¹ Baada yego oAmnoni omwana wa Daudi, ahaziliha tee oTamali olimbo wakwe we kambo waali mwinza, ali kanda vimo no Absalime, omwana wa mwabho wa Daudi. ² O Amunoni ahazugumile tee ikiasi sha bhine kwa ajili ya Tamari oilombo wakwe. O Tamari ali bikira, neyo yabhoneshesewezehana oAmunoni abhombe ineno lyalyonti hwa mwene. ³ Lakini oAmunoni ali no wamwabho itawa lyakwe yo Yehonadabu omwana wa Shama, oholo wakwe oDaudi. ⁴ O Yehonadabu ali muntu mwelevu tee. Abhozya oAmunoni, "Yeenu wo mwana wa mwene azugumile kila siku? Yeenu sombozya? O Amunoni ahagomola, "Egene oTamari oilombo wakwe oAbsalome oholo wane." ⁵ O Yehonadabu ahabhozya, "Gona pashitala shaho ohwibheshe aje oli bhinu. Owakati oise waho lwanza ahwenze ahumwenye, Obhozye, Tafadhari otume oilombo wane oTamari ayandale eshalye hwitazi lyane ili enshilole nalye afume mkhono gwakwe?" ⁶ Shesho oAmunoni ahagona na hwibheshe bhinu. Omwene lwahenza ahulole, oAmunoni abhozya omwene, "Nafuu tume oTamari oilombo wane alenganye eshalye kwa ajili ye ugonjwa wane hwitazi lyane aje endye afume mmakhono gakwe. ⁷ O Daudi hu kasri yakwe ahatuma inenu hwa Tamari, aje, "Bhala hu nyumba ya holo waho omwandalile eshalye. Oyo. ⁸ O Tamari ahabhala hu nyumba ya Aamunoni oholo wakwe lwali agonile. Ahega omkando na yufinyanje ahalenganya amakati hwitazi lyakwe pandwemo ahipula. ⁹ Ahega ikalanjilo na hupele amakati, lakini akhene alye. O Amunoni abhabhozya bhabhahali, "Shila muntu asogolaje." Esho shila muntu ahasogola. ¹⁰ O Amunoni ahabhozya oTamari, "Leta eshalye ampanda yane endye mukhono no gwaho." O Tamari ahega ikati lyali alengenye na lilete ampanda ya Amoni oilombo wakwe. ¹¹ Lwaleta eshalye hwa mwene, oAmunoni akhatilila na hubhozye, "Aje enzaga, ogone nane ilombo wane." ¹² Omwene agomoye, "Ndadi ilombo wane, oganjendazimisye, kwani nalimo ijambo nansha eli lyalilwabhombeshe mu Israeli. Osabhombe ijambo lye nshi ekiasi eshi! ¹³ Embabhale hwi ehwisegusye ne nsoni ambazyo ijambo eli libhalete hu maisha gane? Na itendo eli libhahuzugumizye abhe lema wasoli ne nsoni mu Israeli yonti. Nafuu ehulabha oyanje no mwene. Omwene anzahuluhusu oneje." ¹⁴ O Amunoni sagahanzaga ahutejezye. Kwa kuwa azidile ahukhate ahagona nawo. ¹⁵ O Amunoni amwega oTamari huluvisyo ogosi. Avitwa zaidi ya shila shazilihaga. O Amunoni ahabhozya, "Bhoha sogolaga, "Bhoha sogolaga." ¹⁶ Omwene agomoye, "Ndadi! afuatanaje oubhibhi wombombile oiga sogola bhibhi zaidi ya shila shombombile!" O Amunoni sagatejezezye. ¹⁷ Baada yakwe akwizya oboyi wakwe ahaga, "Sogozye oshe ono hwitazi lyane, na ofunje ondingo akhosi yakwe." ¹⁸ Oboyi wakwe ahamwefwa nafunje ondyango. O Tamari ali akwete amenda lyanakishiwe aje abhale bha mwene bhabhali bhabikra shabhali bhakwata. ¹⁹ O Tamari ahabheha amalota pitwe lyakwe na azembula omwenda gwakwe ²⁰ O Absalome, oilombo wakwe, ahabhozya, "O Amunoni, oilombo waho ali nawe? Lakini esalezi pooma, ilombo wane, omwene yo ilombo waho. Osalibheshe eli hu mwoyo." O Tamali ahakhala yoyo mwene mu nyumba ya Absalomu oilombo wakwe. ²¹ Omwene oDaudi lwa homvwezye ega gonti, avitilwe tee. ²² Absalomu sagayanjile hahonti hwa Amunoni, afuatane naje Absalomu avitilwe hu shila shahombile ahukenyensye oilombo wakwe. ²³ Baada ye maha gabhele amazima oAbsalomu ahabha na bhabhakata engole amawoya bha bhombaga embombo ohwo hu Baali Hazori, yeeli peepe ne Ifrahimu, wope Absalomu ahabhariha abhana bhonti bha mwene afishe ohwo. ²⁴ Absalomu ahabhalila omwene naje, "Enya esalezi, oboyi waho ali nabho bhabhakate engole amawoya. Nafuu, elabha omwene no boyi wakwe bhabhale nane ne boyi waho." ²⁵ Omwene ahagomola Absalomu, "ndadi mwana wane, tisahabhale ate kwani gonti gaibha lizigo huliwe." Absalomu ahakikisizya omwene, lakini omwene sagaheteshe abhale, ila asaile oAbsalomu. ²⁶ O Absalomu ajile, "Nkashe sesha shesho, basi nafuu oleshe oholo wane oAmunoni obhale nate." Omwene abhozya, "Yeenu oAmunoni abhale namwe?" ²⁷ O Absalomu amwelekezy oDaudi, esho oluhusu oAmunoni na bhana bhamwabho bha mwene abhale nawo. ²⁸ Absalomu abhabhozya aboyi bhakwe naje, "Tejezi shinza. O Amunoni abhabhe akholilwe hombwa, nembahobhozyeaje, 'Khomaji oAmunoni,' msahogope budaji. Aje se nene embabhozezye? Mubhe bhi lyomi ni daandu." ²⁹ Aboyi bha Absalomu bhabhombole oAmunoni nanshi shabhabhozewe. Abhana bhonti bha mwene bhabhoha shila omo ahapanda enyumba yakwe ahashembela. ³⁰ Lwabhahabha mwidala ehabari zya fiha hwa Daudi aje, "O Absalomu abudile abhana bhonti bha mwene na nomo ata weka wasagaliyo." ³¹ Omwene ahabhoha na zembule amenda gakwe na agone pamwanya ye sakafu; aboyi bhakwe bhonti bhahemeye peepe nawo amenda gabho gazembuliwe. ³² O Yehonadabu omwana wa Shama, oholo wakwe oDaudi agomola naje, "Ogosi wane asasebhe aje asahala bhonti ambao bhana bha mwene bhabudilwe, oAmunoni mwene wabudilwe, Obsalomu alipanjile ijambo eli ahwande isiku lila oAmunoni lwanankenye oTamari, oilombo wakwe. ³³ Eshi basi, ogosi wane omwene asaibheshe etaarifa eyo humwoyo, asebhe aje abhana bhonti bha mwene bhabudilwe, wabudilwe yo Amunono mwene." ³⁴ Absalomu ahashembela hwa boyi waali ahwenya abhosya amaso gakwe nalole abhantu bhinji bha hwenza munshenje ye kilima oupande wakwe we magharibi. ³⁵ O Yehonadabu abhozya omwene, "Enya, abhana bha mwene bhahwenza. nanshi aboyi bhaho shohayanjile." ³⁶ Lwahamala ayanje abhana bha mwene bhahafiha, bhabhosya esauti zyabho nalile. No mwene pandwemo na boyi bhakwe bhonti pia bhahalila huu uchungu. ³⁷ Ila oAbsalomu ahashembela na bhale hwa Talmai omwana wa Amihudi, omwene we Geshuri. Omwene ahombolezya shila siku kwa ajili ya mwana wakwe. ³⁸ O Absalomu ahashembela abhale hu Geshuri na ahakhala ohwo hu maha gatatu. ³⁹ Omwoyo gwa mwene oDaudi aziluha abhale ahulole Absalomu afuatanaje ali afarijishe hu habari ye nfwa ya Amunoni.