¹ lalaasi Yesu iyahaut ayaka nikii binakay daqarii baharili. ² Hira naaa iyakurunkuritiyee nokoniniiti iyaeda ti waay mtumbwi wosi hira slome iyaqarimitiyee daqarii baharili. ³ Ma yesu iyahhabu gimbaba naa ado. Iyaoo ilikhumisi uru iyadahamisu kay. ⁴ Kiyadahamimisi pisakaro waka iyapahhat daqari amoli tsiraoo iyakhowt nakanoon. ⁵ Pisakaro waka iyapahhati rawa ta miwa mbali bere mele iyaslawintibasl tipa ta naaa. Aluko niiyatii ga sikiyatipa ta naaa kontibasl. ⁶ Iniko tlehemi kiyaeda aati iyamoroot saga sikiya deaarimai kontibasl ma nikikahat. ⁷ Pisakaro waka iyapahhat tod ta leqewa komaa hhee ko leqewaiyatla dayee hara rawa naka uuru baaa. ⁸ Pisakaro waka iyaepahhat ti tipata hhoi nikiyatiiitisi aamu waka mara naaa neja waka mara miber lahhoo waka mara miberi dakati. ⁹ Ko ea komi liakhas. ¹⁰ Isahhatimay iyakhayee Yesu nokooo soay gimbumamisiti ha kurunkuritay hara biite? ¹¹ Nikioo na Yesu sukun haris elehha ko tsahha yakwe ta khambatlu ko Dawri in ayoen sikiyaharisibasl. ¹² Iniko hiru kokomii diros sokorogin neja tsinaaasa ta dadiri slawin. Kokimisabl tod kikonisle sokoafatslese. ¹³ Dosi sigimbumamisi hara biite kama ki akhamisiyee mare liakhasiyaa hara tsahha. ¹⁴ Yaaabuta ta Isaya ibuut diroin kod kooaima bere ana akhasitee la akhasi taa iniko haro dowe tsahhata basl. siwa kan arintei laaslawtaa arimaa iniko hara dowe mere latsahh ataa. ¹⁵ Ha munai kohira wak ineboaayee khalaat akhasa ha in ilawain tseb iyee sa mare liari naa hara ila wain au akhaasa hara ea wain au tsahha hara munai wain dosi laka sinafokiti kara laka in hhaes. ¹⁶ Fana ila wakin kiwaratles bere mele arinaa ha ea wakin bere mele akhamisir. ¹⁷ Bere meme suhhabimu yaaabutay naaa naa aaremo wad iyaantee iyaaslayeibasl arima. Iyakwaiinee liakhasiyaa aasemo wad kaakhasitee iyaakhasiye ibasl. ¹⁸ Hinko akhasi biite ko uruu. ¹⁹ Siwa slome kiakhosi gimba ko khambatlu ha mure litsahh yamu tlakusumo kiyakhay itles takadahamisi waay muna wosi. Hee na Pisakaro rod takadahamisi daqarii amoli. ²⁰ Ini tokowadahamisi ti kod koakhamamisi aara koilaohomamima tsige hara qese. ²¹ Kahh deaarimai konabasl waay wasi ini kikihhimamisi hara siwa ta nina. Siwa ekihhima kiyatiimamiti sa gimba kotlupapit. ²² Tokowadahamisi ti khaimo ko leqewali hee nakod ko gimba akhamamisa iniko ekihhima ha awanafaye ko fitsima ko hindageri tafimamisiti gimba wod mare li lawal aamu. ²³ Tokowadahamisi ti tipa ta hhoi hee na kod ko akhamamisa ha tsahha aara. Hee na kod kolaqwalalima aamu ha kolaqwalalima wak neja mara mia waka miberi lahhoo waka miberi dakat. ²⁴ Sikiyaharisi biite woko. Nikioo khambatlu ko dawri tlanqasi ha hiru kodahamisa Pisakaro ta hhoo qaymo rosi. ²⁵ Iniko hira kiyaguute anei tlakumusay wos sle nikiyakhay nkidahamisi deaarimai tlaa nganoli kiyahheesi niki haut. ²⁶ Maqa ngano kiyatiitisiti balu wos yamu deaarima sle iyatiitiri. ²⁷ Na tongimai ko hiru qaymo nikiyakhayee nokooiyee dadiro adakami sitisle pisakaro ta hhoo qaymo rogi? Imele deaarimai iisinti? ²⁸ Nikioo tlakumusay na dot iisini nokoo na tongimai hinko slaanta lahautan latuuumani? ²⁹ Hiru qaymo bere lioo an ah siwa katuuuntei deaarimai tuuuntaa hangano tle. ³⁰ Mawakini diwaki paka siwa ta buuru siwa ta buumali hhabu ti kobuumai aara tuuumee deqarimaili kurunkurintaa upai upa li daaataa inoko kurukuri ngano la qasitaa kiyara tii. ³¹ Nisikiharis biite woko nikioo khambatlu ko dawri slangas ha pirakaro ko haradali ta kahubu na hiru nakadahamisi qaymo rosi. ³² Pisakarot ta ninina pisakaro slome baaa. Iniko khee was ko diyani khee slome baaa ko bustani khaimo ko tsiraoo ko rawaa iyakhakha khayaa lideeri tlehha hhitir elemu wasi. ³³ Zikihhabu aara kohatla kara khamba tlu ko dawri ado mahhaame rod ta katles na hatihare takaraslahha hara bamaa tamu paka liyadahhati. ³⁴ Kwas slome kiya hhabu na Yesu ti hirali. Ha ta gamu kobiite basl iyahha bisli gamuwe diroini. ³⁵ Hee na tod takahhabu hara ti yaaabuya hara libuut haqi kiyaoo "Afawii waatles ti gamu ko biiteli hhabu gimbaba rod takayaku tlatleso ko fitsimali. ³⁶ Kiyahheesi kiyamay kurunkurita na Yesu nikihaut hara ayaa kowagusu na tlahhatimay was inioiyee suhhabiti biite ta deaarimai ko qaymo. ³⁷ Kiyoo na Yesu kodahamisa pisakaro ta hhoo ta nuu ko Adamu. ³⁸ Qaymo to fitsima ha pisakaro ta hhoo kwa na haay ko khambatlee. Deaari mai na haay ko tlakumusay ha tlaku musay kowadahamisi na ibilisi. ³⁹ Ha buuru na efako ta fitsima ha buumusay na makaika. ⁴⁰ Ado doro deaarimaa tikikurunkururin likidaaa asla dosi nadoro kiritlehhiti edako ko fitsima. ⁴¹ Nu ko Adamu iyayaaa malaika wasi kurunkura ti khambatla wosa gimba slome ta tlakweiisint ha kwad ko tlakwe iisasimaa. ⁴² Kikwahh slome ti aslali tatlehhiti na aaee ta sihheri gotliruu. ⁴³ Yamu hira koloo kimirihhiyee ado tlehemi ti khambatlu ko tata waini ko ea komi liakhasi. ⁴⁴ Khambatlu ko dawri ado gamu toko wayakwi qaymoli. Hiru bere iarini laka yaku ti qese wosi niki lehhis lakatlaku gama slome kikoni ha qaymo ttlakho. ⁴⁵ Kara khambatle ko dawri ado hiru ko wa kifongola iisini ko gamu ko hhoa koma aabalitaa. ⁴⁶ Siwa kiyaarini tod ta uuru iyauzirukay gama slome takakon nikitlakunu. ⁴⁷ Khambatlu ko dawri ado nyavu ta waay baharili wara ta arababe batsa gamama slome. ⁴⁸ Kiyahast kowadukhu daqarili. Nikiibibitiyee hhapeli nikiribabatsiyee tod hho waay khoslayli iniko ta yandu kobibasl ta kwahh sigeli. ⁴⁹ Dot tlehhiti qako ta fitsimali malaik iyahhayaa kipaslisi kwa tlaku ti kwad hhoa. ⁵⁰ Likikwahha waay aslali tatlehhit na aaee ta sihheri gotliru. ⁵¹ An tsahhatei aaremo wak slome? Tsahhatimay iyaoiyee an tsahhani. ⁵² Nikioo na Yesu tsaqamusimo kowa tlehhit tsahhatimo ko khambutle slanqasi ha hiru doo ko gama baba batsa ta abu ha ta ansi. ⁵³ Yesu kiyahhesi gamam slome nikihaut disaa. ⁵⁴ Yesu niki dah ti hhape rosi nikihira tsahhatis tai sinagogili iniiyaetlohhoiy ee nikioiyee "Hiruku iyakali slawari hhoa ha aaremo wak hoo? ⁵⁵ Hiruku ni ko seremali kobasli? Marirami iyoroine basli? Ha dawai rosi Yakobo Yusufu, Simoni ha Yuda kobasl? ⁵⁶ Ha hhie wasi diti wanaa ayori? Ma hiruku inakala slawin kwa slame? ⁵⁷ Kiyaqupitis inilo nikioo na Yesu yaaa butay haramure kosasi na basl to ayoin ha hhape roin. ⁵⁸ Iyaaslaybasl aara iisiru saga iyarapaama konibasl na ini.