¹ Siwasi Yesu iyadaha lalaa ta sabato nikiri qaymo har. Tsahhatimay wos iyaqwari konee nikiemuuunee khee qetimisu haaago. ² Iniko mafarisayo iyaarinee kwas niki Yesu oiyee khuumi tsahhatimay wogo iisinaa tlakwe lalaaa ta sabato. ³ Iniko nikoo na Yesu unatsahhatisiteibasl Daudi dokiyaiisin siwa kiyagwai koni diwaki ha hira kiyawanee? ⁴ Doro iyaedaf doo ko lalaali niki mkate aag alka tokowaslaibasl aago na in ha kwad kowawanee in ta loo ta makuhani? ⁵ Kahhataa unatsahhatisitei basl ti khuumali tuba ti lalaa ta sabatoli makuhani waay ta hekalu li sabato najisasinaa iniko tlakwe konaabasle? ⁶ Inko hhabimu dirokin kodadir ti hekaluli diti wan. ⁷ Bere laka antsahhaatee hee namiini hhoa slaa dhabihu kobasl lakairiqintibasle ko tlakwe komaibasle. ⁸ Bere mele nu ko Adamu na dadiro ko sabato. ⁹ Ma Yesu nikifiit haqa nikiti sinagogi khuu lasi. ¹⁰ Ilakhumisi iyawan huru kowa daba tsaqut Mafarisayo niki Yesu mahasiyee nikioiyee. Ta boii hhaesa lalaa ta sabato? Tiba sa lokohhabu sa tlakwe iisiru lalaa ta sabato. ¹¹ Nikioo na Yesu miya dirokini ado laka ana beii wak ha beiit ikiehuuti ti waay bohondali lalaa ta sabato kaohiyasle ha batsa hara uuru waay bohonda kaa? ¹² Kalo na hhoa kont nejea neja ta beuu hinko ta hhoo iisiru lalaa ta sabato. ¹³ Ma hiru wod nokoo na Yesu "Dirisi daba wog" Nokodikiisi niki hhoa ta slaqwa slay ado kod woko. ¹⁴ Iniko mafarisayo nikitiitiyee ara fendi nikigimbusiyee dogo tagasa iyafenali khuiyee nikidikiisir ara aluufoka iyadoro tara gasa tabahihitiri. ¹⁵ Yesu kiyatsahhi het nikihaut disa. Hira naaa kowagus nikihhaese slome. ¹⁶ Iyayaaa mare liiisinaa lokotsahh na wakinaa. ¹⁷ Tiba fod li buuti tsoba dor takarahhabu na yarabutay Isaya kiyaoo. ¹⁸ Khuumi yaaabutay wii konelehh slaara wii dirosi muna wii inkwaan. Muna wii to oqas sa ini ha hhabu hukumu ti hhapapuli. ¹⁹ Firikimitiyabasl aaiiyabasl ta uuru aakhasitabasl afo ros yamuli. ²⁰ Kagetisiyabasl tsokahhi takaegwehhe hhamisiyabasl wambi to quu tiitimamisa paka liyahukumu hubu nakasindimani. ²¹ Ha hhapapu uurutiyaa sa uma wos. ²² Hiru ko biite koarimibasl ha kogimbusibasl kowa tsaqwa ta tlaku koma kowahubu panda ta Yesuli. Nokohhaesi ma hiru kowagimbusibasl iyahhab nikiarin. ²³ Kurunkuritay slome iyaetlokhoiyee niki siyee Hiruku islaya litlehhit nuu ko Daudi? ²⁴ Iniko Mafarisayo iyaakhasiri aarak ko taali iyaoiyee "hiruku tsaqwa babatsiyabasl hara uuru waos iniwak fana hara uuru ko Belzebuli Dadiro ko tsaqwa. ²⁵ Iniko Yesu iyatsahha waway woini nikioo khambatle slome kunadehhini iniwak hakwakuy ha deeri slome kunadehhinee ina kiloin qaritiyabasl. ²⁶ Bere ibilisimo ibilisimo basl doi un sisii mona wos inewak. ²⁷ Khambutle wos meleli qariti? Beretsaqwa babats hara uuru ko belizabuli tlankumusay waki hara amo ta miya tiitiyaa? Sa het tlehhitiri mahakimu wakini. ²⁸ Bere tsaqwa babats hara uuru ko muna ko lalaa dosi khambatlu ko lalaa inakhay dirokinii. ²⁹ Hiru meleli islay edafa doo ko uuru masayli lifisini mare ta hiru doo tseg a gasa? Liasofisin gamama ros dooka. ³⁰ Ini kodiwaki waribasl ha ana aluwii wan insle koarabatsi basl ha ana isisle pasasin. ³¹ Hinko oimu dirokini tlakwe slome hira kiriohini ini kowaway tlaku sa muna ko hhoo kiriohinabasl. ³² Ha kohhabi aara alu ha nuh ko Adamu isi korohini. Iniko kohhabi alu ha muna ko hhoo isi koroohi nabasl ti fitsimakiha kowa khotsi. ³³ Laiisant khaima litlehhiti ko hhoo ha aamu wos kohhoo au lolingiti hhaimo ha aamu wos bere mele hhaimo popoaini sa aamu wos. ³⁴ Hunguraa laqwalima ko desu hunguraa kun tlaku meleli aslawtaa hhaba gimbaba ta hhoo? Bere mele afa hhahhababini ti gamu kowameti ko munaili wari. ³⁵ Khaimo ko hhoo ti gamu ko hhoa komu ko tlaku ti bamu ko tlakwi ko muna wos la tlakwe tiitimamis. Huhhahhabini ha lalaa ta hukumuli hira harisiyaa fari ta aaremo slome kiyahhabiyee ko tlaku. ³⁶ Huhhahhabim ya lalaa ta hukumuli hira harisiyaa fari ta aaremo slome kiyahhabiyee ko tlaku. ³⁷ Bere mele hara gimbaba rog sokofar ta loo ha gimbabarog kohukumini. ³⁸ Tsaqamusay wanaa ha Mafarisayo iyaoinee ti Yesuli tsahhatimusimo kwaaman laariman gamu ko biite kowa dirog dahha. ³⁹ Iniko nikioo na Yesu Laqwalima ko tlaku ko zinaa gamu dabahiti. Iniki gamu hhaku tokolagan diroin bere mele gamu wod ko Yona yaaa butay. ⁴⁰ Ado do yaabutay Yona kiyaguraa ko samakili wani ko dadiri balu tamu tlehemi ha amasi dosi doro nuuko aamu dosokiri tlehhiti waay yamuli balu tamu tlehermi ha amasi. ⁴¹ Hira ko Ninawi qaritiyaa diwaki ha hira laqwalima ta hira hatahukumini bere mele iyaaaiiyee hara hhabi ta Yona ha khuumi hiru kobiite dadiro ko Yona wan diti. ⁴² Malikia ta kusini watlawtu hukumuka ha hira ko laqwalimak lokohumumini Iyakhawtu aw ta fitsimaka sa eitisa hhabi ta selemani khuumi hiru ko biite dadiro slemani baaa deti. ⁴³ Bere tsaqwa ta tlaku tiimi ti hiruka hara yamu maay kahhakii hararin li kwahhasiti iniko arintabasl. ⁴⁴ Ma oot akiii doo wii ka dahha. Bere inakii doo wed koslay kon-hhunts. ⁴⁵ Ma hauti liyawakimaa hubu munai kotlaku fanqu ko tlaku neja ini baaa iyakhayaa diwaki hotiyaa haqi. Ha hotawos tlakuyaa alu tsini. Dosi doro taka tlehhit laqiwalimak tlakwii. ⁴⁶ Khuumi Yesu kiyagimbumimisi ha hira was iyoroi ha dawai was iyafendil garimitiyee dabahitir ligimbusiya. ⁴⁷ Hiru wak nikioo Ilakhumisi iyorokini ha dawai rog ingendili garimitiyee dabahitiri gimba ha kuu. ⁴⁸ Iniki kod kowahhabi nokooo na Yesu Iyoroo na miya? Ha dawai rii na anamiya? ⁴⁹ Insle iyadaba dikiisi sa tsahhatay nikioo khuumi kwa iyoroo ha dawai rii. ⁵⁰ Bere mele ko tlaaru iisimi ha tata wii ko Dawri hirus na dawaimo wii hhiorii ha iyo rii.