¹ Yesu ha tsahhatimay was nikidahiri tsayuu ha Yeresalemu nikidahiri paka Bethfage ti danda mizeituni Yesu nikiyaaabu tsahhatimay njadi. ² Nikioo hautei ti hhape tahatlali tlautaa daqway ko tsege haqi ha hiru daqway sle diwaki tsegitakini liyahubitaa diroi. ³ Bere hiru we liaarawe oo sa isi lahhabitaa kislaa na dadiro ma hirusle kunarayaaan lakhautaa diwaki. ⁴ Aaraki iyatiii na kod tokowahhabu na yaabutay lokoegas hara uuru. Nikkioo. ⁵ Sahhabenki khuayla Sayuni lii lakhuumisiti khambatlu wog iyakhotso hara ayokini hhisle aa aamusay inadagway tsaaan ha hiru daqway hhawata hiru daqway na aa naaa. ⁶ Tsahhatimay nikihautiri nikiiisinee ado tikiyayaaabu na Yesu. ⁷ Nikiyahubiri daqway a hiru wos nikigosiri qayro waini sa inaa ha Yesu niki ibiti haqi. ⁸ Naa ti kurukuritayli iyalaqanee qayro waini amoli wakinaa iyaslaanee elemu ti khaimoka lilaqanaa amoli. ⁹ Hira kowagatiri ti Yesu ha kowagusiri iyatsotsoiri lioiyaa "hasana ti nu ko Daudili na tokowaratles hara uma ko Dadiro Hasana rawa neja. ¹⁰ Yesu kiyadali Yerusalemuli hhape tlome iyabikhiti nikioiri "He na miya? ¹¹ Hira nikihhabiri he na Yesu yaabutay ti Nazareti ka ta Galilaya." ¹² Ma Yesu nkiedafu ti doo ko lalaali nikimurin hara fendi slome kowa doo ko lalaa tlahho slariha uziru niki meza khupisi ta kwadi kowa pesa dehhoslairi ha kiteri ko tlaba uziru. ¹³ Nikioo tatsaqani doo wii kooo oo doo ko firoo iniko hunguraa on iisintee mara aasu ko afatlemisu." ¹⁴ Nikiyakhayee koararimaibasl ha koakhamamisiribasl ti doo ko lalaali (hekalu) nikihhaes. ¹⁵ Iniko diyano ko hekalu ha tsaqamusay iyaarinee iisiru kiyaiisini ha kiyaa khasiri laqwali tsotsoonaa hekaluli oinaa "Hosana ti hu ko Daudili iyaqupiyee. ¹⁶ Nokooo "Aakhasiti tod takaoini na hira? Nikioo na Yesu "e! iniko awarahhateibasl lutsahhatisitaa ti laqali ka ha laqwali ko ninaku koruau maa hooa ta loo kontaa? ¹⁷ Nikimay na Yesu nikitiit hara fendi ta hhape ti Bethania nikitaysi guu. ¹⁸ Matlatleko kiyakiki kiii hara yamu wod iyaqwari kon. ¹⁹ Iyaarini ti khamoli daqari amoli. Kikidah iniko iyaslawini basl gamu to loo nokoo "mare la haay kento balu slome" Siwasi khaimo nikimoroo. ²⁰ Tsahhatimay kiyaarinei nikietlahhoiyee nikioiri "Imelatlehhiti khaimo imoroo doti?" ²¹ Nikoo na Yesu Tsoba suhhahhamimu bere la arapaama kontaa mare tlaameiisintaabasl het tanatiiti ti to khaimo likilosi iniko kama dandas sohhabitas lokohub lokokwahh waay maayli na dos tlehhiti. ²² Gamu kafirintee hara sarita ha arapa ama ilaohotaa." ²³ Yesu kiyadali hekaluli diyano ko makuhani ha garu ko hira nikiyakhayee. Siwa kiyatsahhatimimisi nokomahas "Hara uuru kalo do iisinti? miyaini son harisi uuruku? ²⁴ Nikioo na Yesu "Aasle kare umahas aaro wak. Ado doro kimahastee ana dosiloo loi suhhabu hara uuru mi gimbat iisimu. ²⁵ Arakuusay ko Yohana kiyakadahh dawri au ti hira? Mukumahamisiri inaa kiloini nikioir bere lahhaban iyadawri dahh un oot soay ayaaantei basl? ²⁶ Iniko bere laoan iyatihira dahh itlaamutan kurukuritay sa slome koarin Yohana ado yaaabutay. ²⁷ Ma niki Yesu oiri 'khuanabasl" Nikioo sle anasle suhhabbasl hara uuru mii gimbatiisimu." ²⁸ Iniko mi waumamisitaa? Hiru ko haay njad Nikidah ti waki nokooo nuuiii hauti yandukawi ti qaymo ta mizabibuli. ²⁹ Lasi nu nikioo hautabasl iniko magatiko nikiwaway alukiisi niki huati. ³⁰ Hiru wod niki dah ti nu ko njad nikidorod looloo oo nu wod nikioo hauti iniko iyadah basl. ³¹ Kolo ti haay njad iyasiisini doro tata woini iyaslaani? Nikioiyee nu ko panda nikioo na Yesu tsoba suhhahhabimu ko ushuru araba batsaa ha kotlakwe iisasimaa idafiri dawrili hungura la alutaa. ³² Bere male Yohan iyakhay dirokini hara amo ta dikiiti iniko owayaaast iebasl siwasi ko ushuru tsatsata ha ko tlakwe iisasima kowayaaan. Ha hunguraasle kowaaante aaremowas aislawtei basl firo maqa yaaantaa. ³³ Eitise aara ko hatla iyawan hiru hiru iya hhape kon ta dadiri. Iyadahamisi mizabibu nikiqas gamu koroetlantlahhasa nikiboiis ha khosli ta lomito nikitlehhe ha hhaimo ko lindumusay nakaalala sa kowa mizabibu khuunee nikihauti ha hhape ta hatlaa. ³⁴ Siwa ta buuru mizabibu kiyasapiti iyayaaabu yaaabutay ti doslemusay ko mizabibuli liawinaa mizabibu ros. ³⁵ Iniko doslmusay ko mizabibu niki hubu yaaabutay was wak nokodif woko nokogas ha woko nokolihhin ha tleee. ³⁶ Siwa ta hatlali hiru qaymo nikiyaaabu yaaabutay kohatlaa naaa neje iniko doslimusay komizabibu iyaadorod loo loo iisinee. ³⁷ Ma dis ahiru wod nikiyaaabu nuwos ayoin nikioo kotlaamut nu wii. ³⁸ Iniko dodimusay ko mizazibu iyaarinee kholimo wod nukuruhhabiyee he na ohimusimo hautarei nogasan laohan gamamat. ³⁹ Dosi nokohubu nokokwahh fendi ta qaymo ta mizabibuli nokogas. ⁴⁰ Ma hiru qaymo bere liya khay kimeleiisi dosli musay ko mizabibu?" ⁴¹ Nokooiyee "kilingi hira was tlaku hara amo ta dihhi neja bereihhees ta ala ha qaymo ta mizabibu sa doslimusay wakinaa ko mizabibu hira kobuaa hara amo ta mizabibu bere ihamor." ⁴² Nikioo na Yesu "unatsahhatisiteibasl ti tsaqaruli talauu tokowosii itlehhiti tlauu ko loo ko hhoo, he iyati dadiro dahho ha inedaaa ilawatini? ⁴³ Dosi suhhahhabimu khambatle ko lalaa kowaratlese dirokinaa lokoharis sa hhabe ta slahhaame koma ha aamu wos. ⁴⁴ Kowaehu i ti rawa tlauusa koqetimisi daqero iniko tokorohui kogotlini." ⁴⁵ Diyano ko makuhari ha Mafarisayo iyaakhasiri aara wos ko dsosi nikiarinee tainaa bimbumamisi. ⁴⁶ Iniki kiyaslaanei tatahha dabai woini sa ini iyatlaamutiri kurukuritay saga hira kowakhuu un ado yaaabutay.