¹ EIshi, peipo tizyuogouleilwe ni bheingo igosi eilya keti titaje kila hantu heihatilemezya nei mbibhi zyezitizyungura nanali tisheimbeile husaburi humashindano gegabheisheilwe hwitagalila lyeitu. ² Timeinye ou Yesu yahandisizye na amalizye oulweiteiho lweitu, huwinza wewubhi hwilwe hwitagalila lyakwe, ahajimbile munshikhobhekhanyo ahazisufizye einsoni zyakwe ahakhiye hunkono ougweleilo, pitengo eilya pamwanya eilya Ngouloubhei. ³ Museibhanje oumwene yahajimbile einongwa eizyavisye afume hubhabhomba imbibhi ashile oumwene aje msahalite nafwe amoyo geinyu. ⁴ Semuyeimbeile awe alaabhe namushindana nei mbibhi kiasi shahweiteishe idanda. ⁵ nantele mweiweilwe hula ajijiziwa oumwoyo hwahubhatwala nashi abhana asahala: "Mwana wanei ousaheje hupoupousu amagalushilo ga Gosi, wala ousaholowe lwouleinganyiziwa nou mwene. ⁶ Peipo ougosi ahuwelela wowonti yaganile ahunsovya oumwana wakwe yahumposhela. ⁷ Jimba einjelo nashe awelelwe ou Ngulubhi abhomba namwe nashi shabhomba na bhana bhakwe, eishi mwana walihu ouyise wakwe saga ahuwelela? ⁸ Nkashe nahumo ouhwawelwe hwe atei tenti tiwelwa basi amwe saga mulibhana bhakwe. ⁹ Hu gounti, tali na yise bheitu abha munsi abhatiwelele,na tabhapiye einshinshi. Je sihwanziwa atei humweiteishe ou Gosi weishimpeipo na akhale? ¹⁰ Huhakika ayise bheitu bhatishetile humaha madodo nashi sheilolesya hwabhene sheshisho, lelo ou Ngouloubhei atisheta hufaida yakwe nka tibhe bhagolosu. ¹¹ Nahumo ashetwe hwehuleta ashe. Huwakati ouwo abhe. Hubhabha. Hata shinisho agigolosu hubhala bhebhamanyizizye nago. ¹² Eishi mubhusye amakhono geinyu geiga yeitile, na mafugamo geinyu gesagali ni-ikhone gabhe ni-ikhone habheilei; ¹³ mugolosye einjendo zyinyayo zyeinyu, ili huje wowonti yali nou wulema salongozwe huteje abhe mwoumi. ¹⁴ Mwanze outenganu na bhantu bhonti, nantele ougoulousu bila yeisho noumo yayihulola ou Ngouloubhei. ¹⁵ Mwenyelezyaje asahabhe oumuntu wowonti yahwepa mushibanza eisha Ngouloubhei, huje lisahinze ishina eilyei uchungu lyelibhamele na sababisye eishida hu bhantu abhinji huleshe ou Ngouloubhei. ¹⁶ Mwenye huje nazimo izinaa au oumuntu yasegolosu nashi ou Esau, oumweinei unongwa yei shalye sheka akazizye ihaki yakwe eiyapapwe. ¹⁷ Peipo mumeinye aje pamandei ahanyonywa agale einsayo ahakhanwa, peipo saga ahapite einafasi eiya khomoshe peka nouyise wakwe, japo ahanzile tee humansozi. ¹⁸ Peipo semwameinye igamba lyelinga khatwa, Igamba lyelihwaha oumwoto,ahasi, alete azilamwe anvurungwei. ¹⁹ Semwameinye hwizwi lyei ndudwe lisababisya bhebhahwonvwa bhasahalabhe izwi lyolyonti ayangwe hwa bhene. ²⁰ Peipo sigabhajiimbile zila zyezyahamuliwe: "Huje hata munyama asahakhate igamba lazima akhomwe na mawe." ²¹ Gaga hwogofya hani gagalolile ou Musa ahajile, "Inogope hani mpaka na yinje". ²² Badala yakwe mweinzeile mwigamba lyei Sayuni na mukhaya ya Ngouloubhei yalimwoumi, ei Yerusalemu eiya humwanya na hwa bhantumi elfu kumi bheibhaseisheilela. ²³ Mweinzeile mwibhunganyo eilya bhapapwe abhahwande bhonti bhebhandihwe humwanya hwa Ngouloubhei oulonzi wa bhonti, nou oumpeipo oumfinjile bhasimishiziwe. ²⁴ Mweinzeile hwa Yesu oukhomanyi wilagano ipya na hwidanda lyalitilizizye geigayanga aminza hani kuliko idanda lya Habili. ²⁵ Ouyenyaje usahakhane weeka ya yanga. Nkushe sagabha hepushe lwebhahankhana weka ya bhasundile pansi eipa lyoli seitaiyiepuha nketigulana apatali afume hwula yahutusoha afume humwanya. ²⁶ Hu wakati ouwo izwi lyake lyayinzizye einsi. Lelo oumwene atipiye habheilei simbayizye neinsi nyeene hata eimwanya yope." ²⁷ Amazwi eiga, "peeka tee," galolesya ahwefwe hu vintu vyeviyinzwa visyale, eivi , vintu viila vyavibhoumbeilwe,huje viila eivintu vyasiga viyinzwa visagale. ²⁸ Eishi tiposhele ouwumweinei gwesaga guyizwa tishanje hwi mpute ou NgOulOubhEi hwa humitishe peka na hwoshe hwisho, ²⁹ maana ou Ngouloubhei weitu mwoto gwegulya.