¹ Obyoo byoo monto aketutala eshe, kama batomwa baa Kristo na Mawakili baa Siri jya saba jya Mugwe . ² Katika lele kilya kikondanate kwa Buwakili bwa bulya baabe beetumiwa. ³ Alele kwawa niee kindo kiriri muno ekola nisidagigatwe nenyie nanga kebi ya kibantu . Kwewkola tisidagirigwe egora niye niyeka. ⁴ Tiesidagatye niye mwene, eno iti maana ebuga ninde wa haki. Ni Mwegeri asidagatye. ⁵ Kwa lilyo, mhabe ekonda esidagya egolo lya kioonse kabila ya nkya , kabila yeja Mwegeri . akejaleta haseri makalaga jyabisirwe klirimamu nane nejabiyola makusudi jya nkolo. Ndiyoo kila omwe akebana sifa jiehe eboka Kwa Mugwe. ⁶ Riolo. badata na bakaribiari jiawa, niee mwene na Apolo baatumia kanuni jiiji kwa ajili yenyu. ili eboka jieto mwemanyerie maana yae ebuga , "Habeegara muno ya bulya bwandekirwe." Eno ni bulya hati omwe wenyu eghorate egolo ya unge . ⁷ Maana no raberia Tofauti kate yenyu na unge? Nino ale na kya ahebagwa bure? akala musubire epokea bure, shii ninji nubegaghoraga akala mutyandi eghaya byoo? ⁸ ayari mle nabyoo bioonse bulya mwakondaga tayari mwakolwa na busabi! mwanze bwegerelya- na bulya biubabahikera muno yeto eshe! Nsaba, bakondelate bibahikere b ujaregu ebuga bulya bituhikele hamwe nenyie. ⁹ Kwa bibyo nimanyate Mugwe natugitere eshe batomwa boo etubania mwisho katika msururio jwa matubogerana na bo bantu basidagirigwe ebulagwa.Tuboba bo tamasha kwa bulimwengu, Kwa Malaika kwa bantu. ¹⁰ Eshe tule baraganagu kwa ajili ya Kristo, Alele nenyie mle nsoni katika Kristo tule banyonge , ale enye mle nguru. Msokirwe , alele eshe tutisokirwe. ¹¹ Ejagha gero eno tule jalo na ghaba , tuti ngobi , tule miguba , na lenge tuti kiebeka. ¹² Tughayatie milemo kwa bidii kwa miboko jieto eshe bene . Bulya twemendwe , twabariki. Gero tutesatwe , tuebiberia. ¹³ Tuarumwa, twajokya kwa karero. Tuboba ,na tutyandi etalelwa akala tubalegwa ni nseeno na takataka kwa makalaga jonse . ¹⁴ andekate makalaga jaja kwebasokye enyie , Alele kwe bajoka enyie bo bana bawa bakonde. ¹⁵ Ejagha boo mle na Bamanyerya ekomi8 elfu katika Kristo, hati mabaa baane. Kwekola boba ese yenyu katika Yesu Kristo eletia Injili. ¹⁶ Kwa bibyoo babielate mtubogere niee. ¹⁷ Nakyoo na tumere kwenyu Timotheo , mkondwa wawa na mwana mujaregu katika Mwegeri . Nale batereri nkondo jiawa katika Kristo , bo bulya nabamanyerirye kila hantu na kila Kanisa. ¹⁸ Riolo bariri benyu beghorate, baaghayate kana kwamba timneeja kwenyu. ¹⁹ Alele nikeja kwenyu hadinko, boo Mwegeri akondandia. Ndiyoo kemanya ti makalaga jiobo joka beghorate , alele nikebana nguru jiobo. ²⁰ Kwekola bwegeri bwa Mugwe buti katika nguru. ²¹ Mkondate njii? jije kwenyu na msengi nanga ukonda na katika nkolo ya Kerero?