¹ Nantele, nkatileshe gatimanyiiye aga hwandee ahusu izwi eilya Klisti, tihwanziwa abhe neinjimbilizi ouwabhale ouhwukhome, tiganje abheshe oulwalo agamwabho eigeimpuuto afume humbombo zyaseizili nouwoumi nou lweiteiho oulya Ngouloubhei, ² Nantele oulwalo lwei manyizi yei hwooziwe, nabhabheisheile amakhono,avyounsye bhabhafwiye, na oulounzi wei wiila. ³ Na tibhabhombe eishi nkashile ou Ngouloubhei abhatishilile. ⁴ Afwanaje sebhawezehane hwabhala ambao bhapatile oukhozyo hwisalo ambao bhabhonjile eishipawa eisha mwanya na bhombwe abhe pandwemo nou mpeipo oufinje, ⁵ na bhaala bhabhabhonjile ouwinza ouwizwi eilya Ngouloubhei na humaha agei wakati wawayihweinza, ⁶ nantele bhaagwa - seiwezehana abhawuzye nantele katika eimpuuto einei nongwa yahuje bhahateisile oumwana wa Ngouloubhei habheilei humoyo gabho bhabhombile abha sheileilo eishei matoona hwabhantu bounti. ⁷ Nantele einsi yaheijeileiye eimvula yeitonya wilawila pamwanya yakwe na eifumwa eviyabho muhimu hwa bhala bhabhabhombile eimbombo munsi, bhahweijelela eibalaka afume hwa Ngouloubhei. ⁸ Lelo nkashile hupape amivwa na magugu, eiyo sigaeili nei mpeisya na eili hu bhibhi wa laniwe. Humalishilo wakwe eibudwa nateje. ⁹ Peipo tiyanga eishi, bhamwetu mubhaganwe tibhalabhila na amambo aminza gagahusu amwe na mambo gagahusu ouwaule. ¹⁰ Afwanaje Ou Ngouloubhei sakhopela hata aje ayeiwe eimbombo yenyu na hulugano wamwabhonesyezye hunongwa yeitaawa lyakwe, hweilii mwabhavwiizye abhooziwa na museile nantele mulisamubhavwa. ¹¹ Titamanile tee aje shila muntu hwilimwe awezye abhonesye ebiidi yeila yeila hadi humalishilo muhakikizyaje noudandazu wonti. ¹² Seitihwanza mubhe bhoolo, lelo mubhe bhabheinjezi hwabhala bhabhagala eindagano eizyei lweiteiho nou ouwujivi. ¹³ Nntele Oungouloubhei apiye ou Ibrahimu eindagano alaapile humwoyo gwakwe afwanaje saheinzagalape hwawamwao yoyonti yali gosi ashile oumwahalei. ¹⁴ Ayanjile, "Lyoli eimbahusaizye, eimbahumwonjezye eimpapo yaho tee." ¹⁵ Hwidala eili ou Ibrahimu ahejeleye shila shabhalageine baada ya golezye na jimbizye. ¹⁶ Nantele abhantu bhalapa hwamwahale yaligosi ashile abhahalei, na hwabhene humalishe ashindane hwonti nei ndaapo eizya hakikizye. ¹⁷ nantele ou Ngouloubhei nahamuye abhoneshe pahwelele hani hwa bhaala bhabhagala eindagano eizye nseibho zyakwe eiliinza zyaseizigaluhana ahakikiziwe hundaapo. ¹⁸ Abhomba eisho ili eivintu vibheilei vyaseivigaluhana nantele viila ou Ngouloubhei saweizizye ayanje ilenka hulitei tetishembeileiye ahwifise tipate ajijiziwe amoyo a gahwavwane akhatilile hwi-ikhone ulweiteiho lwalubheshelwe hwitagalila lyeitu. ¹⁹ Tili noudandamazu nashi einanga imala eiya soubheileihe eiyei eimpeipo zyetu, noudandamazu nantele guhwinjila husehemu eiya muhati hwisalo lyei paziya. ²⁰ Ou Yesu ahinjie eisehemu eila neishi outagalizi ouwahulitei, nkawamala abhombe ouwudimi ougosi hata weiwiila baada eiyei utaratibu wa Melkizedeki.