¹ Ongolobhe ahatuma oNathani hwa Daudi. Ahenza hwa mwene naje, "Hwali na bhantu bhabhele hu muji. Omo ali tajili owamwabho ali masikini. ² Olo otajiri ali ni kundi lya ng'ombe ne ngole nyinji tee, ³ lakini omasikini sagali na hahonti ila ahana he ngole hali ahalile na halishe na haleele. Hakula pandwemo nawo na pandwemo na bhana bhakwe. Hala ahanangole haliye nawo namwele afume mshikombe shakwe, wope ahagona mmakhono gakwe na hali nanshi omwale wakwe. ⁴ Isiku limo otajiri ahapata ojenyu, lakini omwene sagalitiyari ahweje omunyama afume mwikundi lyakwe lye ng'ombe au mwikundi lye ngole aje ahumwandalile eshalye. Baada yesho ahejile omwanangole wa masikini na ateleha kwa ajili ya jenyi wakwe. ⁵ Ehasira ya Daudi ya hanshile ahusu otajiri ola, wope ahabhozya oNatahni hwi lyoyo, "Nanshi Ogolobhe shahwizya, omuntu wa bhombile ijambo eli ahwanziwa afwe. ⁶ Lazima alipe enyanangole zine zaidi kwa ajili ya haa habhombile, na kwa sababu sagali ne huruma hwa muntu omasikini. ⁷ O Nathani abhozya oDaudi, "Awe yayola ola umuntu! Ongolobhe, Ongolobhe we Israeli, ajile, 'Ehaponyizye amafuta obhe mwene pamwanya ye Israeli, na fyozezye afume mmakhono ga Sauli. ⁸ Napela enyumba ya gosi waho, na bhashe bhakwe mmakhono gaho. Napiye enyumba ye Israeli ne Yuda. Na ego nkagali madodo zaidi huliwe, handanawezizye ahumwonjezye gamwabho zaidi. ^{9 10} Esho basi yeenu osoloenyo endajizyo zya Ngolobhe, hata wabhomba aggali mabhibhi hwi tazi lyakwe? Ogojile oUria Omhiti hwi panga na omwejile oshe wakw abhe she waho. Wagojile hwipanga lya sikari bhe Amoni. ¹⁰ Esho basi ipanga selyaisogola munyumba yaho, kwa kuwa onsolenye na omwejile oshe wa Uria Omhiti abhe she waho.' ¹¹ Ongolobhe aiga, 'Enya embalete enfwa dhidi yaho afume yaho afume munyumba yaho wewe. Embabheje ashe bhaho hu maso gaho, na hupele ojilani waho, wope aigona na bhashe bhaho pasanya. ¹² Afuatane naje wabhombile embibhi ezi shi siri lakini ane naimba ijambo eli wakati wa pasanya hwitazi lye Israeli bhonti. ¹³ O Daudi abhozya oNathani, "Ebhombile mbibhi Ongolobhe." O Nathani agomora oDaudi, "Ongolobhew wope alesheye aimabhibhi gaho. Sobhafwe. ¹⁴ Lakini, kwa kuwa hwitendo eli osolonye Ongolobhe, omwana waipapwa huliwe yooli aifwa." ¹⁵ O Natahni ahasogola abhale hwa mwene. Ongolobhe wakhoma mwana ambaje she wa Uria apeepe hwa Daudi, wope ahabhina tee. ¹⁶ O Daudi aputa Ongolobhekwa ajili ya sahala. O Daudi ahafunga wope ahinjila mhati agone osiku wonti pamwnya ye sakafu. ¹⁷ Agogo bhe nyumba yakwe bhabhoha na hwemelele panshenje yakwe, aje bhabhosye afume musakafu. Sagabhoshele na sagaliye pandwemo nabho. ¹⁸ Hwabha isiku lya saba omwana ahafwa. Aboyi bha Daudi bhahogopa ahubhozya aje omwana afwiye, afuatanaje bhajile, "Enya, owakati omwana lwali mwomi, taiyanjile nawo, lakini sagahomvweze esauti yeetu. Aje shibhabhe bhole nkatibhahubhozye aje omwana afwiye?!" ¹⁹ O Daudi lwalola aje aboyi bhakwe bhakwepelana, Ahamanya aje omwana afwiye. Abhabhozya, "Aje omwana afwiye?" Bhagomoye, "Afwiye." ²⁰ Pamande oDaudi ahabhoha afume hu sakafu ahoga, ahapotola, amafuta, na ahabadilisya amenda gakwe, ahebhala hwihema lya khomanile na ahaputa pala, pande ahawela ha kasri yakwe. Ahanza aje eshalye shiletwe, bhamwa mwandalila, wope ahalya. ²¹ Aboyi bhakwe na bhabhoya, "Yenu obhombile ijambo eli? Wafunjile nalile kwa ajili ya mwana owakati nali mwomi, lakini omwana afwiye, lakini omwana nahafwa wabhoha nalye." ²² O Daudi ahagomela, "Owakati omwana lwali mwomi nafunyile na lile. Najile, Wenu wayenza amanye aje Ongolobhe ayenzaga nsajile aje omwana aizyaje au seshashesho? ²³ Lakini esalezi afwiye, esho enfunjile yeenu? Aje embwezizye ahuwezye nantele? Embabhale hwa mwene, lakini omwene sawezizye ambwelele." ²⁴ O Daudi ahazinzya oBethsheba oshe wakwe, ahinjila hwa mwene na agona nawo, Pamande apaapa omwana osahala, wope ahetwa Selemani Ongolobhe agene ²⁵ wope ahatuma izu ashilile okuwaa oNathani ahukwizye oYedidia, afuatanaje Ongolobhe agene. ²⁶ O Yoabu ahalwa no Raba, munsi ye shimwene ya bhantu bhe Amoni, wope ahateka engome yakwe. ²⁷ Shesho oYoabu ahatuma ajumbe hwa Daudi aje, "Endwiye no Raba, nane ehete esehemu ye sambazya amenze gensi. ²⁸ Kwa hiyo esalezi bhabhonganye askari bhabhasagaliye oguzyongole omuji na guteke, afuatanaje nkashe embaguteke, gubhahwetwe hwitawa lyane." ²⁹ O Daudi abhonganya askari bhonti nabhale hu Raba; ahalwa nabho naguteke. ³⁰ O Daudi ahega etaji ye dhahabu afume hwitwe lya mwene yayali no umwamu we talanta, na yali niwe lye thamani mhati yakwe. Etaji yabehwa pamwanya yitwe lya Daudi. Ahega enyara zye muji zi nyinji. ³¹ Ahabhefwa abhantu bhabhali hu mjini wope abhalazimisya abhombe embombo hu sumeno, hu nsololo ne ntwanga; lakini pia abhalazimisizye alenganye amatafwali. O Daudi abhalazimisizye amiji gonti ga bhantu bha Amoni abhombe embombo ezyo. Pamande. O Daudi na sikari bhakwe bhawela hu Yelusalemu.