¹ Jendelelaji aganane mweimwei hu mweimwei nashi isho sheihwanziwa hwabhooziwa. ² Nantele jendelelaji hubhambile abhajenu munyumba zyenyu, peipo hi-idala eilya bhombe eisho, abhantu bhamo bhabhambeileiye abhantumi bha Ngouloubhei sinta amanye. ³ Oukoimboshe bhounti, bhabhali mwijela, huje mwahali mweinti nabho, na nkashele amabeilei genyu gabhombilwe nashi abhene. ⁴ Ouweije ouwanziwa atiniwe na bhantu bhonti, na eishitala shei weeji shibhe shinza maana ou Ngouloubhei ahayibhalonga abhegu na malaya. ⁵ Kwa hiyo amadala geinyu agamaisha gabho matenganu hulugano lwei mpeya. Mubhe muuya nei vintu vyemulinavyo, maana ou Ngouloubhei youyo ayanjile, ⁶ "Seinayibhaleha amwei nkalumo,hata abhataje amwei." lelo tiyaanje nkatiyangage hudandamazu, "ougosi yanavwa; Simbahwogope. oumuntu abhambombeishi?" ⁷ Mubhasimbilile bhebhabhalongozizye bhaala bhebhayanjile izwi lya Ngouloubhei hulimwei, mwizushe amatokeo gei njendo zyabho fuatizyaji oulweiteiho lwabho. ⁸ Ou Yesu Kristi youyo igamo na sanyounou lelo na wiila. ⁹ Ousalongozwe ni manyizyo eizye shijeni maana shinza aje oumoyo guzengwe humpyana, na siyo hundajizyo ahusu eishalye eigo gabhavwa bhaala bhebhakhala hweigo. ¹⁰ Tiili nei shibhanzashiila shabhabhomba bhabhali muhati yakwe sigabhali ne i lyoli ya yalye. ¹¹ Peipo idanda lyei hanu lyelyafumiziwe dhabihu hunongwa yei mbibhi yaletilwe nou wumputi ougosi muhati mwemuzelupe lelo amabeilei gabho gahapembilwe apatali ni kambi. ¹² Lelo ou Yesu wope ahapeite amayeimba panzei yei lwiji oulwi nyumba huje abhihwe shinza hubhantu bha Ngouloubhi ashilile idanda lyakwe. ¹³ Eishi sali humwene hwounzei yei kambei, tizibhusye einsoni zyakwe. ¹⁴ Eishi seitili nou khalo gwei wiila munsi oumu. Eishi tanze oukhalo gweguhweinza. ¹⁵ Ashilile hwa Yesu muhwanziwa mara kwa mara ayifumye einkoumbo huloumbeileile ou Ngouloubhei huloumbe aje itunda lyei malomu geitu liyanje itawa lyakwe. ¹⁶ Na ousaheiwe abhombe aminza na hwavwanwe mweimwei na mweimwei, hwahuje einkoumbou nashi eiyo Ngouloubhei akhondezwa sana. ¹⁷ Mweiteishe na ahwiyisye hwalongozi bhenyu,peipo bhahwendelela hubhadime kwaajili yei moyo geinyu, nashi bhaala bhebhafumya ili huje bhabha dime huwinza siyo hunseiubho zyei seibhavwa. ¹⁸ Mtiputile, tili neilyoli huje, tilineisebho nyinza,tisoungwa akhale neinshinshi humamb gounti. ¹⁹ Mwenti eimbapela oumwoyo hani mbombe eishi, ili huje muwele humweinyu sheishi. ²⁰ Eishi ou Ngouloubhei ouweiteinganu, yahabhaletile tena afume hwa bhafwe oudimi ougosi ouwingole, ougosi weetu ouYesu hwi danda lyei ndagano eizya wila, ²¹ Ayibhapela i-khone hu kila lijambo ilinza abhombe oulugano lwakwe nkabhombaeimbombo einyinza muhati yeetu yikhondela pamaso gakwe ashilile hwa Yesu Kristi, hwa mweinei tuntumu wiila na wiila. Amina. ²² Eishi eihupela oumwoyo, holo, ahwigane ni zwi ilyapele oumoyo lyelyasimbilwe huduli hulimwe. ²³ Mumanye huje ouholo weetu ou Timotheo ayigulilwe peeka nou mwene nayibhala nayibhalola nkayiyeinza shinishi. ²⁴ Oubhalamushe alongozi bhaho bhonti na bhashirika bhonti bhala bhebhafuma hu Italia bhahulamuha. ²⁵ Eimpyana eibhe namwei mweinti.