¹ Kubela twahaluliwe kugoloka kunzila yukwizera, tulafishe amaholo yimana kunzila yu mwami wachu Yesu Klisto. ² Kuhitila kuliwene twebwe kandi twalonse ubuntu kunzila yukwizera mulikwene tulahagaza. Tulanewe tulimbuti nyuchi twahawe ni Mana kubela hanyuma, tufishe ubutinyuchi bwo kufashanya mubwela bwi Mana. ³ Siyi kusa, aliko kandi tulanezewe mumagogwa yachu. Tumenya yuko amagogwa avyala kwihangana. ⁴ Kwihangana kuvyala kwemelegwa, no kwemelegwa kuvyala kutinyuka chanyuma. ⁵ Ubu butinyuchi ntibuteza kwihebula, kubela ulukundo gwi, Mana gwa suchwe mumitima yachu kuhitila kuli Mutima Mutakatifu, yatanzwe kuli twebwe. ⁶ Hotwali tufishe ululega luke, mukihe kibeleye Klisto yala fpuye kubela yababi. ⁷ Kukubela biloba bizoba bikomeye yumwe kufpa kubela yu mutakatifu, ili ni kuti, hamwe umuntu yotinyuka kufpa kubela yumuntu mwiza. ⁸ Aliko Imana yelekanye ulukundo gwayo kuli twebwe, kubela ikihe twali tukili abanya vyaha, Klisto yala fpuye kubela twebwe. ⁹ Hanyuma kisumba vyose, twahaluliwe kuba abatakatifu kumalaso yiwe tuzokizwa nayo kuva mwishavu dyi Mana. ¹⁰ Kuko, ikihe twala bansi, twaluganishijwe ni Mna kunzila yulufpu gumwana wayo, kisumbilizaho, imaze kutwunganisha tuzokizwa nubuzima bwiwe. ¹¹ Jibi kusa, aliko kandi tulanezegwa ku Mana kuhitila kumwami Yesu Klisto, kuhitila kuli wene twunganishijwe. ¹² Nimba lelo kuhitila kumuntu yumwe ichaha chalingiye mwisi, kuliyinzila ulufpu gwalingiye kunzila yi chaha. Ulufpu gwala kwilagiye mubantu bose, Kubela bose baze ivyaha. ¹³ Kubela amategeko atalabeho, ichaha chali mwisi, aliko ichaha ntikihalugwa mukihe atamategeko. ¹⁴ Aliko, ulufpu gwala ganjije kuva kuli adama kugeza kuli Musa, no hejuru ya badya batakoze ichaha nko kutubaha kwa Adamu aliwe kigelelanyo chudya yoje. ¹⁵ Aliko nuko, akashimwe kubusa sinkamakosa kubela kwikosa dya yumwe benshi balafpuye, kisumba chane ubuntu bwi Mana na kashimwe kubuntu kumuntu yumwe, Yesu Klisto, yasumbilije kugwila kuli benshi. ¹⁶ Kubela akashimwe sinki bibone kana kwa yudya yakoze ivyaha. Kubela kulundi luhanda, kuchiligwa ulubanza kwaje kubela ikosa dyu muntu yumwe. Aliko kulundi luhande, ingabile yabusa iva kukuhaluligwa ubutakatifu yaje hanyuma ya makosa menshi. ¹⁷ Kubela, kwikosa dya yumwe, ulufpu gwalaganije kuhitila kuli yumwe, kandi badya bazokwakila ubuntu bwinshi hamwe ni ngabile yukuli bazotwala kuhitila kubuzima bwa yumwe Yesu Klisto. ¹⁸ Uko lelo, nimba kuhitila kosa dya yumwe bose baje kuchiligwa ulubanza naho kuhitila kukikogwa kimecho kugololoka hachiye haza kuhaluligwa kugololoka kubuzima kubantu bose. ¹⁹ Kubela kukuhitila kutubaha kumuntu yumwe bensi bagizwe abanyavyaha, none kuhitila kukubaha kwa yumwe benshi balogigwa abagololochi. ²⁰ Aliko itegeko dyingilanye hamwe, kugil ngo ichaha kishobole kukwilagila. Aliko ahantu ivyaha vyagumye biba vyinshi inema yala gwiliye kusuvya. ²¹ Ibi vyabaye kugila, nkuko ichaha chaganjije mulufpu, niko ninema ishobola kuganza kuhitila kukugololoka yubuzima buta hela kuhitila Yesu Klisto mwami wachu.