¹ Eishi shila kuhani Ougosi yasalyulwe afume mwa bhantu, asaluliwe ahweimeileile badala bhahale huvintu vyavihouvwana nou Ngouloubhei ili awezye afumye pandwemo eimpeisya na eidhabihu kwajili eiyei mbibhi. ² Aweizizye abhoombe huwupole na lema na bhidali afanaje oumwahale youyo azyoungouleiwe nou oubhinu. ³ Nantele eili ahwanziwa afumye einkoumbou hunongwa yei mbibhi zyakwe nashi sabhomba eimbibhi ezya bhantu. ⁴ Noumo oumuntu yahwega eimpyana einei hunongwa yakwe youyo, lelo,ahwanziwa kwiziwe nou Ngouloubhei, nashi shahali ou Haruni. ⁵ Hata Klisti sagahwipiye eimpyana youyo, eishahwibheishe youyo aje kuhani Ougosi. Eisho OuNgouloubhei ayaanjile hwamwahale, "Awe oulimwana wanei, sanyounou eindi yise waho." ⁶ Shayanga sheisho nantele eisehemu zimo, "Aawe ulikuhani wiila wiila hwi-idala lya umelkizedeki." ⁷ Lelo eisala yakwe hubeilei, alabhiile na bhalabhile alabhile hwa Ngouloubhei humansozi hwa mwahale yawezizye humwaule afume hunfwa.Hunongwa yeieimpyana yakwe ou Ngouloubhei. ⁸ Peipoahali mwana,amanyiiye ahwiyisye humambo gagayeinvyeizye. ⁹ Atimiziwe na hwidala eili abhombeshe kwa kila muntu amweiteisheiye abhe sababu yei waule ouwa wilawila, ¹⁰ awitenje nou Ngouloubhei nashi oudimi Ougosi baada ya tandilane eiyei Melkizedeki. ¹¹ Tili na miinji agayanje ahusu ouYesu. Lelo shikhome eishabha bhoule afanaje amwe mlibholo abhatejezye. ¹² Nantele einsiku eizi mubhajei bhamanyizi, lelo huli oumhimu wa muntu uwabhamanyizye eimanyizi yahwande yei ndajizyo zizwi eilya Ngouloubhei muhwanziwa iziibha nou sio eishalye eishikhome. ¹³ Yeyonti ya mwela amazibha geine sazoubheileiye einongwa eizyelyoli afwanaje aseile doodo. ¹⁴ Shamwabho, eishalye eishikhome shabhantu agosi bhaala bhabhali nouwuuzouwefu ,shasalulanye eilyoli neimbibhi bhamanyiziwe asalule ilinza ni bhibhi