¹ Kwahi kwa hiyo dagharai mubale buhobya bose,bwerehi,bunafiki,rweru,na kashifa. ² Bwe bana baghera ,rerelai mariba jasyeri jakolo. ebugwe mhikye ekola wokovu nane. ³ Kola mdaghire ebuga Mugwe bujaregu ⁴ Joi kwa ulya ebwe lilyalile serye lilyalitore lilegirwe mbatu.Ghai lyo liloborwe Mugwe na ndya thamani kwehe. ⁵ Egera enye mle bomabwe jale serye jobokatwye kwegolo eba nyumba ya nkolo. Ebuga iba bukuhani butakatifu bulya buhumagya dhabihu jya nkolo jyedekerwe kwa Mugwe eletya Yyesu Kristo. ⁶ Andiko libugaga obyo,"Raberye,mbagitela katika sayuni ebwe lyamubale.likolo na lilyalyaloborwe na ndya thamani na ulya wose edekere woo atibanete nsoni. ⁷ Ghai esokwa ndyenyu kwenyu balya mwedekere.Ghai ," ebwe lilya lyaregire mboboki ,libaba ebwe likolololya mubale" ⁸ na ebwe lyelija nebegolyerija."Boo mberijaga,balya balegaga ekalaga, kwa lilya bakore egera baloborwe kwa lilya bakore lyoo. ⁹ Ale kijomo kilya kiloborwe, bukuhani bwa Gitemi, etogo liseri bantu begerwe Mugwe ebuga muhikye elalonga bing`ori bya maghabu bya ulya ababugere eboka kirimamunane ejakulya kule bwelo bwehe bwa mqaghabu. <sup>10</sup> Ejye bele mtyale bantu.Ale ryolobobyo ejye mle bantu ba Mugwe ejye mtandi ehebwa rehema,Ale ryolo mwahebwa rehema. <sup>11</sup> Bakondwa, nimbababugela bo bageni bangangi kwegirya ebokelang`adhaghabanyi mbeju jya ng`adaba jilya jilwejaga bita na nkolo jyenyu. <sup>12</sup> Mhikerere ekolo na tabia njaqregu kulya kule matogo ebugwa rari bakabagamba ebuga mughairye bibugu bibejagu.bakeraberye milemo yenyu jijaregu neeng`ora Mugwe egera kya yehe yeja. ¹³ Edekela bighori byonse byebantu kwa ajili ya Mugwe ekola ntemi mkolo. Kola begeri balyab batomirwe elwe na balya ba . ¹⁴ Akola begeri balya batomorwe ehomberye balya baghajya bube neghora balya baghajyatye jajaregu. ¹⁵ Kwekola bukondwa ja Mugwe ghai kwe ghajya jajaregu mwasizya makalaga ja kipumbavu ja bantu bapumbavu. ¹⁶ Bwebantu bale buhuru mtighambe egharya buhuru bwenyu bwemkuneku jwa bubeju, ale bai bobamilemo ba Mugwe. ¹⁷ Sokai bantu bonse. Nkondai ndogo. Ryalai Mugwe. sokai mfalme. ¹⁸ Batomwa, edekelai begeri benyu kwa nsoni jyonse tibegeri balya boka bajaregagu na baholoholo, egera na balya babejagu na bahombya. ¹⁹ Likeba neghorwa kwa olya wonse ake ghumerya atigwa lyetirika litiheda kwa sababu ya dhamira yehe kwa Mugwe. ²⁰ Faida ke eleho kola mwatolela eghajya ng`adaba ahika imuhihirele ehomberigwa ale nkola mughairye jajaregagu ale mtirireken kwe hukumiwa lele neghorwa lijaregu kwa Mugwe. <sup>21</sup> Kwalele mwabugerwe ghai Kristo nene na tiririrwe kwa ajili yenyu,akatuhabere mfano kwa ajili yenyu etubagera mante jehe. <sup>22</sup> Wo atandi eghajya ng`adaba nanga atandi ebanekanaga na buzasabi bwonse kanijya nane kehe. ²³ Lilya woo arumirwe atandin ejokya mirumi,akatirireka atandie dekanjya ghai nehumirye woowene woo ahukumiwe kwa haki. ²⁴ Woo mwene ebare ng`adaba jyeto katika mubele jwehe mtegolo ebuga tuhabe ejoke kolwo na katuru na ng`adaba ebugwa tutole kwa ajili ya zaba kqweturwa lyehe ejye mhole. ²⁵ Enyonse mwale balagilagingi bwe ng`ondi yobire ale ryo mwajoka kwa Mukijori na mrenderi wa nkolo jenyu.