiri. ²³ Lalasi Masadukayo iyakhayee ti Yesuli kwad kooaimaa slafima ko hira hhaku nokomahasiyee. ²⁴ Nikioiyee "tsatsahhatisimo Musa iyaoo bere hiru igwaa ilaqwalibasl haay dawaimo inos lihares ali losoko haris kholimo sa dawaimo wos. ²⁵ Iyawanee dawai fanqu ko panda iyakhabini nikigwaa ta lagwalimakobasl haay. Nosokomay hare dawaimo wos. ²⁶ Ningoini ko njad sle nkidos iisini ma koa ko tamu nikitosi tlehhiti paka ko fanqu. ²⁷ Kiyados iisinei slome hare rod sle iyagwaat. ²⁸ Hinko ti slafimasi hares tlehhiti tamiya ti kwas fanqwii? Sa sloe kahhabu." ²⁹ Iniki nikioo na Yesu "tlakwemamisitaa saga kakhuuteibasl tsagaru ha uuru ko lalaa. ³⁰ Bere mele ti slafimali hira hhabinaabasl ha khaboo. Nini hira tlehhitari ado malaika taysi dawrili. ³¹ Iniko ti slafima ko kowafakirii awarahhate basl tsahhatisa tod takahhabu na lalaa diroki ni nikioo. ³² Ana na lalaa ta Ibrahimu lalaa ta Isaka, na lalaa ta Yakobo? Lalaa lalaa ta kowa fakiribasl bere mela lalaa ta kuslafaa. ³³ Siwa kurukuritay kiyadosi akhasiri iyaetlokho iri sa tsahhatisay wos. ³⁴ Iniko Mafarisayo iyaakhasiri tuba masadukayo kigabisi na Yesu unakurukuriyee inaa kayo kigabisi na Yesu unakurukuriyee inaa kiloin. ³⁵ Wak woin atsahhatimusay kowamahas aara kowawarahha. ³⁶ "Tsatsahhatimusimo aabo kalo na dihhi ta slome baaa ti tsahhamusayli? ³⁷ Nokoo na Yesu "uurutu loslaat dadiro hara muna wog slome ha hata waway wog slome. ³⁸ He na hhabo ta loo ta panda. ³⁹ Ha ta njad usla qasiti haisi uurutu luslaati hira ko dagari rog ado doro kunaroslaat kuu. ⁴⁰ Uuru slome ha yaaabutay hhabot njad khuaunaa. ⁴¹ Ha Mafarisayo kiyakahhiri ukurukuriyee diwaki kiyamahas na Yesu. ⁴² Nikioo miwawmisitaa sa Kristo? Ini nu ko miya? Inaaasle nikioiri "nu ko Daudi." ⁴³ Nisikihhabu na Yesu, meleli Daudi ti munali koo oomini dadiro nikioo. ⁴⁴ Dadiro iyohhabu sa dadiro wii , "ibiti daba wii ko uuyaa paka tlakumsay wag likiqas yaawagi."? ⁴⁵ Bere Daudi Kristo oo oo mini "Dadiro" meleli nuuwos tlehhiti?" ⁴⁶ Hhaku kowaaslay aara hhaba kara ha hhaku kowa aara mahas neja ti lalaasa ha balu slome.