1
baada yego oDaiudi abha shambuliye Afilisti na bhamene. Esho oDaudi ahejile eGathi ne vijiji vyakwe afume hu mamlaka ga filisti.
2
Ahabhamena aMoabu na bhapime abhantu bhakwe u sitari nabhabheshe aje bhagone pansi pamwanya yi nkondi. Apimile amistari ga bhele gabude, no msitari gumo kamili abhabheshe bhomi. Esho aMaobu bhabha bhaboyi bha Daudi na bhahand ahulipe ekodi.
3
O Daudi ahemene oHadadezeri omwana wa Rehobu, omwene wa Soba, oHadadezeri lwasiliye auwezye oumwene wakwe hwisoho lye Frati.
4
O Daudi atekile amagari 1, 700 ge farasi na sikari ishilini elfu bhabhabha hu mgaga. O Daudi azidumla amagaga efarasi zye magari, lakini azitunza zya tosye magari mia moja.
5
Wakati Ashami bhe Dameski na bhahenzaga ahumwavwe Hadadezeri omwene we Soba, oDaudi abudile hwa Shjami abhantu ishilini na mbili elfu.
6
O Daudi abheha engome ohwo hu Shamu ye Demaski, Ashaami bhahabha bhaboyi bhakwe na bhaleta ekodi ongole apela oDaudi oumene shila hwa bhalile.
7
O Daudi ahega engao zye dhahabu zyalibhalinazyo aboyi bha Hadadezeri wope ahazileta hu Yelusalemu.
8
Omwene oDaudi ahega shaba nyinji afume hu Beta Berosai, ensi ye Hadadezeri.
9
Owakati oTou, omwene wa Hamathi, lwahomvwa aje oDaudi ameniel asikari wonti bhe Hadadezeri,
10
O Tou ahatuma oHadolamu omwana wakwe hwa mwene oDaudi ahulamushe na husaye, afuatanaje oDaudi ali alwiye na Hadadezeri na humene, maana oHadadezeri ali alwiye ibho ashile oTou. O Hadoramu ahenza pandwemo ne vintu vye hela ne dhahabu, ne shaba.
11
Omwene oDaudi ahavibheha evintu wakfu kwa ajili ya Ngolobhe, pandwemo ne hela ne dhahabu afume hu mataifa gonti gaali agamenile-
12
afume hu Shamu, Omoabu, Awaamoni, Afilisti, Aameleeki, pandwemo ne nyara zyonti zyatekile afume hwa Hadadazeri omwana wa Rehobu, omwene we Soba.
13
Itawa lya Daudi lya mashishe tee lwa bhamenile aashami hu ntebha ye mwoni, pandwemo na bhantu bhabho bhabhali elfu kumi na nane.
14
Ahabheha engome hu Edomu yonti, na bha Edomu bhonti bhabha bhaboyi bhakwe. Ongolobhe ahapela oDaudi oumene shila hwa bhalile.
15
O Daudi ahalongozya pamwanya ye Israeli yonti, wope ahabhomba hu lyoli no usawa hwa bhantu bhonti.
16
O Yoabu omwana wa Seluya ali gosi wa sikari, no Yehoshafati omwana wa Ahiludi ali wahwandishe etaarifa.
17
O Sadoki omwana wa Ahitubu no Ahimaleki omwana wa Abiathari bhali bhadimi, no Seraya ali mwandishi.
18
O Benaya omwana wa Yehoyada aali pamwanya ye Bhakerethi na Bhapelethi, na bhana bha Daudi bhali bhashauli bha mwene.