¹ O Daudi ajile, "Aje ahweli wawonti wasagaliye mfamilia ya Sauli ambaye awezizye ahulanje hu fadhili kwa ajili ya Yonathani? ² Ahali oboyi mfamiliya ya Sauli itawa lyakwe Siba, akwiziwa hwa Daudi. Omwene abhozya, "Aje awe yo Siba?" Agomola, "Ane nendi boyi waho, nene." ³ Esho omwene ajile, "Aje nomo wasagaliye mfamilia ya Sauli ambaye agawezya abhoesye shinza owinza wa Ngolobhe?" Osiba agomora omwene, "O Yonathani ali no mwana, ambaye kilema we magaga. ⁴ Omwene abhozya, "Ali hwii?" O Siba agomora omwene, Enya, ali hu nyumba ye Makiri omwana wa Amieli ohwo hu Debari. ⁵ Omwene oDaudi ahatuma bhantu nahumwefwe hu nyumba ye Makiri omwana wa Amieli ohwo Lo Debari. ⁶ Esho oMefiboshethi omwana wa Yonathani omwana wa Sauli, ahenza hwa Daudi wope aundama iliso lyakwe hadi msakafu humweshimu oDaudi. O Daudi ajile, "Mefiboshethi." Wope agomole, "Enya, ne boyi waho! ⁷ O Daudi abhozya, "Osahogope, maana yooli embahutuunze kwa ajili ya Yonathani oise waho, nane embahuwezezye ensi yonti ya Sauli omaama waho, nawe obhalye pameza yane daima." ⁸ Mefiboshethi aundama naje, "Oboyi waho yonanu, hata wamwenya hu fadhiri embwa enfwe nanshi shehwendi?" ⁹ Omwene akwizya oSiba, oboyi wa Sauli, na hubhozye, "Gonti gagali ga Sauli ne familia yakwe epiye amaama gosi waho. ¹⁰ Awe, omwana waho na boyi bhaho mwailima amagonda kwa ajili yakwe namwe mwaivuna eviyabho ili aje omaama wa gosi waho apate eshalye. Afuatanaje Mefiboshethi, omaama wa gosi waho ailya hu meza yane daima." Osiba ali na bhana kumi na bhasanu na boyi ishilini. ¹¹ O Siba ahabhozya omwene, "Oboyi waho aibhomba gonti ambago ogosi waho omwene alajizizye oboyi wakwe." Omwene ahonjezya aje, hwa Mefiboshethi omwene ailya pameza yane, nkashe omo wa bhana bha mwene." ¹² Mefiboshethih ali no mwana ododo itawa lyakwe yo Mika. Na bhonti bhabhali bha hwizya hu nyumba ya Siba bhali bha boyi bha Mefiboshethi. ¹³ Esho Mefiboshethi ahizya hu Yelusalemu, wope ahalya eshalye sha daima hu meza ya mwene, jaapo ali kilema we magaga gonti.