¹ Nimbasasamate bamlakolo balya balehamwe nenye, nhe mbale mlakolo muluagobo na mwejibe wa etirirwa ya Kristo,na ulya mulya bulya nisero katika sgaghabulyabukeemanisha. ² Kwa bobyo nikebagitela nkolo enye balakolo,mahelai eyho iwa Mugwe lilwalile hamwe nenye.Liraberyei tikwala bulya mukondwate, Alele kwa bulya mkondate bobyo, egana na Mugwe. ³ Muhabe ighajya mabwana egolo ya bantu balimalemse buraberi bwenyu. Alele yobe shumwa katika eyho. ⁴ Halya Mkijori Mkolo ebambiso,mukeehebwa nsombi ya shaga ihabeobya goro yehe. ⁵ Bulyabulya, enye batana bariragisasamanai kwa bakolo benyu.ninye nyose, bwebekei busasamu na eghajya milemo enye kwa enye,.Kwa bulya Mugwe ababulagaga balya bale budandamu,Alee abahejaga basasamagu. ⁶ Riolo sasamanai nse ya mikono jwa Mugwe julya jule hodari ebuga aigole kwa gero jihe. ⁷ Madagharei itiribana jienyu egololihe kwabulya abakonde. ⁸ Yobe na nsoni,yobe buraberi. na ulya muhoma wenyu , msidagya, bwebulya ngo irurumaga agegerate,asurate moto wa mughurumiola. ⁹ Emai kisua kyehe.Obaina nguru katika imanin yeto.Mwamanye ebuga ngogo yenyu balya bale nseno balya buhetate etirirwa kwa bobyo. ¹⁰ Anamuna ya etirireka kwa ng`ende kitambo Mugwe wa bujaregu bwonse ulya ababugere katika shagha yukala ndane ya Kristo ,ehikerya,ebibohya na ebagitela nnguru. ¹¹ Bukolombobe kwabo kala na kala,sayo. ¹² Ngoro Silwamo kama mondogo mwemelu,na nimbabaandekela enye kwa bundinko eheta kwehe.Nimbabagitela nkolo nenye nimbabelate bulya nkilya nandekire Bujaregu bwa kyasaba kya Mugwe emai ndabi yehe. ¹³ Baamini balya bale Babely,baly a baloborwehamwe nenye babagashate na Marko mwaniwa. ¹⁴ Bagashei ulya umwe kwa burombo bwa ryasaba. na sayo yobe smie Ndane ya Kristo.