¹ Yahaali eishi ou Melkizedeki, oumwana wa Salemu, Oudimi wa Ngouloubhei yali mwanya, yakhomeinei nou Abrahamu afumile abhabude amweinei nawasaya. ² Abrahamu apiye oumo eisehemu yakumi kila hantu hali afyolele itawa lyakwe "Ou Melkizedeki" eimaana yakwe" oumweinei ouweilyoli" nantele "mweinei ouwa Salemu" yalimwene ouweiteinganu." ³ Sagali nou yise, sagali noumaye, sagali napafi, sali wahwande ouwisiku wala ouwamaleizye oukhalo gwakwe. Badala yakwe asagala dimi weiwila, nashi oumwana wa Ngouloubhei. ⁴ Etshi seibheileile oumuntu ounou sahali gosi. Oupafi weetu ou Abrahamu apiiye eivintu vyakumi eivinza vyaheijile hwiibho. ⁵ Lyoli, eishikholo sha Bhalawi bhabhaposheye, eihofeisi eizya dimi bhali nei ndajizyo afume hushelia abhonganye eimo hukumi afume hwabhantu abha hu Izraeli amwabho, peeka aje abhene nantele. Nantele shikholo afume hwa Abrahamu. ⁶ Lelo Oumelkizedeki, yasigali neishikholo shabho, afume wa Bhalawi, apousheye eimo eiyakumi afume hwa Abrahamu nawasaya oumwene yali nou lusoubheizyo. ⁷ Eipo sepakhanwa aje oumuntu oudoodo asayiwa nou gosi. ⁸ Hwijambo eili oumuntu aposhela eimo hukumi abhafwe isiku limo, lelo hwijambo eilya mwabho oumo yaposheye eimo eiya kumi, hwa Abrahamu yayangwa seikhala. ⁹ Eishi na yanje, ou Lawi yaposheye eimo eiya kumi nantele asoumbile, eimo yakumi hwa Abrahamu, ¹⁰ afwatanaje ou Lawi ahali musana gwa yise wakwe, ou Abrahamu eisala Melkizedeki nakhomeine nou Abramu. ¹¹ Eishi nkashe ougoulousu gwaweizeiheine ashilile wakuhani bha Lawi, (pansi yakwe abhantu bhaposhela eindajizyo), hwali ahwanzeshi sana hwakuhani ouweinje abhoushe yali shifwani sha Melkizedeki, sio akwiziwe apanjilile wa Haruni? ¹² Eishi ouwudimi kashile wugaluhane, sepalini lazima eindajizyo yape agaluhane. ¹³ Gamo mambo eiga gayangwilwe gagali makabeila aganje, afume mwamwene noumo yaloungwilwe pashiputo. ¹⁴ Eishi piguule aje Ougosi weetu afumile hu Yuda, eilyaje ouMusa saga aliyanjile ahusu adimi. ¹⁵ Eiga gatiyanga maazi hasa nkashele oudimi ouwenje abhabhoneshe yaleingeine nashi Melkizedeki. ¹⁶ Oudimi ounou oupya sagali oumo yali dimi widala eilyei ndajizyo zyazihusiana nei shikholo shamuntu, lelo humsingi ouwekhone yeikhalo gashelesegawezizye ananjishe. ¹⁷ Eisho einsimbo ziloumbeileila ayanje oumwene: "Awe oulidimi wiila nashi eishifwani sha Melkizedeki." ¹⁸ Peipo eindajizyo yeiyatanguliye yabheihweilwe pansheinje afwatanaje ali bhinu sigayahanziwaga. ¹⁹ Eisho eindajizyo sagaehabhombile lya lyonti eishi goulousu. Peipo hwali oudandamazu ouwinza eishi tihuzubhilila Oungouloubhei. ²⁰ Na oudandamazu ouwu ougwinza segwabhoneshe bila guyanje, eindaapo, hweili adimi abhinji sagabhalapile eindaapo shashonti. ²¹ Lelo Oungouloubhei aheijile eindaapo nayangaga ahusu ouYesu, "Ougosi alapile sagaabadilisizye einseibho zyakwe.' awe dimi hani ²² Nantele ouYesu ayeinzeile aje abhe zamana yei lagano ilinza. ²³ Lyoli, einfwa eiziiga adimi aje bhaganje dime wiila. eili afwatanaje bhali haale adimi abhiinji ahwande oumo nantele ouwamwabho. ²⁴ Lelo ouYesu akhala wiila, ouwudimi wakwe seiwugaluhana. ²⁵ Nantele oumwene awezya hugoulousu amalezezye abhaule bhabhahukalibila Oungouloubhei ashilile hwamwene, afwatane oumwene akhala hani nalipuute hwabhene. ²⁶ Eisho oudimi ougosi ouweshi ahwanziwa huliti yasagali neimbibhi, sagali neinongwa zelu ayepile hu mbibhi, alimwanya ashile eimwanya. ²⁷ Oumwene yali nagahwanze nashi adimi agosi, afumye eidhabihu einsiku zyonti kwanza humbibhi zyakwe youyo. ²⁸ Hundajizyo bhabhehwa abhantu bhabhali bha bhinu abhe bha dimi agosi lelo izwi eilye shilapo, lyalyaheinzeile seiseile eindajizo, asaluye ou Mwana, yabhewelwe mwaamu ouwawiila.