Hwabha owakati we majira ga shipupwe, owakati ambapo hu kawaida amwene bhabhalaga hwibho, oDaudi ahatuma oYoabu, oboyi wakwe na asikiri bhonti bhe Israeli. Bhalinankanya asikari bha Amoni a ahusuru Raba. Lakini oDaudi akheye hu Yelusalemu. ² Hwabha isiku limo owakati wa ndyabhela oDaudi ahabhoha afume pashitala ajenda hwi golo lya kasri. Ahali pala ahalolo oshe ahwoya, oshe ola ali mwinza tee shabhonehaga. ³ O Daudi ahasontezya abhozezye abhantu bhabhamenye ola oshe. Omuntu omo ajile, "Aje ono seyo Bathsheba, omwale wa Eliamu, wope si shee wa uria omhiti? ⁴ O Daudi ahatuma ajumbe bhope bhahamwega; ahenza hwa mwene, na agona nawo(ali ahwiyoziye afume hunsiku zyakwe). Pamande ahawela akhaya yakwe. ⁵ Oshe abha ne vianda, wope ahatuma na hubhozye oDaudi; aje, "ane endi ne vianda." ⁶ O Daudi ahatuma abhantu hwa Yoabu naje, "Otume hwaline Uria mhiti." O Yoabu ahatuma Oria hwa Daudi. ⁷ O Uria wahafiha, oDaudi ahabhozya ehali ya Yoabu. Enamna ijeshe shalyalilihwendelela najinsi ibho shalyali lihwendelela. ⁸ O Daudi ahabhoza oUria, "Iha akhaya yaho, onawe amagaga gaho. "Shesho oUria ahasogola hu kasri lya mwene, omwene ahatumila ezawadi oUria. ⁹ O Uria ahagona pandwemo na boyi bha gosi wakwe hundiango gwe kasri, wala saga ahiha akhaya yakwe. ¹⁰ O Daudi lwahabhozewa, "O Uria sagahishile akhaya yakwe," abhozya oUria, Aje sewafumile hu safari? Yeenu sewa hishile akhaya yaho?" ¹¹ O Uria ahagomola oDaudi, "Empogoso, na bhe Israeli na bhe Yuda bhali hu mahema no Yoabu oboyo wa gosi wane akhomile ihema hu wandani. Namna bhole aje ane embwezye abha akhaya huline alye na mwele na gone nashe wane? hu yooli nanshi shohwizya, sembabhombe esho. ¹² Esho oDaudi ahabhozya oUria, "Okhale sanyono na shandabho naihuleha obhale." Kwa hiyo oUria ahakhala hu Yelusalemu isiku elyo lya lya fuatile. ¹³ O Daudi lwahakwizya, aliye na mwele pandwemo nawo, oDaudi ahabheha akholwe. Owakati wa ndabhela oUria ahabhala agone pashitala pandwemo na boyi bha gosi wakwe; sagahishile akhaya yakwe. ¹⁴ Shampwiti oDaudi ahamwandishila oYoabu ebarua, wope ahaituma hu khono gwa Uria. ¹⁵ Mhati ye barua oDaudi ahandishe eshi, "Bheshi oUria hwitazi libho ikhali tee na pamande, mleshe, aje akhomwe afwe. ¹⁶ O Yoabu lwalola ensi ezyongolwa, abheshele oUlia esehemu yaimenye oasikari obhibhi wi lyomi bhabhanje bhalwa. ¹⁷ Abhantu bhe mji nabhafumile ashile asikari bha Yoabu, baadhi ya sikari bha Daudi bhagwiye, no Uria Umhiti wope ahabha buda. ¹⁸ Owakati oYoabu lwa tumile hwa mwene ahusu ehali yibho, ¹⁹ alajizizye umjumbe, aje, "Lwohaimala ahubhozye omwene ahusu ehali yibho, ²⁰ yowezehana omwene agavitwa, wope agabhozya, 'Yeenu mwalwiye no mji hu peepe esho, semwamenye aje bhahenzaga awezye abhashambulile afumile mlubhomba? ²¹ Wenu wabudile Abimeleki omwana wa Yerubeshethi? Se yoshe walusizye iwe lya syele pamwanya yakwe afuem mulubhomba, hata ahafwa ohwo Thebesi? Yenu basi mwapala mene no lobhomba enamna eyo? Nowe ogomole, 'O Uria oboyi waho afwiye pia." ²² Ojumbe ahasogola na bhalu hwa Daudi ahabhozya shi lijambo oYoabu atumile ayanje." ²³ Omjumbe abhozya oDaudi, "Olwahwande abhibhi bhali ni lyomi ashile ate; bhatenzeye hu uwaandani, lakini tabhawezizye akhosi huwinjililo lye ndyango. ²⁴ Na khoma mishale bhabho bhabhalusizya aboyi bhaho afume mlubhomba, na bhamo aboyi bha mwene bhabhabudule, na boyi bhaho Uria mhiti pia abhabudile. ²⁵ O Daudi ahabhozya omjumbe, "Bhozye eshi oYoabu, 'Osaluhusu ijambo eli lizugumizye, kwa maana shohwangamizya no wenje. Vibheshe evitu vyaho abhe vi lyomi ashile omji, na uguteke.' Opele omwoyo oYoabu." ²⁶ Oshe wa Uria nahomvwa aje olume wakwe afwiye ahambolezezye tee kwa ajili yakwe. ²⁷ Ozugumizu wakwe na wamaliha, oDaudi ahatuma ahumweje hwa mwene hu kasri lyakwe, wope abha she wakwe na apapila omwana. Lakini habhombile oDaudi sehakhondeye hwa Ngolobhe.