¹ Kwa nkondo eno, enyie mlebaka mhikerere ehumya kwa bahomebenyu enyie bene ,ebuga rari agakola bamwe batie dekeree ekalaga , ebokana na ngedelu jia baka bobo mbake mononigwa . rari gugakolwa hati ekalaga . ² Amamuna bobene bakekolwa babana ngendelu jienyu jijaregu hati nzoni. ³ Lele ndighaeke tibulya behalohirie na mahanga ja kaane eringiriga njiehe ,madagha ja goro, nanga ngobi jiegegire. ⁴ Ale anga lee ighaeke gwakolo nane yanyo.Nerija bujaregu bwe nyihia netigehana lya nkolo,amuna mbwa ngoro bushone bwa Mugwe ⁵ Gwekola baka bazeragi behahohirie bobene gwa nkondo eno. Bedekere Mugwe na basokire bamulo bobo bene. ⁶ Gwa nkondo eno Sara ajinya Iburahimu nemubugeha muhomwa. enyie ryolo muhebana behe akoha mgeghaya bilya bijaregu ne kol mutirialate bibejagu. ⁷ Kwa nkondo eyo eyo ,Enye bahome muhikekerere etoha na baka benyu mumanyage mbalugu benyu babaka banegheneghu, nebamanya bo ebuga mbahebwa balugu benyu ba zawadi ya majiegi . GHaiyani obyo ebuga bweheri bwenyu buhabe hiungerigwa . ⁸ Mrugukelu,enyie nyonze, mkolwe na kidemi kimwe ,mle na marero, lukondondo bule ndogo , benyihirie na bakarero. ⁹ Mhabehe bubeju kwa bubeju , nanga mrumi kwa mrumi. Eghahoha lyehe , mgerele etieha mata, kwa bulya mwabugerwe ebuga mugabe etilywa mata. ¹⁰ "Olya akonde ekonda etola nebana nkya njaregui kwangu na hingere luleme bwehe kwa bubejagu na kania kehe ebu ebizela. ¹¹ Na ahondoke ahabe bibejagu neghaya bilya bijaregagu . Asore sayo nemitubagera. ¹² Meso jya Mugwe jabone mwemelu na masihojehe jojure ehehela lyehe . Ale busho bwa Mugwe buhe buti hamwe na bahyabaghaya jabejagu." ¹³ No oyoakebahomberia enye , akola mrerehate lilyalijaregu? ¹⁴ Ale kola mtirire kate lya saba , mhe na mata .Mbariaha jalya bo bariahate mhabe kolwa ghaghama . ¹⁵ Etigelya lyehe , Mwagitela Yesu Kristo gatega nkolo nyenyu bo mseri. Gende yoonze koluwai mebanererie ejokeria monto olya ababoratle enye she ninji bobyo enye mwegunelate Mugwe. Ghanyani obyo karero na gwasoni. ¹⁶ Kolwai na kidemi kijaregu ebuga bantu balya marumate mtolo bwenyu bujaregu gate ga Kristo babane nzoni abamuna bagamabte buti hikerere bwenyu bomaga mwale bahombya . ¹⁷ Ndijaregu muno , akola Mugwe arerehate ebuga mtirirekate kweghaiya bujaregu tigweghaiya bibejagu. ¹⁸ Kristo nene atirirekire limwe kwa ghadaba . Wo wong`onye ale sabaatirirekire kwa gweto eshe buhitule basaba ebuga atulete eshe kwa Mugwe . Akile kwa mbele , ale gaghaigwa majiegi kwakolo. ¹⁹ Gate gankolo,agerire aloteria nkolo jilya ryolo jile geine . ²⁰ Jitiale edekelya lilya erigeria lia Mugwe litiandi lia beterere gutiandi lilya lya Nuhu nkya jiboka sabina , na Mugwe ahonikire bantu bariri- nkolo enyanya- eboka mai ndane . ²¹ Lolo nduhanu luwebadishwa luhia lubahonokagia enyie nkya jiji . Tibomanga nogia ngoro jya mubele nane ale manga ehelela lye ndemeria bujaregu kwa Mugwe. ehetia erioka lya Yesu Kristo. ²² Wo ale kuboko kwa kubulyo kwa Mugwe.Agerire kwegolo . Malaika , Bwegeri, na nguru esimeria Mbni mwedekele wo .