¹ Kuhusu michango yaba umini, nkiko ndayelekeje amakanisaa ya Garatia, nkiko niko mushakigwa kukola. ² Kulu siku gwambele gwi wiki kila yumwe muli mwebwe ashile kumpambe ikintu akibike, nkiko mushoboye. Nimukole nkuko kugila ntihazobeho imichango ahonzoza. ³ Nina sohola, wewese womuzo chagula ndomutuma hamwe ni baruha kutanga isadaka yange hiyo Yerusalemu. ⁴ Ni vyaba bibeleye jewe ngenda kandi, bazogenda hamwe nange. ⁵ Aliko nzoza iwanyu, mukihe ndohitila Makedonia kubela ndohitila Makedonia. ⁶ Labuda noshobola kwikala namwe mpaka kumala ikihe chi mbeho, kugila mushobole kumfasha mwi safari yanje hohose hongenda. ^{7 8 9} Kubela sintegeleje kuba bona ubu kumwana muto. Kuko ndizeye kwikala namwe Kumwanya nimba umwami azonduhusu. Aliko ndokwila Efeso kushicha kuli Pentekoste. Kubela umulango munini guguluwe kubela njewe kandi halabansi bampinga. ¹⁰ Mukihe Timotheo aloza Mulobone yuko alikumwe namwe mutatina akola umulimo wumwami, nkiko ndakoze. ¹¹ Umuntu wewese ntamugaye. Mufashe munzila yiwe kumaholo, kugilango aze iwande. Kubela ndamutegeleje aze hamwe na bene Daha. ¹² Kuhusiana na mwene wachu Apolo. Ndala mulemesheje umutima chane abatembelele mwebwe hamwe na bene wachu. Aliko yachaguye kutaza ubu. Na hene azoza niya lonka nguvu. ¹³ Mube maso, hagalala neza, mukole nkaba gabo, mube ni nguvu. ¹⁴ Ivyo mukola vyose bikoleke Mulukundo. ¹⁵ Mulamenya abikaya ya Stefano. Mulamenya yuko bala bizera bambele hiyo muli akaya yuko bisize mukikogwa cha bizera nubu ndaba saba bakaka naba dada banje. ¹⁶ Ni mube nubwitonzi kubantu nkabo, no kila muntu afasha mwiyikazi nabakola ikazi hamwe natiwe. ¹⁷ Ndanezelewe kukuza kwa Stefano, Fotinato, na Akiko. Bahagalaje aho mwebe mwashakigwa kuba. ¹⁸ Kubela banezeleje umutima wanje nuwi wanyu. None lelo, bamenye abantu nkaba. ¹⁹ Amakanisa yomuli Asia batumye indamucho iwanyu. Akla na Priska balabalamucha mumwami, hamwe ni kanisa lili munzu yabo. ²⁰ Bakaka na badada bange bose balabala mucha lamukanye kunso magulo yubwela. ²¹ Je, Paulo ndandika kuti kukuboko kwanje. ²² Nimba hali wewese atakunda umwami, basi umuvumo ni gube hejuru yiwe mwami wachu, ingo! ²³ Inema yu mwami Yesu ibe namwe. ²⁴ Ulukundo gwange lube hamwe namwe muli Klisto Yesu.