¹ Balu lahhoo maqa Yesu kiyahubu diwak ha Petro ha Yakobo ha Yohana ningoin nokohubu paka rawa danda katlere ina looloo. ² Kowafokirisi panda roin panda ros nikimirihhiti ado tlehhemi ha qayro was unalaqanee mirihhime ado pisaru. ³ Ilahhumisi haqi kiyaetiitiri musa ha Eliya nikigimbusiyee. ⁴ Petro niki Yesu oo Dadiro hhoa anda waran diti. Bere la ilatserutu tlehhediti maraqase tamu togo waka ha wak sa Musa ha wak sa Eliya. ⁵ "Siwa kigimbumamisi ilakhumisi tlafota aabaku iya nahhatu hubinti ha khuumi nikiyatiiti oo oo tlafoka ointi "Heke ana yuwii owaslaa kiwaamanisi na ini ini naakhasakiru. ⁶ Tsahhatimay kiyaakhobiri kwasi nikipahhiri ara jgyoyytubi ga bujutkaanyturu neja. ⁷ Yesu nikyakhay nikinangumisi niki oo waratlawei tlaamebasl. ⁸ Inaasle nikiwaratlesiri pandadu waini ara rawa iniki iyaarineibasl hiru to Yesu. ⁹ Kiya dand eeeeetitinee Yesu nikiyaabu nikioo mare tiitisa arima waka paka nu ko Adamu liyofafu ti fakimay kaa. ¹⁰ Nokomahasi na tsahhatimay was nikioiyee "Soay tsaqamusay oinaa Eliya iya ga sa gat? ¹¹ Nikioo na Yesu Eliya iyakhay tsoba liaaremo slome kiisi. ¹² Iniko suhhahhabimu hunguraa Eliya inakhay iniko kowatsahhibasl. Fana, nosoyandutu gimbaba kiyaslairi inaa. Dosi doro na ko Adamu dorosokoelihhima harisi ti dabai waini. ¹³ Yamu tsahhatimay kiytsahhiri iyagimbumimisi aaremo ko Yohana arakuu musimo. ¹⁴ Kiyadahiri ti hirali hiru wak iyadaha nikitungunaiti panda rosi ha nosohhabu. ¹⁵ Dadiro lososlahhaat nuwii bere mele papahha han ha ekihhimamutu neja siwa naaa epapahhahhan aslali ha ti maayli. ¹⁶ Awahubu ti tsahhatimay wagi iniko iyamatsinee hhaeba. ¹⁷ Yesu nikioo hungura lagwalima tayaaamaibsl ha tatlakuwibasl ibiti diwaki ahungura paka mahale? Kikihhisi ha hunguraa paka mahale? Hubanki diroi. ¹⁸ Kowaraoo oo na Yesu ha tsagwa nikitiiti msombimo kwahhaese siwa rodi. ¹⁹ Tsahhatimay niki Yesu mahasiyee hara hakway saay aaslawanibasl muriru? ²⁰ Nikioo na Yesu sa arapaama waki ni ko ninina. Tsoba suhhahhabimu bere laarapaama kontaa ta ninina ado dagari ta pisakaro ta haradali aslawtaa ladandaka ootaa, lohi dita la hadi hautu insle loho tametiya basl na gamu ko biite ko matsimaa dirokini. ²¹ (Aaohii bimbaa ta slahhama ko "Iniko pepo aslautabasl tiita fana hara firo ha tsega poiyaabasl ti siwa ta hhoi ta ansii). ²² Siwa kikahhiri Galilayali Yesu ni sikihhabu tsahhatimay wasi Nu ko Adamu kogasi dabi ko hirali. ²³ Ma kogase ta lalaa ta tamu iyaslafu "tsahhatimay iyaslahhairi neja. ²⁴ Inasle kiyadhiri Kapenaumu hira koo kodi kurunkurarimaa tlaqa shekeli nosodaha Petro nikioinri o tsatsahhatimu simo wokini buauna taga ta shekeli? ²⁵ Nikoo "E" Iniko Petro kiyaedofi waay dooli Yesu nikigasa gimbusu ha Petro nikioo mi wawomamisiti Simoni? Khambatle ko fitsima ilaohomaminaa kodi ti mayaka ti kwad kowainaa bababatlaa ti dahaye ka? ²⁶ Siwa Petro kiyaoi "Ti dahaye kaa Yesu nikioo dosi tikiyarabaaa kin batsi ti buumaka. ²⁷ Iniko mare liiisiman ko ushuru tsatsatulitlakwe iisinaa hauti hara bahari kwahhi ndoano looo ooto samakimo woso kowakhawa gasa. Tokowagweri afa wos slawini hagi shekeli wak tlesenki laharisti ta ko ushuru tsatsataasa ana ha kuu.