¹ Bere male khambatlu kuwa dawri slangas ha hiru qaymo kowawatlay ara matlatle booo sa tongimawos qs ti qaymo ros ta zabibuli. ² Kunayaaanei ha tongimai dinar wak hara tlehemi wak kiyayaaabu ti qaymor ros khua ta zabibu. ³ Iyadaha kara siwa ta tami doti nikian tongimai wakinaa in qarimitiri mare ta qandu ti yaku ko sokol. ⁴ Nisikihhabu Hunguraa sle hautei hara qaymo ta mazamibu suharisi gamu ko loo, Dosi niki yandukayee. ⁵ Nikidaha kara siwa ta lahhoo kiya fisiri ti siwa ta gwelen niki dosi looloi iisini. ⁶ Siwa tahatlali kara siwa ta miba waki iyadaha nikislay hira waki naa in qarimitiyee mare ta yandu. Niyaoo saay aqarimitee diti layandutaabasl tlehhemi slome? ⁷ Nokooiyee fana saga hira hhaku kowayandu harisi saandaa. Nikioo Hungraasle hautei hara qyamo ta mazabibu. ⁸ Siwa ta khwai kiyadahati hiru qaymo ta mizabibu sokowahhabu sigeqaritimo wos a ooeenki tongimai libuutu uutu woini hara tlatlesa hara koalu paka ko panda. ⁹ Kiyakhayee tangimai siwa miba wake slome iyailaohiri dinari. ¹⁰ Kiyakhayei tongimai ko panda iyawawisiri ilaohiyaa naaa iniko iyalaohiri slome dinari wakwak. ¹¹ Kiyahheesir ilaoha baumay woini iyahhisle aaiiyee ti huru qaymoli. ¹² Nikiooyee tongimai wak ko alu iyandutiri ihubiri siwa wak ti yanduli iniko iqomaitisiti ha andaa andaa alohi sna gamama tlehemi tlupu an tsitsi aan hara hameri. ¹³ Iniko huruqaymo nikioo tihiru waki wereeetumo an tlakwe iisimibasl unaraaamambasle ha ana hara dinari wak? ¹⁴ Ilaohi gamuwog ko loo la hautu na qesuri wii harisa ga sa tongimai waka tikiyaqos toka alu qomay ha kuh. ¹⁵ Tlakwe ko iisiru doro kaslaa mi hara gamama rii? au ila rog ta tlaku ga ana siki hhoo? ¹⁶ Dosi ko alu tlehhiti ko panda ha ko panda ko alu. ¹⁷ Yesu kiytsaiiiini hara Yerusalemu iyalubu tsahhatimay was miba njad daqarili marikioo amoli. ¹⁸ Ilikhumisi Yerusalemu khukhuan ha nu ko Adamu kowahubu ti dabai ko diyanoli ko wakuhani na tsaqamusay ko hukumini gwaara. ¹⁹ Makotiitis ti hira ko yamuli lokohheriti lokodifu ha loko muritisi. Iniko lalaa ta tumii iyaslafu. ²⁰ Ma iyo ta haay ko Zebedayo iyakhay ti Yesuli ha haay was. Iyatungunaiti pandaros nikifiirt li gamu firinti dirosa. ²¹ Nakaoo na Yesu mislaat? Nokoo araooii haay wii kwa liibitiyaa wak daba wog ko uuya woko daba wog ko basa ti khambatle wogi. ²² Iniko Yesu nikoo khuutabasl gamu kafirinti. Aslawta arakitahha kikomba konro kitahh? "nakaoo islawan," ²³ Nikioo kikambe wii tsoba orokitahhataa iniko ibita ti daba wii ko uuya ha kobasa yandu wiebos husuharisi iniko ti kwad ti kiyaqas na tata wii. ²⁴ Tshhatimay wakinaa mibu kiyadosi akhasiri nikislahhaas neja na endee wain kwad njad. ²⁵ Iniki nikoo oo na Yesu nikioo khuutaa dadiraa ko hhapapu efakiyaabasl ha dadirai waini iisinaa aaremo sa inaa. ²⁶ Iniko marelidos tlehhiti dirokini fana koslaami litlehhiti kodadiri dirokini litlehhiti yaaabutay wakini. ²⁷ Ha kotlehhiti ko panda dirokini litlehhit yaaabutay wokini. ²⁸ Ado nuh ko Adamu sokowagandutibasl bere male iyaslafima was batsi sa wakinaa waratlesa. ²⁹ Siwa kiya Yeriko dahhiri kowagusu na hira naaa. ³⁰ Nikiarin hira njad ko ararimaibasl in ibibitiri daqari anoli kiyaakhasiri Yesu fufimisi iyatsotsoiri nikioiri "Dadiro nu ko Daudi lususlahhaat." ³¹ Iniko nikirioo oo na hira nikioo qabaqabei. Dos sle inaa nikitso tsori lioiyaa "Dadiro nuko Daudi lususlahhaat." ³² Ma Yesu nikiqariti nikioo oo nikimales "slaantaa lusumele iisi?" ³³ Nikioiyee "dadiro sa ila watini likigwer." ³⁴ Ma Yesu nokodukhu na slahhaamee nikinangus ila waini siwasi nikiarinee nokogusu.