¹ Eishi nongwa zyatiyanga zya zyeizi: tilinawo oudimi ougosi yakheye pansi hukhono ouleilo wi-itengo eilyei einzi amwanya. ² oumwene dimi hufinjile, eimputilo eiyei lyoli lyalibhesheile ougosi, siga muntu wawonti yafwa. ³ Shila dimi ogosi abhehwa afumye eimpeisya nei dhabihu; kwa hiyo shinza abhe na hantu aha fumye. ⁴ Eishi nkashele ou Kristi alipamwanya yeinsi,oumwene anda sagali dimi weisho. Afataneje bhahali tayali bhaala bhabhafumizye, eivipawa aleingane neindapizyo. ⁵ Bhabhombile ahantu hahasageiye vintu eivyamwanya, sawa nashi ou Musa nakhajilwaga nou Ngouloubhei. "Lula," Oungouloubhei ayanjile, "shila hantu aleingane neishilenga nyizyo shouhalangwilwe pamwanya pigamba." ⁶ Lelo eishi ou Kristi apousheiye eimbombo einyinza tee afatanaje oumwene nantele yaleinganya ilagano ilinza, lyalilenganyiziwe hunsoubhezyo einyinza. ⁷ Eishi nkashele oulagano oulwa hwande ligali seilyali namakosa handa seitali nei haja ahwanze ilagano eilya bheilei. ⁸ Afwatanaje Ou Ngouloubhei nawagamanya amakosa agabhantu ayanjile, "Einya, einsiku zihweinza ayanga ou Gosi, 'eisalai eimbaleinganye ilagano ipya pandwemo nei nyumba ya Israeli, nei nyumba iya Yuda. ⁹ Saga libhabhe nashi ilagano lyalyabhombeshe pandemo na baba bhabho isiku neinabhejile humakhono abhalongozye afume hunsi yei Misri. Afataneje seibhahendeileye hwilagano lyanei, nanei seinabhasajiye nantele ayanga ou Gosi. ¹⁰ Afwateje eili lilagano eimbalibhombe hunyumba eiya Israeli hunsiku eizi,' ayanga Ougosi. 'Eimbabhshe eindajizyo zyanei hunseibho zyabho, eimbasimbe humoyo gabho eimbabhe Ngouloubhei wabho, bhope bhayibha bhantu bhanei. ¹¹ Seibhayimanyizanya shila muntu nuo jilani wakwe, na kila muntu nou holo wakwe, nkayanjile, "Mumanyaje aje you Gosi, "bhonti bhayimanya anei ahwande oumwana hadi ougousi wabho. ¹² Eipo nayibhabhonesya einkombou hujendo yabho yeisigali ne lyoli,na siganayihwizuha eimbibhi zyabho nantele." ¹³ Seinayanga "eimpya," abhombile ilagano eilyahwande abhe ligosi ligosi. Na eilyo lyalitangazizye abheli gosi ligosi lisageiye hashe asogole.