¹ Pamande omwene wa bhantu bhe Amoni ahafwa, no Hanuni mwana wakwe abha mwene apantu pakwe. ² O Daudi ajile, "Embahulanje efadhiri no Hanuni omwana wa Nahashi, kwa kuwa oise wakwe anfwaziliye." Shesho oDaudi atumile aboyi bhakwe ahunjinvye oHanuni hubari zya ise wakwe. Aboyi bhakwe bhahinjila munsi ya bhantu bha Amoni. ³ Lakini alongozi bha bhantu bha Amoni abhozya Hanuni ogosi waho, "Aje oiga hu yoli oDaudi ahumweshimu oise waho hata atumile abhantu ahutiye mwoyo? O Daudi sagabhatumile aboyi wakwe huliwe aje ahwenye omuji, agupelelezye, aje nkagupindule? ⁴ O Hanuni ahabhega aboyi bha Daudi, abhasyengula enusu ye ndevu zyabho, azembula amenda gabho hadi hwisalo, wope ahabhaleha bhahwibhalila. ⁵ O Daudi na helezewa ahusu eli, atumile abhantu abhale abhalaki, afuatanaje wali bhabhalangenye tee. Omwene abhabhozya, "Khalaji hu Yeriko paka endevu zenyu lwazyaimela, nkamwawelaje." ⁶ Abhantu bha Amoni na bhalola aje bhabhoshele hwa Daudi, bhatumile ajumbe kwa ajili ya Shami bhe Beth Rehobu ne Soba, asikari elfu ishirini bhabhabhalile hu hu magaga na omwene we Maaka pandwemo na bhantu elfu, na bhantu bha Tobu elfu kumi na mbili. ⁷ O Daudi lwahomvwa ahatuma oYoabu ni jeshi lyonti lya sikari. ⁸ Abhaamoni bhahafuma bhahabheha amistari gibho huwinjililo gwe ndiango gwabho, wakati Ashami bhe Soba na bhala bhe Rehobu, na bhantu bhe Tobu na Maaka, bhahemeleye bhebho bhene huu uwandani. ⁹ O Yoabu lwa lola amistari gibho gahu zubhilila ponti hwitazi na khosi, achaguye baadhi ye bhe Israeli bhabhamenye alwe shinza na bhabhapanga ashile Abhaashami. ¹⁰ Ne sehemu yeha sagaliye ya sikari, abhabheha pansi ya Abishai oholo wakwe, wope abhabheha hu misitari gibho ashile asikari bha Amoni. ¹¹ O Yoabu ajile, "nkashe Abhaashami bhanzabhe ni lyomi ashi pamwanya yane, eshi awe, Abishai, lazima anfyozye. Lakini nkashe ijeshi lya Amoni libhabhe ni lyomi ashile awe, embahwenze ahufyozye. ¹² Mubhe ni lyomi, nate tihwibhonesye aje tili ni lyomi kwa ajili ya bhantu bhetu nensi zya Ngolobhe wetu, afuatane naje Ongolobhe abhabhombe gagahukhondela kwa ajili yi kusudi lykwe. ¹³ Esho oYoabu na sikari bhi jeshi lyakwe bhatatu bhila hwitazi hwibho ashile Ashami, bhabhalaimishe ashembele hwitazi lya asikari bhe Israeli. ¹⁴ Ijeshi lya Amoni nalyalola aje Aashami bhashembeye, afume hwa Abishai bhawela mhati ye mji. O Yoabu awela afume hwa bhantu bha Amoni na ahabhala hu Yelusalemu. ¹⁵ Aashami nabhalola aje bhamenilwe ne bhe Israeli, bhahwibhonganganya pandwemo nantele. ¹⁶ O Haderezi ahatuma alete evikosi vya Bhashami hwi nsyela lisoho lye Frati. Bhahenza hu Helamu pandwemo no Shobaki, ogosi wa sikari Hadareza pamwanya yabho. ¹⁷ O Daudi lwabhoweza, abhabhongenye Israeli bhonti pandwemo, alobhoha hu Yordani ahafiha hu Helamu. Abhaashami bhahwipanga hu musitari gwibho ashile oDaudi na bhahalwa nawo. ¹⁸ Aashami bhashembele hwitazi lye bhe Israeli. O Daudi ahabuda asikari mia saba bhe magari na asikari bhe farasi elfu arobaini. O Shobaki ogosi wa asikari bhabho avwaleye na ahafwa ohwo. ¹⁹ Amwene bhonti bhabhali bhaboyi bha Hadareza nabhalolile aje bhamenilwe na bhe Israeli, bhabheshele olusongwo na bhe Israeli na bhabha bha boyi bhabho. Shesho Aashami bhahogopa abhavwe abhantu bha Amoni nantele.