¹ Siwasi loi tsahhatimay nikiyakhayee ti Yesu li nikioiyee Miyaini na dadiri ti khambatle ko dawrili? ² Yesu nikioo oo hholimo ko ninina noko qas tlaaa waini. ³ Nikioo "Tsoba suhhahhabimu bere la kiiiitaabasl ti lalaali latlehhitaa ado laqwali ko ninaku islawtaabasl edafa khambatlu ko Dawrili. ⁴ Dosi kooslawi lueetis ado kholimo nina kiruado isi ko dadiri ti khambatluko dawirili. ⁵ Ha koilaohii khomilo ko nina hara uma wii liana ilaoho. ⁶ Iniko koiisimi sa wak ti kwak ninakwi koana akhamamisaa tlakwe tlehhitita hhoo tlaaa ta gotliru laka etsige isa rosi ha lokoeslakha wag baharili. ⁷ Sa fitsima sa siwa ta slahhaasa bere male dowe hhaku sa siwasi haymu iniko ku dirosi ti hiru wodi siwas iyakhaut sa ini. ⁸ Bere daba wog au yae rog natlatieso mpa taqupiti tsatiki lo kwahhat sigeli ha kuu. Tahhoo neja kuu edofa ti hhoali mare ta doba au kilema. Akwahhako ti aslali hara dabai slome au yaa slome. ⁹ Mere konqupitisi ni ila rog latuuutu lakwahhat sigeli ha kuu tahhoo neja kuu edafa ti hhoali hara ila wak akwahhako ti aslali ta balu slome hara ila slome. ¹⁰ Khuumei mare lohheritaa kama to wak ti kwa ninakuu. Beer male suhhahhabimu dawrili malaika waini wanaa balu slome panda hhuaunaa ta tata wii ko dawri. ¹¹ ("Laragasi gimbaba tapoa ado ta slahhama ko "mere dosi nu ko Adamu iyaslasla khasakay gamu kowahhani" Iyapiribasl siwa ta ansili). ¹² Aluki iimusimo miini? Bere hiru beuu mua wak kono wak lihhani mayabasl miberi gwelin hara gwelin dandali li dabahakay kohhan? ¹³ Bere konaslay tsoba suhhahhamibu sokokwaan kwad kowametir baaa miberi gwelen hara gweleni. ¹⁴ Dos kwaaru ko tata ko dawri kobasl tiba wak ko kwa ninaku lihhan. ¹⁵ Bere lokoslahhaas na dawaimo wog hauti slaqaru kawenki aara kowara dirogi ha ini bere ini waki na wan. Bere kone itisi dosi ma onakiiisiti dawaimo waog. ¹⁶ Iniko bere koneitisibasl hubi dawaimo wak au njad diwaki ha kuu bere male hara afai ko hhabimusay njad au tamu gimba slome talaqani. ¹⁷ Bere ado iakhasiyeibasl aaros hhabenki sa kanisa bere kanisali kanakhasi bas letlehhiti hiru ko hhapapu ha ha koiisluru tsatsaa. ¹⁸ Tsoba sunhhahhabimu gamu kotsegitee fitsimali ha dawrili katsege. Ha kagweritee fitsimali ha dawrili tagwere. ¹⁹ Kara suhhahhabimu ya bere hira njad dirokini luruiimbimitiri sa aarakako biite kifirinee fitsimali isi tata wii ko dawri kaiisini. ²⁰ Bere mado njad au tam bere likuru njuritiyaa diwaki ara uma wii ana tlaa waini war. ²¹ Kara Petro nikiyakhay nosokohhabu "Dadiro mara mag dawaimo wii bere ini dakusu anasle lososlahhaa? Kama mara fanquu? ²² Nosokohhabu na Yesu "ooimbasl mara fanqu iniko ado mara miberi fanqu mara fanqu. ²³ Sadosi khambatle ko dawri ado khambatlu ko biite kowaslaan qoma itisa fari tatito ngimay wos dahha. ²⁴ Kiyatlatlesi gomaitisa far tongimo wak nokowahubu dirosi tokowadinumimisi miberi mibu. ²⁵ Bere male iyaamo ta buuma konibasl. Dadiro wos iyayaaabu lakawairi hare ros a haay a gamaa slome iyako ni ina libuutu. ²⁶ Dosi tongimo iyahuu nikituntunaiti panda rosi nikioo dadiro lakikihhiso konto di waki ha ana ama obui gama slome. ²⁷ Dosi dariro ko tongimo wod fana kwae tafisi neja na slahhamee koaagemay nosokoslahhaa ina rod. ²⁸ Iniko togimo wod iyatiiti nikitongimai endee was slag tokowainumimisi ina mia. Nokodukhu nokooatlisi gwaaabali nokooo ibuut gamu wod koinumamisi. ²⁹ Iniko endee wosi kod iyahuu nokoragadiri neja nokoo kikihhisi sa ana ma ubuu. ³⁰ Iniko tongimo wod ko tlatleso iyasii noko kwahhakay gerezali paka libugu ina toko inumamisi. ³¹ Tongimai wakinaa kiyaarinee dorodi iyatlahhari neja iyakhayee nosokohhabu dadiro woini gimbaba slome tatiit. ³² Nayamu tokowaoo tongimo na dadiro wos nosokohhabu ku tongimo tlaku somow ku ina rii tuku gasi kyaraqa dinti neja. ³³ Kowaslaisle la slahhamekonto sa tongimo endee wog ado ana dorosokoro slahhaa? ³⁴ Dadiro wos iyaqupiti nokoharisi sa arakihhimusay paka libuu gama slome to kowa inumimisi. ³⁵ Dosi nadoro tata wii ko dawri sukun iisini bere sislaataabasl dawai rokini munaika.