¹ Ubu ndabibucha, Mula misole namwe mwa nkumi, hejuru yi njili yondababwiye yomakiliye no kuhagalala muliyo. ² Muliyo njili mwala lokoche, nimwalifata neza ijambo dyo ndabahubiye mwebwe, atakulo mwizeye kubusa. ³ Ubwambele nkiko nda dyakileye kukamalo ndalizanye iwanyu nkiko lili kuti kuva kuvyandichwe, Klisto yalafpuye kubela ivyaha vyachu. ⁴ Kuva kuvyandichwe yalazichwe, kandi yala zuche kumusi na katatu. ⁵ Kandi yali yeleche kefa, Male yiyeleka badya chumi na babili. ⁶ Male ababiyeleka mumwanya gumwe abahungu naba kobwa balenga amajana atanu benshi muli bene bachali bazima aliko bamwe muli bene bala dyamwe mwitilo. ⁷ Male yaliyelekaye kuli Yakobo, male yiyeleka abatumwa bose. ⁸ Umwisho wa vyose yiyelechejwe, nka kudya kumwana yavuche mukihe kitalagela. ⁹ Kubela jewe ndi muto muba tumwa sikwiliye kwitwa intumwa, kubela ndalababaje ikanisa dyimana. ¹⁰ Aliko kwinema yimana ndi nkiko ndi, Inema yiwe kuli njewe ntiya baye busa ahubwo ndalabaye numwete kusuvya bose. Aliko ntihali jewe yali nema yimana ili muli jewe. ¹¹ Nimba ali jewe au bene tulahubiri kutyo no kwizera kutyo. ¹² Ubu ko Klisto ya hubiliwe kuwa zuche mubafpu vyoba kute bamwe muli mwebwe muvuge ntakuzukwa bafpu. ¹³ Aliko nimba atakuzuka kwabafpuye basi na Klisto kandi ntiyazuche. ¹⁴ Nimba Klisto atazucha amahubiri yachu ni bure. ¹⁵ Natubonekana kuba abashahidi bububeshi lkuvyelekeyi Mana kubela twala yishuhudiye Imana binyulanye, kuvuga yala muzuye Klisto, kandi ita muzuye. ¹⁶ Nimba abafpu bata zugwa Yesu kandi ntiyazuwe. ¹⁷ Nimba Klisto atazuwe, ukwizera kwanyu ni bure kandi muchali muvyaha vyanyu. ¹⁸ Uko na badya bafpuye muli Klisto kandi balahonye. ¹⁹ Nimba kuluku kubaho kusa tutinyuka mukihe kiza muli Klisto abantu bose, twebwe tula baganyigwa kusuvya abantu bose. ²⁰ Aliko ubu Klisto ya zuche kuva kubafpu, amatunda ya mbele ya badya bafpuye. ²¹ Kubela ulupfu gwaje kukuhitila kumwana wumuntu kandi kuhitila kumwana wumuntu kuzuka kwa bafpuye. ²² Aliko nkuko muli Adamu bose bafpa, niko kandi muli Klisto bose bazogigwa bazima. ²³ Aliko kila yumwe muntegulo yiwe; Klisto, amatunda ya mbele, hanyuma badya bali ba Klisto bazogigwa bazima mukihe chokuza kwiwe. ²⁴ Niho haloba ihelezo, aho Klisto aloshikiliza ubwami kumana Daha ili ni hadya ahazo hagalicha ubutwazi bwose na mategeko yoseni nguvu. ²⁵ Kubela lazima aganze kushicha aho azoshila hasi yamagulu bansi biwe bose. ²⁶ Umwasi wanyuma konomwa nu lufpu. ²⁷ Kubela, " yasize kila kintu hasi yamaguru yiwe," Aliko aho ivuga "yasize kila kintu," ni habona bati ili ntili baleba badya basize kila kintu hasi yiwe wene. ²⁸ Mukihe ibintu vyose vya sizwe hasi yiwe, kandi numwana wene azoshigwa hasi yiwe wene yasize ibintu vyose hasi. Ili lizoba kugila ngo Imana daha ibe vyose muli vyose. ²⁹ Au kandi balokola iki badya babatijwe kukubela abafpu? Nimba abafpu batazugwa kabisa, kubeleiki kandi babatizwa kubela bene? ³⁰ Nikubeliki tuli mwihatari kila saha? ³¹ Bakaka na badada bange, kuhitila kwishima kwange muli mwebwe, ivyo mfyishe muli Klisto Yesu mwami wachu, ntangaza kuti: ndafpa kila musi. ³² Binifyasha iki, mundebo yamaso ya bana babantu nimba nalagwanye ni nyamaswa zikaze haliya muli Efeso nimba abafpu batazugwa? "Leba basi tudye no kunywa, kubela nyibuchatuzofpa." ³³ Ntimubeshwe: "Imigwi mibi yonona ingeso nziza." ³⁴ Mube nubwenge! Mubeho nkiko bibeleye! Ntimwendeleye mukola ivyaha. Kubela bamwe muli mwebwe ntimufishe ubumenyi kumana mvuga kuti kukumalamala kwanyu. ³⁵ Aliko uyundi muntu azovuga, "Nikute abafpuye bazugwa? Nabo baloza numubili gumeze kute?" ³⁶ Wewe ulumumfela chane! Kidya cho wateye ntikishobola kubanza kukula kitabanje kufpa. ³⁷ Kidya cho wateye sumubili uzokula aliko ni mbuto yameze. Yoshabala kubi ngano au ikindi kintu. ³⁸ Aliko Imana izoyiha umubili nkiko ishaka, na kila mbuto umubili wayo nyene. ³⁹ Imibili yose nti susa ahubwo, halumubili gumwe gwabana babantu, nuyundi mubili wi nyamaswa, nuyundi mubili wi nyoni, nuyundi kubela isamaki. ⁴⁰ Kandi hali imibili yo mwijuru ni mibili yo mwisi aliko ubwela bwi mibili yo mwijuru nubwoko bumwe nubwela bwomisi nuyundi. ⁴¹ Halubwela bumwe bwizuba, nubundi bwela bwukwezi nubundi bwela bwinyenyeli. Kubela inyenyeli imwenti susa ni yindi nyenyeli mubwela. ⁴² Nkiko niko bili kandi ukuzuka kwa bafpuye. Ikitegwa kilononekala, ikimela nti chononekala. ⁴³ Chatewe kukoleshwa ibintu bisanzwe, kimeleshwa mubwela kitewe muntege nke, kimeleshwa munguvu. ⁴⁴ Kitewe mumubili usanzwe, hanyuma kuli mutima. ⁴⁵ Kandi bilandichwe, "Umuntu wa mbele Adamu yakozwe umutima gubaho." Adamu wokumwisho yakozwa mutima gutanga ubuzima. ⁴⁶ Aliko wumutima ntiyaje bwambele habanje wusanzwe hanyuma wu mutima. ⁴⁷ Umuntu wa mbele nuwisi, yakozwe kubwondo. Umuntu wa kabili ava mwijuru. ⁴⁸ Nkuko yudya yakozwe mubwondo, niko kandi badya bakozwe mubwondo nkuko umuntu wo mwijuru ali, niko kandi badya bo mwijuru. ⁴⁹ Nkuko twikoleye ikigelelanyo chumuntu wo mwijuru. ⁵⁰ Ubu ndababwila bakaka na badadabanje, kuti umubili na malaso ntibishobola kulagwa ubwami bwimana. Nuwononekala kulagwa kutunonekala. ⁵¹ Leba! Ndababwila mwebwe isiri yukuli ntituzofpa twese, ahubwo twese tuzohindugwa. ⁵² Tuzo hindugwa mumwanya, mukanya ko kuhumiliza nokukanula kwa maso, mukihe chi nzamba yihelezo. Kubela inzamba izovuga, na bafpuye balozugwa mumubili gutononekala, kandi tuzohindugwa. ⁵³ Kubela uwuwo kononekala lazima wambala kutononekala, nuwu wokufpa lazima wambale uwo kutapfa. ⁵⁴ Aliko muliki kihe cho kononekala wambichwe wutononekala, nugu go kufpa wambaye kutafpa, niho haloza imvugo yandichwe, "Ulufpu gwa mizwe nubushindi" ⁵⁵ "Lufpu, ubushindi bwawe bulihe? Lufpu, umubabalo gwawe gulihe?" ⁵⁶ Umubalo wulufpu ni chaha, ninguvu yichaha nitegeko. ⁵⁷ Aliko Imana ishimwe ituha kuchinda kuhitila kumwami wachu Yesu Klisto! ⁵⁸ None bakundwa bakaka na badada banje, ni mukomele ntimunyige nyige. Ibihe vyose mukole ikazi yu mwami, kubela mulamenya yuko ikazi yanyu mu mwami siya busa.