¹ Kubwigo golane tulafishi ihuduma iyi niko twayakiye ikigogwe nitwihebula. ² Hayuma yaho, twase izila zisoni zinyegeje nitobaho kwisavu na nitulolikolesha nabi ijambo dyimana. Kubaso holeza ibili mukuli, tuliyelekana twege yene kuchipfuzo ya kila kintu imbele nyimana. ³ Kuko yuko injili yachu yanyegejwe kwa badya gusa badya balichwa. ⁴ Kubela ukutala kwabo Imana yomwisi iyu yala bahumije kumenya kwabo ibi inzela ivyashiche vyiwe, niwoshobola kubona umwidegevyo winjili yubwe landa bwa Klisto, niwe akalolelo kimana. ⁵ Kukubela tutitagaza twenge yene, yuko Klisto Yesu yuko Umwami natwe natwe yene nuko tulabakozi bwanyu kukubela ya Yesu. ⁶ Kukubela Imana aliyo yavuze, " Umwanga gulo mulika kuva mumwijima." Yamuliche mumitima yachu. nukutaga umwanga ubwenge nubwelanda bwi mana nu ukubaho kwa Yesu Klisto. ⁷ Kuko tulafise kubika ibi muvyombo vyu budongo, kugila go baishileho kuba ni nguvu nkulu chana ni Yimana na siyiwachu. ⁸ Tulabambala ni kwiyo hali kadi nitubambala tulabona ubwona kadi nitulangele kwihebula. ⁹ Tulafeswa kadi nitulekezwe tulatagwa hasi kadi ntitwichwa. ¹⁰ Imisi yose tuheka kadi kumibili wachu ulupfu gwa Yesu kugila kadi ubuzima bwa Yesu, kugila kadi munibili yachu. ¹¹ Twenge tukomeye imisi zosi yatazwe kupfa kukubela kwa Yesu bubonekane kadi mumibili yachu yumwa na wabantu. ¹² Kukubela iki, ulupfyu kikola akazi mulitwenge, kadi ubuzima bukola akazi mulitwenge. ¹³ Aliko tufishe umutima udya udya yo kwizela kugana ana kidya kililo ichandichwe: "Ndalizeye, ivyo ndalavuze twenge kadi twalizeye, nivyo kadi tulavunga. ¹⁴ Tulamenya yuko yudya yamuzuye Umwami Yesu yuko tulozuka twenge hamwe na wene tulamenya yuko tulozana twenge hamwe namwe kadi ukubaho kwiwe. ¹⁵ Kila kintu nikubela mwebwe aliko kadi, kugelelanya ineema niyo ikwilagila ku bantu beshi akashimwe zilenge ni kangezeka ubwelanda bwimana. ¹⁶ Uko nitwipfuza naho haze twalacha fuche kada ulitwenge tulakogwa ubushasha umusi hadi umusi. ¹⁷ Kukihe iki kitoyi, amateso aya yoloshe alatutenguza twenge kukubela umilele bulemeleye ubwelanda bulegeye ikipimo vyose. ¹⁸ Kukubela nituleba kubela ibintu bidya bibwonekana, kuko kubela ibintu ibitabonekana. Ibintu tushobola kubibona ni vyumwanya gusa, kadi ibintu aliko bitabonekana ni vyimisi yose.