¹ Najire kwenyu badata na keribyari jiawa, tyandija kwa makalaga jebasaba na nsoni bulya jigambirirwe na saba na itimuna ebisa egra Mugwe. ² Na mwere elege manya kiokionse nale nenyie hamwe elege ekola Yesu Kristo na nene atararewe. ³ Nale nenyie katika elemwa , na katika eriyala na katika ebudana mno. ⁴ Na ujumbe bwawa na eghamba lyawa hatyiandi kolwa na makalaga jabusabisabi na ja nsoni. Anamuna yehe , jale ja Nkolo na nguru, ⁵ ilya Bulya Edekerya lyenyu ihabekolwa na nsoni jya bantu, ale kwekola jwa Mugwe. ⁶ Riolo tukalegelate nsoni hamwe mna bantu bakolage lale ti nsoni jya see no , naga bwekorani bwa kyajiiji kwekola bahetate. ⁷ Anamuna Yehe, twakalagela nsoni jya Mugwe katika saba bwehumirie , nsoni jihumirie olya Mugwe alobore kabila nkya jya butukufu bweto. ⁸ Hati woonse wa bwekorani bya nkya jiiji aje nsoni jiiji, kala baje katika nkya jilya batiale basubu Jaghamba bwa butukufu. ⁹ Alele kola bulya bwandekirwe, "Makalaga olya hati riiso ryabande , hati kusikelo kuorire, mawazo jitifikirie, makalaga bobulya Mugwe najandaire kwa ajili ya balya bale mkonde wee." ¹⁰ Jaja ni makalaga olya Mugwe ajahingola kweto kweletia Nkolo, kwa bulya Nkolo jidogharaga kila konto, ejagha makalaga jya ndane ya Mugwe. ¹¹ Kwa bulya niino nemanyire mawazo jyaa manto , itibulya Nkolo ya monto ndane yehe? kwa byoo , hati amanyire makalaga ndane jaa Mugwe , isipokuwa Nkolo jya Mugwe. ¹² Alele tutiandi epokea nkolo ya nseeno, Alele Nkolo olya abokire kwa Mugwe , bulya tumanye kwa buhuru makalaga twaherwe na Mugwe. ¹³ Tubugate makalaga jaja kwa makalaga olya nsonin jya monto n jitimune ehikya emanyerya, alele olya Nkolo ni mumanyeragiya. ¹⁴ Monto ati wakola atimune edaba makalaga jya Nkolo ya Mugwe kwekola jajio ni upuuzi kwehe. Atimuneja manya kwekola njamanyagwa jale jankolo. ¹⁵ Kwa olya wa Nkolo ahukumiaga makalaga jonse. alele jahukumiagwa bange. ¹⁶ "Niino akehikya emanye mawazo jya Jaghamba bulya nakehikya jamanyererya woo?" Alele tule Mawazo jaa Kristo.