¹ Ili li neno ilya ayanjile uYahwe juu yi Babeli, indhi ya Wakaldayo, hu khono gwa Yeremia ukuwa, ² "Bhajulisye amataifa ili bhuvwe. Fumya igi shala ili bhuvhe. Usahaleshe. Yanga, 'Babeli itwalilye. Hutali akenyile. Merodaki afhazaishe. Isanamu zyakwe; zikenyenziwe; amagwa gakwe gafadhayishe ³ Itaifa afume kaskazini lyayinuha ishinyume shakwe, ili abhombe indhi yakwe usyimu. Numo hata umo, abhe mundtu au awanyama uwa ishii muhati yakwe. Bhayepa. ⁴ Kati yi nziku izyo nuwakati uwo - ili li tamuko lya Yahwe - abhandtu bha Israeli na bhantu bha hu Yuda bhaibhungana abhale bhalila na hu mwanze Yahwe Ungulubhi ubho. ⁵ Bhaibhuzya idala ilyabhale hu Sayuni bhope bhaibhala uwo, shabhayanga, tubhale ntinte tuungane na Yahwe kati yi patano lya wila na wila ilya salyawiwe! ⁶ Abhandtu bhane bhali ngole abhatejile. Adimi bhabho bhabhatezizye hu magamba; bhabhagaruzinye afume wigamba hata ingamba. Bhabhalile, bhiwa amahali pabha hali bhaishi. ⁷ Shila wabhalila abha barula. Abhatakile bhabho bhayanjile, 'Hagaturi ni kosa, hu sababu bhabhombile zambe uYahwe, hu nyumba yabho yiyo - Yahwe, lusubhilo ulya mama bhabho.' ⁸ Fumaji kati ya Babeli; fumaji kati yi ndhi ya Kaldayo; bhanji nishi abha bhomba isho amavulisi witanzi lyi kundi lyundti. ⁹ Maana enya, iwelekela atwale na winule ishi nyume Babeli ikundi lya mataifa amagosi afume kaskazini. Gaiwipanga gigo ishinyume shakwe. Inkundi iya mataifa amagosi afume kaskazini. Gayipanga gigo Ishmeshakwe afume ipo Babeli utatekwa. Mishale gabho ni kama mali dadi uwazobhile uwasabhuya lyene gakhono lyene. ¹⁰ Ukaldayo ihaibha mateka. Bhundti abhateka bhailidhiha - ayanga uYahwe. ¹¹ Mu moga, mushelekela ateke agale wane; muduha duha nishi ingwata uwakhanya kati ya mwalye mwakwe; mulila nishi ifarasi uwinguvu. ¹² Isho unyina winyu ayikenyasana; uwa bhapepe ayikenya. Enya, ayibha wa mwisho kati ya mataifa, nyika, ihome na jangwa. ¹³ Hu sababu yi hasira ya Yahwe, hu Babeli sanga ihayikhalya, lelo ihaibhanzyimu lyene. Shila uwa shizanya hu shinji ayogopa husababu yi Babeli na aifumya isauti husababu yi phanga zyakwe. ¹⁴ Wipanji mwemwe huzyungule uBabeli shinyume shakwe. Shila uwapindta udambi na akhome. Muganda agupinje ushalye gwinu gwa gwundti, yani abhombile idhambi uYahwe. ¹⁵ Kholaji ihoro izi shindi ishinyume shakwe amwe mwindti mwamzyungulile. Amamlaka gakwe; ivisudwe vhakwe vigwile. Ikuta zyakwe zigwile bomoliwe, maana uhu wafuzye wa Yahwe. Wisombelaji afuzye juu wakwe! Bhombelaji nishi pabhombile amataifa aganji. ¹⁶ Bhananganyi bhnudti umukulima uwa vhala imbeyu wope uwatumila inzango uwakati uwavune kati yi Babeli. Haya shila muntu abhuye wa bhandtu bhakwe afume ipanga abhabhatesa; nabhanyilanje kati yi ndhi yabho bhibho. ¹⁷ Israeli ngole uwanyaphene natwalye wisimba uhutari. Kwanza ufalme wa Ashuru azembulinye; ishi pamande, Nebukadnenza ufalume wa Babeli abudula afupa gakwe. ¹⁸ Kwa hiyo uYahwe uwa sikari, Ungulubhi uwa Israeli, ayanga ishi: Enya, ihayimwadhibu ufalme wa Babeli nidhi yakwe, nishi pihamwadhibu uwa Ashuru. ¹⁹ Ihaibhuzya Israeli kati yi dhi yakwe ayiwilisya kati Karmeli na Bashani. Ayiwikutizya kati yidhi ahagamba na gwa Eferemu na Gileadi. ²⁰ Insiku inzyo nu wakati uwo, ayanga uYahwe, uchafu wayifutwa kati yi Israeli, lelo sawaibhoneha. Ihayibhuzya ahusu idhambi zya Yuda, lelo sazyaibhoneha, maana ihayibhahobhoshela amasagazi abhi hasangizye." ²¹ Ndhubha juu yi ndhi ya Merathaimu, ishinyume shakwe bhope abha khala Pekodi. Bhakhomaji ishikhali agipanga na mwatenge kwa ajili ya wangamile - ayanga uYahwe - bhombaji shilajibhamulila. ²² Isauti iyibho nawangamile agasyizye gali kati yi ndhi. ²³ Ili bhuli inyundo ya matafa gundti ikhanilye hutali nayinanganye. Hu jinsi iBabeli ali hantu hansizye kati ya mataifa. ²⁴ Intejile itego juu yaho. Uyonzilwe, Babeli, nawe subhagundule, uhabhoneha na khatwe, afume ashende, Yahwe. ²⁵ Yahwe afungule ishanga shakwe ishi siraha awega isilaha kwa ajili ya lungulizye ihasila yakwe. Huli imbombo kwaaji Yahwe uwa sikari kati yi ndhi ya Wakaldayo. ²⁶ Shambulili afume uhutali. Fungula ivhanga vhakwe ilishalye nabuludishe nishi amarundo givhalye. Uteje uhutari namangamizi. Unganda sagazye amasangazi. ²⁷ Ugoje amarume gakwe gundti angi ng'ombe ubhisye isehemu uwansinzile. Ole wabho, maana isiku lyabho lifishile - uwakati uwa wadhibiwe wabho. ²⁸ Huri isauti ya bhala abhanyila, abhanusulishe, kati yi ndhi ya hu Babeli. Ibha bhaifumya italifa yafuzye sha Yahwe Ungulubhi wintu wa Sayuni, afuzye hushibhanza shakwe." ²⁹ Ihayibha khoma idabi juu yi Babeli - bhala bhundti abhagonda idabizyabho. Khomi ikambe uishinyume shakwe, munganda huleshe numo atoroha. Lipaji hala abhombile. Bhombelaji hushi pimo ishabhombile. Maana adhalaule uYahwe, Utakata uwa Israeli. ³⁰ Isho asahala bhakwe bhaigwa kati yi vhibhanja vi mji na akhomanaji bhakwe bhundti bhayangamila isiku ilyo - ili litamuko lya ya Yahwe." ³¹ Enya, ane indi shinyume shaho, uwawivuna - ili litamuko lya Bwana wa Yahwe uwa sikari - maana isiku lyaho lifishile, uwigosi uwakati pihu mwadhibu. ³² Isho abhivigosi bhaibumila nagwe numo uwa yibhinula. Iha yanzya umwoto kati yi miji yabho; uhayilungulizya shila handu pahati yakwe. ³³ Yahwe uwa sikari ayanga ishi: abhanthu bha Israeli bhanyanyasiwe, parushimo nabhandhu bha Yuda. Bhundti waliotekwa bado bhabha khatilile; bhakha na abhaleshe huje bhashilaje. ³⁴ Umwene uwabhokola wi nguvu. Yahwe usikari litawa lyakwe. Wanalyoli ayibhatetela atake wabho, ili alete ulutuyo kati yi ndhi, na nabhakhome abhakhala hu Babeli. ³⁵ Ipanga li pamwanya ya Kaldayo - ayanga uYahwe - wasikari litawa lyakwe wawabha khala hu Babeli, alongozi bhakwe, nabhi hekima bhakwe. ³⁶ Ipanga liwinza juu ya ganga, ili bhailole bhalema. Ipanga lyayibha juu ya asikari bhakwe, isho bhaipata ihofu. ³⁷ Ipanga lyayibha juu yi farasi zyakwe, ishibanda shazi shabho nabhandtu bhnudi abhali hu Babeli, isho bhaibha nishi abhashi. Ipanga lyayibha pamwanya yivhenga vhakwe vhope vhaitekwa. ³⁸ Ubhukame bhuwinza juu yi menze gakwe, isho gayuma. Maana idhi yi mangulubhi agasa gafaa, na bhabhomba nishi abhandtu abhabhombilye upungufu hu mangulubhi gabho agasagawavwa. ³⁹ Isho amakhanu khanu bhahujangwani bhakhale uwo ni mbila bhaikhala uwo, ni nyana zi mbuni bhaikhala muhati yakwe. Hu muda gwundti, hagayikhalilwa nantele. Afume ishizazi, hata ishizazi hagaikhalilya nantele nabhantu. ⁴⁰ Nishi shila Ungulubhi pahangamizye iSodoma ni Gomora na palamani bhakwe - ayanga uYahwe - numo uwaikala uwo; numo umundtu uwaikhala muhanti yakwe." ⁴¹ "Enya, abhantu bhawinza afue hu kaskazini, maana litaifa ligosi na falme abhinji bhayinizye afume uhutali. ⁴² Bhayega idambe na mishale. Bhakatili nasabha ni pyana. Isauti yabho guli nishi ishiguluma idhumbe na bhapandile ifarasi upangailiyo nishi abhandu abhakhomana, juu yaliwe, ulindu Babeli. ⁴³ Ufalme uwa hu Babeli ayuvhyizye ihabali yobho na makhono gakwe galengile huhuzuni. Amashaka gakhete nishi ushi uchungu. ⁴⁴ Enya! Abhala humanya nishi inyarupala uwafuma uwa winushe agi Yordani iwelekela kati yi eneo uwalye uwavumilila. Maana hu halaka ihaibhabhomba bhanyile afume umwo, nane ihaibheha umundu uwasalulye uwagule wakwe. Maana yunanu uli nishi ane, na yunanu uwaindajizya? Udimi bhuli uwaga dhuwila? ⁴⁵ Tejelezyi amapango ambayo Yahwe ayamule juu yi Babeli, amipango agali nago juu indhi yindhi Wakaldayo. Wana lyoli amasami. ⁴⁶ Hu sauti iya kuangushwa hu Babeli indhi iyinga ni sauti izi mateso gabho imanyiha kati ya mataifa."