¹ Omwene lwa akheye munyumba yakwe, Ongolobhe lwabha apiye esitarehe afumilane na abhibhi bhakwe bhonti bhabhazyongolele, ² omwene abhabhozya akuwaa Nathani, "Enya, ane ehwinzya munyumba mierezi, ila empogoso ya Ngolobhe eli mwi hema. ³ O Nathani ahabhozya omwene, ''Bhala, bhomba lyalili pamwoyo gwaho, afuatanaje Ongolobhe ali nawe." ⁴ Lakini oosiku waula izu lya Ngolobhe lyamwela oNathani aje, ⁵ "Bhala na obhozye oboyi wane oDaudi, 'Eshi shayanga Ongolobhe: Aje obhanzenjele enyumba ya khale?" ⁶ Afuatanaje sembwaile akhale munyumba ahwande isiku lila nanabhaletile abhana bhe Israeli afume hu Misiri hata sanyono; baada yesho nali ajenda mmahema ga khomanile. ⁷ Apantu ponti panasamaga wamo abhana bhe Israeli bhonti, Aje nawaile ayanje lyalyonti na longozi bhe Israeli bhanabhaheshele adime abhantu bhane bhe Israeli, naje, "Yeenu semwanzenjeye enyumba ye mielezi?" ⁸ Esalezi basi, bhozye oDaudi oboyi wane, "Eshi shashesho ayanga Ongolobhe we shisikari: 'Nahagwilwe afume muudimi, afume azifuate engole, aje obhe loongozi pamwanya ya bhantu bhane abhe Israeli. ⁹ Ehali pandwemo nawe paponti pohabhalile na embafutiliye hutali abhibhi bhahoh bhonti hwitazi lyaho. Na embahulenganyizye itawa igosi nansi itawa mojawapo lya gosi bhabhali pamwanya yensi. ¹⁰ Embatenje amahali kwa ajili ya bhantu bhane eIsraeli nane embazubhe paala, aje bhawezye akhale apantu pabho bhebho na bhaganje sumbuliwe nantele abhibhi sagabhanzabhatese nantele, nanshi shabhabhombile ahwande. ¹¹ Nanshi shabhombile isiku lila lwanabhabhozezya abhaamuzi ahusu abhantu bhane abhe Israeli. Nane embahupele esitarehe afumilane nabhibhi bhaho bhonti zaidi yego, Ane ne, Ngolobhe, ehutamshila aje embahulenganyizye enyumba. ¹² Insiku zyaho na zyaimaliha waigona pandwemo naise bhaho naibhosya ouzao baada yaliwe, waifuma hubele gwaho wewe, naibolesya oumwene wakwe. ¹³ Wope aizenga enyumba hwitawa lyane, nane nailibolesya itengo lyakwe lye enzi daima. ¹⁴ Naibha baba hwa mwene, wope aibha mwana wane. Lwaibhomba embibhi naihupela eadhabu hu sanzo lwa bhanadamu nahuhomo ya bhana bha bhantu. ¹⁵ Lakini owaminifu wipatano lyane sewaihusogolela, nanshi shanausogozezye afume hwa Sauli, wanamwefwizye hwitazi lyaho. ¹⁶ Enyumba yaho no umwene waho waibhonesewa hwitazi lyaho daima. Itengo lyaho lye enzi lyaibha imara daima." ¹⁷ O Nathani ahabhozya oDaudi na hu taarifu enongwa ezi zyonti na hubhozye ahusu amaono gonti. ¹⁸ Omwene oDaudi ahinjila mhati na khale hwitazi lya Ngolobhe; ajile, " Ane nenanu, Ongolobhe ne familia yane yeenu hata ondetile epa pehwendi? ¹⁹ Neeli lyali lijambo lidodo hwitazi lyaho, Ogosi Ongolobhe. Hata ayanjile ahusu efamilia ya boyi waho owakati ogosi wauhwenza, nawe obhahwibhonesye evikholo vya hwenza eOgosi Ongolobhe! ²⁰ Ane ne Daudi, enjanje yenu zaidi ya huliwe? Omweshimle oboyi waho, eOgosi Ongolobhe. ²¹ Hu sababu yizu lyaho, na kwa ajili yatimizye ikusudi lyaho wewe, obhombile ijambo igosi enamna ene na ali bhonesye hwa boyi waho. ²² Awe oli gosi, Egosi Ongolobhe. Afuatanaje nomo wa mwabho waali nanshi we, na nomo Ongolobhe owa mwabho badala yaho, nanshi shatomvwezye hu makutu getu teete. ²³ Litaifa nshi lyalili nanshi abhantu bhaho abhe Israeli itaifa limo pamwanya yensi ambalo awe, Ngolobhe, wabhalile na bhafyozye kwa ajili yaho wewe hu mwene? Wabhombile esho aje bhabeh bhantu kwa ajili yaho wewe, na hwibheshele itawa kwa ajili yaho wewe, na abhombe amatendo amagosi na gahwogofye kwa ajili yensi yaho. Wagefwizye amataifa na mangolobhe gabho afume hwitazi lya bhantu bhaho, bhohabhafyozezye afume hu Misiri. ²⁴ Oibolesezye eIsraeli nanshi abhantu bhaho daima, na awe, Ngolobhe, abhe Ngolobhe wabho. ²⁵ Esalezi Egosi, Ngolobhe, eahadi yobheshele ahusu oboyi waho ne familia yakwe ibhe imara daima. Obhombe nanshi shoyanjile. ²⁶ Ni tawa lyaho libhe ligosi daima, aje abhantu bhayanje, 'Ongolobhe we shisikari Ngolobhe we Israeli,' wakati enyumba yane, oDaudi, oboyi waho yaikhala imara hwitazi lyaho daima. ²⁷ Afuatane naje awe, Ngolobhe we shisikari, Ngolobhe we Israeli, obhonesezye hwa boyi waho aje obhahuzenjele enyumba. Ndio maana ane ne boyi waho, empete oudandamu apute huliwe. ²⁸ Esalezi, Gosi Ngolobhe, awe we Ngolobhe, amazu gaho ge yooli, obhombile eahadi enyinza hwa boyi waho. ²⁹ Esalezi basi, akhondele aisaye enyumba ya boyi waho, aje eyendelele hwitazi daima. Afuatanaje awe, Gosi Ngolobhe, ogayanjile amambo ega, na huahidi zyaho enyumba ya boyi waho ebhasailwe daima.