¹ Tubojiya masikelo ebuga jile zinaa kate yenyu, Aina ya zinaa olya hati katekate ya bantu baamataifa. Tule masikelo kwamba omwe wenyu alalaga na wabaka wa esee yehe. ² Nenyie Mweghora! bulya mlege ehusinika? olya aghaire bobyo aketakiwa ekerigwe kate yenyu. ³ Ingawaa tii hamwe nenyie kimbele alele naleho nenyie Kikolo, ni subire esidagya olya aghaire obyo , akala bulya naleho. ⁴ Mwakolana hamwe katika ebina lya Mwegeri weto Yesu, na nkolo yawa ile ayo hale nguru jya Mwegeri weto Yesu Kristo , nesubire esidagya monto oyoo. ⁵ Nesubire ehaa monto oyoo kwa kirioka ili kwamba mbele juewehe juharibiwe, ili nkoloo yehe isheke honokigwa katika kya Mwegeri. ⁶ Meghora jienyu ti kinto kijaregu. Mtije kindo kiriri kihariba kindo kioonse? ⁷ Esabiye enyie bene chachu ya kala, ebuga mwobe donge liambya, ili kwamba mwome mkate jutikeegitelwa bulo . Kwewkola mwana nkondo weto wa Paasaka nasubire esenjwa. ⁸ Kwa lilyo , Tusherekee karamu tii kwa chachu ya kala , chachu ya tabiya mbeju na buhobya , Anamuna yehe , tusherekee mkate jutigitelagwa elala juwe sasamela na saba. ⁹ Nandekire katika Barua yawa ebuga mhabe egirana na Basari. ¹⁰ Ti na maana ya basari baa nseeno , nanga balya bale na tamaa anga balya betwelaga nanga balya baghujelagha baaguwe klwe niti halehu na boo , rioo mwatakiyagwa mweleere nseeno. ¹¹ Alele riolo bandedekelate egrana na woonse ebugelagwa data naga keribiari katika Kristo , Alele atore na busari nanga akorwe na kondaga , nanga monto etujelaga , nanga egujelagha bagwe , nanga mbogiti . Mhaberageraniya monto anga obyo. ¹² kwa lilyo keebaniya boo ebasidagiya balya bale kane kaa Kanisa ? Anamuna yehe, enyie mtyandi ebasidagiya bale ndane ya Kanisa? ¹³ Alele Mugwe abasidagya balya bale kane . "Bekereyi monto mdandamu kate yenyu"