¹ Peipo eindajizyo nzounda yei mambo aminza gagahweinza, na sigagaala gagali lyoli. Eindajizyo siga eiweizizye ahukamilisye bhaala bhabhahukalibila Oungouloubhei hwidala lyei zabihu zizila zyabhadimi bhahendeleye afumye humwaha hadi oumwaha. ² Awe inamunaiyamwao insayilo eizyo sagazyaweizizye amalishe afumwe? hweishi bhabhapuuta, nkabha hoozewa peeka, andi sabhali nouwutambuzi hani weimbibhi. ³ Bali munsayilo muli oulokombosyo weimbibhi zyazyabhombilwe oumwaha nou mwaha. ⁴ Afwatanaje zigiwezehana hwidanda limafahari nei mbuzi ahuzyefwe eimbibhi. ⁵ Amasaa ou kristi lwaheinzeile munsi, ayanjile sagamwanyonyilwe amafumizyo au insayilo, ibadala yakwe, mwahandayile amabeilei husababu yanei. ⁶ Sagamwali nouwinza hunsailo zyonti zyahangamizye au nsailo kwaajili yeimbibhi. ⁷ Tena nayanjile, "Einyi, einya eipa eingabhomba amalugano gaho, Ngouloubhei, nashi shayasimbilwe ahusu anei mwibhangili". ⁸ Ayanjile nashi sheiyangwilwe eipo pamwanya: "Sagamwanyonyilwe insailo, mafumizyo, au isadaka ya hangamizye kwaajili yeimbibhi, wala sagawalolile ousongo muhati yakwe" insailo zyazyali zifumwa alengane ni ndajizyo. ⁹ Tena ayanjile, "Enya, eindi eipa abhombe amagano gaho". Abheshele ansheinje amapangiliyo zyazyali zyahwande ili ahimalisye zila eizyabheilei. ¹⁰ Katika amapangilio gabheilei, tibhehwelwe hwa Ngouloubhei humagano gakwe ashile hujefwe hubeilei gwa Yesu Kristi hunsiku zyonti. ¹¹ Lyoli kila dimi ahweimeileila humbombo hunsiku na hunsiku, afumya einsayilo yeiyeila, yeili huvyouvyounti, sagayawezyaga ahwefwe eimbibhi . ¹² Lelo ou ou Kristi afumye eizabihu mala heka humbibhi wila yonti, akheye hunyobhe yeishilelo ya Ngouloubhei, ¹³ agouleila hadi abhibhi bhakwe bhinjizwe pansi na bheshwe litengo kwajili yeimanama gakwe. ¹⁴ Kwa kuwa idala lyafumye lyeka alikamilisizye wila bhala bhali bhatengwilwe nou Ngouloubhei. ¹⁵ Na oumpeipo oufinjile wope asimisizya hulitei. Afwatanaje humwanzo ayanjile, ¹⁶ "Eili lipatano lyalyaibhomba peeka nabho baada yeinsiku eizyo; ayanga ou Gosi: naibheha eindajizyo zyanei muhati yeimoyo gabho, naisimba munjele zyabho". ¹⁷ Tena ayanjile, "Sagaayizikomboha tena eimbibhi ni mbombo zyabho zyazifwiye". ¹⁸ Eishi apantu papali napakhobhoshele hwebho, neimo tena insailo yoyonti kwaajili yeimbibhi. ¹⁹ hweisho, bhaholo, tilinao oudandamazu wahinjiye mahali apagoulousu hani hwidanda lya Yesu. ²⁰ Eisho lidala lyaligushe kwaajili yetu hwidala lyeibeilei gwakwe, lipya nalyoumi lilishilila hwipazia. ²¹ Afwatanaje tilinawo oudimi ougosi humwanya hunyumba ya Ngouloubhei, ²² na tikalibisye humoyo gwilyoli katika ouwugolosu weilyoli weilweiteiho nkatabha namoyo gagasanyantiwilwe aminza afume mumbibhi mwidhamili nabhe na mabeilei ageitu gaga azilwe na meinzei amazelu. ²³ Eishi timeileile huu thabiti hu ouwungamo weidandamazu husoubheilo lyetu, bila yageushe afwatanaje Ungouloubhei atisobhezezye goulousu. ²⁴ Na tizidiji asebhe inamna yahutiye oumoyo kila weka asongwe eimbombo einyinza. ²⁵ Na tingaje aleshe atangane peka, nashi shabhabhomba abhaanje. Ibadala yakwe, tisobhezanyaje amoyo kila weka hani na hani, nashi samulola einsiku zyazihweinza sheishi. ²⁶ Nkashe tabhombile sansoni abhombe eimbibhi baada yapousheile amanyizyo geilyoli, Nsayilo iyenje yeimbibhi sigisyala tena. ²⁷ Badala yakwe, lileho italajio lyene lyeilongwi yahogofwe, na oukhali weimoto gwagwahubhamalezya abhibhi bha Ngouloubhei. ²⁸ Wowonti wayikhanile eindajizyo ya Musa afwa bila wene hwitagalila lyei usumishizi wa keiti bhabheilei au bhatatu. ²⁹ shipimo weilei shihani shateswe ousebha shishihufaa kila weka wazalauye oumwana wa Ngouloubhei, wowonti waibhombeye idanda yipatano nashi ahantu hasaga hali hasafi, idanda ambayo hweyo abhehwelwe lasimi hwa Ngouloubhei - wowonti walijile oumpepo oueimpyana? ³⁰ Afwatanaje timeinye weka wayanjile, "Ishilipizyo nailipa". Na tena, "ougosi ayibhalonga bhantu bhakwe". ³¹ Lijambo lyatisye oumuntu agweile munyobhe zya Ngouloubhei walimwoumi! ³² Lelo ouyizushe einsiku zyazyashilile,namwabhesheiwe oukhozyo, nashi weilei mwawezizye ajimbilile gagabhabha amakhali. ³³ Mwali mubhesheilwe wazi kati amatoona yimatusi na mayeimba, na mwali bhashiliki pamo na bhaala bhabhashiliye amayeimba nashi eigo. ³⁴ Afwatanaje mwali noumoyo gwei eimpyana hwa abhaala bhabhapinyilwe,na mwahambililiye huluseishelo eisoumbo zyei ougaali weinyu,namumeinye huje amwei mweimwei mwahali nouwugaali ougwinza gwei wiila na wiila. ³⁵ Eishi muganje wutaaje ouwudandamazu wenyu, wawuuli nei mpesya eingosi. ³⁶ Afwatanaje muhwanza oujinvi, ili aje mupate aposhele gaala Oungouloubhei gasoubheizeizye, paala namwabhomba oulugano lwakwe. ³⁷ Afwatanaje baada yisala eindodo, weeka yahwenza, ahwenza lyoli wala sagayichelewa. ³⁸ Ouweilyoili wanei ayikhala hu lweiteiho. Nkayiwela hwisinda, saganayisoungweizeiwa nawo." ³⁹ Lelo atei sagatili nashi bhaala bhabhaweila hwisinda huteeje. ate tilibhebho ya bhala bhabhali noulweiteiho lwadime amoyo geitu.