¹ Eishi oulweiteiho lyoli yalinayo oumuntu eisala yeihwanza ahantu hamo huwu dandamazu.Lyoli yahantu hasigahabhoneha. ² Nantele abhababu bhetu bhaheiteishei hu lweiteiho lwabho. ³ Hu lweiteiho timeinye aje munsi bhabhombweilwe hundajizyo zya Ngouloubhei, aje hala hahabhoneha sagahahagombwilwe afume huvintu vyavibhoneha. ⁴ gwahali hu lweiteiho lwa Habili ahafumizizye ou Ngolobhe isadaka einyinza hushile ou Kaini. Husababu eiyo ahasoumbweilwe aje alinou ouwugoulousu. Ou Ngouloubhei ahasoumbeile. Huje ahaletile izawadi, ou Habili ayanga hata nkafyiye. ⁵ Ou Henoko ahali nou lweiteiho aheigwilwe humwanya saga lolile oufye. "Sagabhoneshe,hunongwa huje, ou Ngouloubhei ahamwejile" humwanya. ⁶ Bila lweiteiho sagauwajie hugweizye ou Ngouloubhei, yabhala hwa Ngouloubhei ahwanziwa abhe nou lweiteiho aje ou Ngouloubhe. Akhala naje abhapela eimpeisya bhaala bhabhahulondozya. ⁷ gwahali hulweiteiho aje ou Nuhu, ahasundilwe nou Ngouloubhei humambo gasaga gabhoneishe, einshinshi ya Ngouloubhe yagombile eipogoso yahumwaule ikhaya yakwe. Abhombile eisho alonjile munsi, ahabha gaali wei lyoli eiyo ihweinza ashilile oulweiteiho. ⁸ gwahali lweiteiho aje ou Abrahimu, nakwiziwe aheiteishe abhale hula hwahuhwanziwa apoushele ougali. ahasoungouye bila amanye aje abhala hwii. ⁹ Gwahali lweiteiho akheye hunsi aje jenu. Ahakheye hu mahema peeka nou Isaka nou Yakobo, agaali abhamwabho bhei ndagano yeiyeile. ¹⁰ Huje ahasobheye ahweje einsi bhapime na jenzi wakwe ou Ngouloubhei youyo. ¹¹ Gwahali lweiteiho aje Ibrahimu, nou Sala youyo bhahaposheiye i-ikhone lya abebe oulwanda lakini bhahali bhagogolo hani, bhabhombile ou Ngouloubhei aje goulousu. Abhasoubheizeizye oumwana weishilume. ¹² Huje afume hwamuntu ouyo weeka yakaribiye afye bhapapwa abhana bhasagabhabhaziwa. Bhahali bhiinji nashi inzota zya humwanya na nashi eimbeiyu musanga gwei einsoumbi. ¹³ Eibha bhonti bhahafyiye nou lweiteiho sagabhahaposheiye oulusoubheilo. Ila bhahalolile bhakalibisizye hwahutali bhaheiteishe aje bhahali bhajenu aje bhashila shila munsi yabho bheibho. ¹⁴ Wala bhabhayanganga amambo nashi eigo abhashei bhahwanza einsi yabho bheibho. ¹⁵ Lyoli, nkabhaseibhaga einsi ya bhafumile, einda bhali neinafasi ya wele, wangelikuwa na nafasi ya kurejea. ¹⁶ Eishi sheili bhanyonywa einsi yilishinza ya humwanya. Eishi ou Ngouloubhei sagaalola einsoni akwiziwe Ngouloubhei wabho youyo agombile einsi hunongwa yabho. ¹⁷ Gwahali lweiteiho ou Abrahamu ahapata injelo, ahafumya ou Isaka. Oumwene ahapoushela oulusoubheilo huseshelo, ahafumizye oumwana wakwe weeka, ¹⁸ yayouyo ahayangwile, "Afume hwa Isaka ishikholo shakwe anzakwiziwe." ¹⁹ Ou Ablaimu ahameinye aje ou Ngouloubhei ahali ni-ikhone ya huzyousye ou Isaka afume hunfwa, ahayanjile hukabila ya shitenda weilei ahapousheye. ²⁰ Gwahali lweiteiho aje ou Isaka ahasaile ou Yakobo nou Esau ahusu amambo gagahwenza. ²¹ Gahali lweiteiho aje ouYakobo lwahali karibu afye ahasaile abhana bha Yusufu wekaweka. Ou Yakobo ahaputile ahategemee humwanya yei ndeisa yakwe. ²² Gwahali lweiteiho aje ou Yusufu ouwakati wakwe wa malishe lwahakalibia ahayenje aje afume hwabhana bha Israeli hu Misri abhalajizya ahweje peeka amafupa gakwe, ²³ Gwahali lweiteiho aje ou Musa,nawapapwa, afisiilwe amezi gatatu na apafi bhakwe hunongwa huje bhalolile aje mwana mweela oumwinza,na sigabhayinjile nei ndajizyo zya mweinei. ²⁴ Gwahali lweiteiho aje ou Musa lwahali muntu gosi ahakhanile akwiziwe mwana wa leindu wa Farao. ²⁵ Pamande ahasaluye abhe na malabha peeka na bhantu bha Ngouloubhei ashile asoungwe eimbibhi zyeimwaha. ²⁶ Ahaseibheile einsoni ya hufuate ou Klisti aje utajili ougosi kuliko oulweiteiho lya Misri ahakazile amaso ahwenye eimpesya hunsiku zyeizihweinza. ²⁷ Yahali lweiteiho aje ou Musa aheipile hu Misri. Saga ahogope ilyoyo lya mweinei, huje ajiimbile hugeinye gasigagabhoneha. ²⁸ Gwahali lweiteiho aje aikhete ipasaka na atonyelezye idada, aje oubhibhi yananganya abhapapwe yabhahwande aganjebhe weihilume apotwe abhakhante, abha Israeli. ²⁹ Yahali hu lweiteiho aje bhashilile pahati yei einsoumbi ya shamu nashi papoumeile. Abha Misri nabhaleingaga ashile, bhamililwe. ³⁰ Yahali lweeteiho aje oulubhoumba wa Yeriko wagwiye pansi, bhazyoungoulile einsiku saba. ³¹ Yahali lweiteiho aje ou Rahabu oula oumalaya saga ahangamie peeka na bhaala bhasaga bhahali bhagoulousu,hunongwa ya huje abhambliye bhaala abheinyelezi na bhabheshe shinza, ³² EInjanje yeenu hani? Amasala sanga gaNkwela ayanje Ou Gidioni, Ou Barak, Ou Samsoni, Ou Yeftha, Ou Daudi, ou Samweli na abhakuwe, ³³ aje ashilile oulweiteiho bhazimenile ouwumweinei bhabhombile eilyoli na bhaposheye oulousoubhelo, bhazijile amalomu geihanu, ³⁴ bhazimile i-ikhone lyei mwoto bhapounjele ouwoji wipanga bhapona afume hu mpoungo, bhali bhadandamazu hwibho na bhabheinje alougou abhajenu bhasheimbeiye. ³⁵ Abhashe bhapousheiye abhafye bhabho hwidala lya afufuliwe. Abhamo bhahalawile, saga bhaheiteishe aleshwe shinza aje bhawaje ouzyousyo ouwinza hani. ³⁶ Abhamo bhahalawile, bhasoshele, bhashetwilwe, nantele bhapinywilwe mwijela. ³⁷ Bhakhomwilwe na mawe. Bhabholilwe. Mentu mentu. bhabudilwe nou panga. bhajendanga namakwembe geingole na makwembe gei mbuzi eibho bhahazanga, bhawalanga shabhavyaleye bhabhombelwanga amabhibhi ³⁸ (eibho munsi sagabhahazwanga abhe nabho), bhazyoungoulaga zyoungoulanga mwihombe, mwigamba, magwenya, mumaleindei ga munsi. ³⁹ Lelo abhantu bhonti abha Ngouloubhei abheiteishe bhahali noulweiteiho, sagabhahaposheye eindangano. ⁴⁰ Ou Ngouloubhei ahalongeye hutupele ahantu ahiza, aje bila atei sangawawajie amaleizye.