¹ Iyatiiti Yesu siwa kiyahheesi gimbabasi nkihautu ara Galilaya nikihautu hara Yudea panda ta waamu Yordani. ² Nokogusu na hira naaa nikihhaesi taysi. ³ Mafarisayo nikiyadahiyee nokowarahha nokooiyee hare ta hhoe hara maymo mare ta gamu? ⁴ Yesu nikioo unatsahhatisiteibasle bere male kowahungura tlehhe tlatlesoka kunatletihe hare ahhawata? ⁵ Kara nikioo sadosi hhawatimo tata ha iyoroin may luruslahha ha hare ros inasle inaa njadi uruslahhiyaa sltlehhitiri slaqwa wak? ⁶ Dosi inaangadebasl kara fana slaqwa waka dosi tod takaraslahha na lalaa hiru ko biite mare lipaslisi. ⁷ Nookoo hinko soay Musa kunaro la harisan talaka ha maymu? ⁸ Nikioo hara khalaame ta manai waki kunarayaaan na Musa lima wtaa tikay wokini iniko taysa aluka iyadosiwantibasl. ⁹ Suhhahhabimu kohareros mawii bere mele sa biaa ha lakhabinti wakaa ibiaa iisinti hhawtumo ko hare ta biaa iisinti haba. ¹⁰ Yesu nokoo na tsahhatimay Bere dosi want ti hhawata a hare taboiibasl khaboo. ¹¹ Nikooo na Yesu iniko hira slome kobasl koilaohaa tsahhatisati. Waka iniko sa to kwad nikiyarayaan ilaoha. ¹² Bere ado wana tikiya alaqwali ti gurai ko mau waina. Ha desisle wanaa tikiyaiisi ni na hira ha wanaa kunae sinee sa khambatlu ko dawri. ¹³ Ma nosokowahabu laqwali ko ninaku sa lisikiegamiti dabai rawa waini ha firoo iniko nikiri oo oo na tsahhatimay wasi. ¹⁴ Ini Yesu nikoo "Arayaaamaki laqwali ko ninaku mare litlahhasitaa daroo khua bere male khambatlu ko dawri ko hire ara inaa. ¹⁵ Insle nikieqas dabai was diroini kiya hheesi nikihautu haga. ¹⁶ Tlakhumisi hiru wak nikyakhay hara ti Yesu nikoo "Tsahhatisimo aara miiisimu la slawmu hota ko balu slome? ¹⁷ Nokooo na YEsu "soay imahamisiti gamu mii ko hhoo? To wak ko hhoo iniko bere wotaa slaata ohii yaaabo ta lalaa. ¹⁸ Nokomahas na hiru wodo na layaabo kalo? Yesu nikoo mare gasiti mare biaa mare fiso mare lama hhaba. ¹⁹ Lirimuriti tata ha iyorogo hiru kodagari rogo loslaata ado muna wogo. ²⁰ Nosokohhabu na hiru wodo aaremowas slome in iisimu. Kahha mislaa? ²¹ Nokoo na Yesu "Bere slaanta la hhoumusay tlehhiti hauti dehhitukawi gama kakonto laharisiti sa maskini ma tlehhiti iloha knto dawirili. Ma hau liyagusiti." ²² Inikko musombimo wog kiyaakhasi tosokohhabu na Yesu nikihautu hara slahhaamee saga iya gamama kono naaa. ²³ Nosokohhabu na Yesu tsahhatimay wos "tsoma suhhahhabimu takhalaa hinda garimo edafa khambatlee ko dawrili. ²⁴ Kara suhhahaabimu taeslahha ngamia edaja ti bohonda ko singanili aredafako hinda garimo ti khambatlee ko lalaali. ²⁵ Tsahhatimay kiyaakhasiri dosi iyaetlokhoiri neja nikioiyee "Na kalo ya kowaratla wa? ²⁶ Nikikhuunu na Yesu nikioo ti hirali isi habl iniko ti lalaali slome kiaslay. ²⁷ Nokooo na Petro "ilakhumisi anamawan slome nak ku gusan. Mi slawwana? ²⁸ Nikoo na Yesu tsoba suhhahhabimu ini konaana gusi ti laqwalima ta aabi siwa ta nuu ko Adamu bereini ibiti ti kiti koansili ta hhoa rosi hunguraa sle ibita ti kiteri miba njadi ko ansi itiqinsitaa makabira mibanjadi ta Israeli. ²⁹ Dirokini kona doo mayi hhio tata iyo a haayi au qaymo sa uma wii ilaoho to mara naaa loohoto hhoa ta balu slome. ³⁰ Iniko naaa kowagatiri hinko efako kona hakoefako komaa tlehhitiri ko pandaa.