¹ Siwa si Herode iyaakhas gimba ta Yesu. ² Nikioo tongimai waas hee na Yohana arakuumusimo inaslaf kowafakiyee ka. Bere mere uurusu dirosi wan. ³ Iniko ti Heroderli iya Yohana ohoo nokokwahhagerezali sa Herode hure ta filipo hhia wos. ⁴ Bere mele kowaoo na Yohana taboiibasl latlesiti li hare rog tlehhiti. ⁵ Herode laka tagas iniko nikitlaamut kowaan na hiraa Yohana yaaabutay. ⁶ Iniko lalaa ta lagwalima Herode kiyada hati hati ta Herodia iyanetint tlaaa ta liirali Herode nikikwaa. ⁷ Ti hhabili iyagas lao aagisa tuba sakaharisi gamu kitsaati. ⁸ Tokowara gadini na iyoroini iyaooto Hinde sa ana diti saga ko Yohana arakuumu simoo. ⁹ Khambatlu iyaslahhame kon safiro ta khwayla iniko sa lao aagisa roso sa slome kowaaagoli wanee ha ini iyaoot kaslaa lakaiisini. ¹⁰ Iyayaabu Yohana lokowalubu tereaka. ¹¹ Lokotsat saga wos nokowahubu rawa siniyali nasakaharisi khway la lokolehhos sa iyaroini. ¹² Ma tsahhatimai nikiyakhayee nikisla qwa gegeriyee nokotip alu ta heti nikioakayee ti Yesuli. ¹³ Yesu kiyaakhasi dosii unadehhibasl haqa nikitsaaaan waay maslukal nikihaut yamu kowatlakhatirii hira kiyatsahhiri yamu kiyawan nokogusiyee hara yaa yamu kaa. ¹⁴ Yesu nikiyakhay pandaroini nikiarini hira naaa. Nisikaslahhaa nikihhaese mamaaari roini. ¹⁵ Kiyadahati khwaii tsahhatimai niki yakhay dirosi nikioiyee, "Hee na yamu ko etlakhu (Jangwa) ha lalaa ifusiti. Papasenki kutunkuritai lihautiyaa hara hapapu waini liaago daba hitukayaasa inaa. ¹⁶ Iniko nikioo na Yesu "Barawe hhaku ta hauta inaa saharisakini na hunguraa aago. ¹⁷ Nokooo diti makate koani komani ha samaki njad toalee. ¹⁸ Yesu nikioo Hubarakini diroi. ¹⁹ Yesu nikiibitis hira ti tsokkonoli nikitlese mikate koani ha samaki njad. Nkiila khumisi rawali dawrili nikihhoesi mkate nokoharisi sa tsatsahhatimayi tsahhatimimay ni kitehhinee sa hira. ²⁰ Nikiaaginee slome nikiakhiri manikiara babatsiri daqero ko aagima nikihatsimisiri makapo miba njad. ²¹ Kwadi kowaaaginee hhawate alfu koan haatikay iyarafari basl ha laqwali. ²² Nikirihhabu tsahhatimay liedafi yaati mashuali siwasi ini nikihira agini lihautiyaa. ²³ Tikiyaagini hira lihautiyaa nikitsaaani rawa dandali nikifiriini iniwak. Siwa ta khwai iyatay si wan iniwak. ²⁴ Iniko hinko mashua kiyatlaaa baharili wani iyalingilingigini sa tlafo sa tlaqa ata dihhi. ²⁵ Lalaa ta tsigahhi Yesu kiyara sapu iyarawa maayli khotsitsini. ²⁶ Tokowaaani na tsahhatimay wos wara bah arili khotsini iyatlaamutiyee nikioiyee nikisotsoiyee sa tlaaamee. ²⁷ Nikioo mara wok na Yesu nikioo suha risitee munai ana loo tlaame basl. ²⁸ Petro nikioo dadiro bere na kuu iriyaaant lakhaw dirog rawa maayli. ²⁹ Yesu nikioo hau dosi Petro nikiyatiit waay mashuaka nikikhatso rawa maayliti Yesu khua. ³⁰ Iniko Petro kiyatlafo anii iyatlaamutu nikieuun ara waay nikitlatles oo oo Dadiro iriohintii. ³¹ Tsige Yesu nikidaba tatahha nikya Petro waratlese nokooo kuu ko arapaamu ta nina soa atlaamutu? ³² Ma Yesu ha Petro nikedafiyee waay mashuali tsaqwa kiyatlahhatii. ³³ Tsahhatimay nikifirinee ti Yesuli nikiooiyee Tsobaa kuu nu koo lalaa. ³⁴ Kiyatsootiyei iyadaliyee hhapa ta Genesareti. ³⁵ Hira ti yamu wad kiyatsahhiyei Yesu iyayaaabiyee yaaabo yamu slome nikiyahubiyee mamaaaritay slome. ³⁶ Kowara gadirni tiba yaa liqwasaaa ta qayru wos nangusiyaa naa kowana ngusiyee iyahhaayee.