¹ Kwa bulya ,ekola Kristo atesekire katika mubele ,ebekeni mirigo nya edekela bulya whehe atesekire katika mubele na mbahana ha ghadaba . ² Monto oyo atihagedate lenge emutwa kwa ghanyi jwa mubele ale kwa lukondo lya Mugwe , kwa kya whehe binya rerye. ³ Kwa ekola kya jihetire jubahika eghanya binto bwa nsee bakondate eghanya bwerehi,kindo kibeju,bubogiti,busesse ghorou bati ba Mugwe na ehela lya bagwe jile bubeju. ⁴ Mbagerate dya maghabu twejinkerya eghaya binto bibyo limwe naboo, nyolo baggabate bubeju lyeto. ⁵ Bakehumya etola kwobo ale twasuba abekamuma balya baleho na baryokire. ⁶ kwa esimela lele injili ekabugwa kwobo balya bakire ,ekola kwekolwa basubire ebekelwa muma kwa mibele yobo bwe bantu ebuga bahikye tola ebokana na Mugwe kwa kolo. ⁷ Mugero jywa bighori byonse jujate. kwa wholo mba na bughara bokolwa bujaregu na ebani na kolo jaregu kwa bulya lyehe lyenyu. ⁸ Otwati lya bibugu whose ,abani na ebosobosa kw alukondo lwa hamwe , kwa bulya lukondo butisoraga eyola ghadamba wya bange. ⁹ Banishai buhanu kwenyu limwe ale muhabe enegenanegena . ¹⁰ Kwa bulya kindo kimwe kwenyu aherwe karama, migharyei kwa eraseranya kwekolwa barenderibajaregu bakarama jinenijihumirigwe lyose Mugwe . ¹¹ Kwa bulya monto akageba ,na eba kwebuga lya mugwe monto aghanya , na aaghaye kwa nguru jilya aherye ni Mugwe, Ebuga Mugwe aghorwe kwa bighori whonse wwha Yesu Kristo,eghorwa na hikya bule nene lya kala na kala,Hau. ¹² Bakondwa ,mhabetalela edadaghwa kwa byo likeja ebadadagha kwa kindo mtije ,ekolwa hale kindo mutije kyekolagwa kighubugate kwenyu. ¹³ Naga kwe raserya bubeju lya Kristo, ghamelai ebuga na kwe ehumya bwa eghora liwhe mughamele kwehe . ¹⁴ kwakolya mubarumwa kwe ebina lya Kristo mubaroswa kwa bulya lya kolo weghorwa na kolo wa mugwe atore egolo lyeto. ¹⁵ Ale na habekolwa whonse akolwa etirirwa kwe bulagga, Mwebi, mghanya bubeju, aga ehaghaisatwe na bibu hya bange . ¹⁶ Ale kwakolwa monto nabatirirwa bwe Mkristo,ahabebana nsoni ,ingoni amughore Mugwe kwe bina lelyo. ¹⁷ Kwa bulya okola kya nebahika kwe kwebulaga ebokela nyumba ya Mugwe.Wakola likerunela nkweto, likebabo kwa bulya batisekire ekalaga lya Mugwe? ¹⁸ Na ekola "oyo mujaregu abahonokigwa eleterigwa bibbo, likekolyabo kwa monto mubeju na ale ghadaba? " ¹⁹ Kwekolya bose batirirekate ebokana na bureri bwa Mugwe bahejane nkolo jyobokwe nyaluwa lya bujaregu abuga libalya eghanya bijaregagu.