¹ Naniee , data na karibiari jiawa , tiandi ebuga nenyie kama bantu baa kola , alele kama bantu baghieera katika Kristo. ² Nabagusheriye mariba na tii nyama , kwekola batile tayari eliya nyama .Na hadi riolo bati tayari. ³ Kwekola enyie bado ni ba mubele. Kwekola lweru na meghora njabanekanate yobo ale mtitore ebokana na mbele , ale , mtikuhaga kama kawaida ya bantu? ⁴ Kwekola omwe abugaga , "Natubogera Paulo" onge abugaga "Natubogera Apolo," mtitore boo bantu ? ⁵ Apolo noo? na paulo noo? Batomwa baa olya mwedekerya, Kwa balya Mwegeri amuhere bweghaya. ⁶ Niee nakonde , Apolo agitere Mai, alele Mugwe akakoriya . ⁷ Kwa bobyo, tii olya ahirere nanga agitere mai nale kioonse .Alele ni Mugwe aghareragya. ⁸ Riolo ahurala na gitele mai boonse ni sawa, Na kila omwe nakelibwa milemo yehee ebokana na milemo yehe. ⁹ Kwekola eshe tule baghaya milemo baa Mugwe , nenyie mule bustani ya Mugwe , Nyumba Ya mugwe. ¹⁰ Ebokana na bujaregu bwa Mugwe naherwe boo mghaya mkolo , nagitere msingi , na onge bookatie egolo liehe. Alele monto akelwe makini bulya abokatee egolo liehe. ¹¹ Kwekola hati onge akehikya obooka msingi junge muno jya jojo juobokirwe, olya Ni Yesu Kristo. ¹² Riolo kala omwe wenyu obookate egolo liehe dhahabu , robiya na mabwe jaa jaregagu , mite , jeragu, anga manyeka , ¹³ Milemo yehe nike hingolwa , kwebana msenya nukehabelwa . kwekola ehabelwa na moki . oki juke raberia milemo ya kila omwe kilya aghairye. ¹⁴ Boo kioonse monto aghairye kiketigala, woo na bana kituje . ¹⁵ Alele akala milemo yta monto nikelebwa moki, akabana Hasara.Alele woo mwene nakehonokigwa, kwekola nakeepuka katika moki. ¹⁶ mtije ebuga enyie mle nyumba ya Mugwe na bulya Nkolo wa Mugwe ele ndane yenyu? ¹⁷ Boo monto ake hariba nyumba ya Mugwe , Mugwe nene akehariba monto oyo. kwekola nyumba ya mugwe ni takatifu, na jijyo na nenyie. ¹⁸ Montro nahabe esasaba mwene, akala woonse kate yenyu amanyate nale katika nkya jiiji, nobe aga "Agare" ndiyoo akekolwa na nsoni. ¹⁹ Kwekola nsoni jya seeno niburaganu bushone bwa Mugwe , kwekola yandekirwe, "budabaga balya bale nsoni kwa hila jioboo" ²⁰ Na lenge "Mwegeri amanyate mawazo jya balya balee nsoni ni mumaleghi." ²¹ Kwa bibyo monto anabe eghora monto! kwekola binto bionse byenyu. ²² Bo Paulo , anga Apalo, anga Kefa, anga nseeno, anga madiko, anga lokyoo, anga binto bilehoo, anga bilya bekolwa. Bioonse byenyu, ²³ Na nenyie mle ba kristo na Kristo ni wa Mugwe.