¹ Amakabele gonti ge Israeli bhabhaliye omwene ohwo hu Hebroni bhope bhajile, "Enya, ate tili nyama na mafupa gaho. ² Eshipindi shashashilile, oSauli lwaali mwene pamwanya yetu, wewe walongozezye asikari bhe Israeli. Ongolobhe abhozya, 'Obhabhadime abhantu bhane Israeli, na obhabhe wa gaale pamwanya ye Israeli." ³ Agogolo bhonti bhe Israeli bhahenza hwa mwene ohwo hu Hebroni no mwene oDaudi abheha ipatano hwitazi lya Ngolobhe. Bhabheha oDaudi abhe mwene we Israeli. ⁴ O Daudi ali no umuri we maha thelathini lwahandaga alongozye, wope alongozezye amaha arobaini. ⁵ Agalile pamwanya ye Yuda amaha saba na mezi sita ohwo hu Hebroni, na ohwo hu Yelusalemu alongozya amaha thelathini na mezi gatatu pamwanya ye Israeli yonti ne Yuda. ⁶ Omwene na bhantu bhakwe bhahabhala hu Yelusalemu alwe na yabesi, bhabhali bhakhaya bhensi. Bhabhozta oDaudi, "Sobhawezye ahwenze epa kwani hata bha mpofu na vilema ahukhanizye ahwinjile. O Daudi sawezizye ahwonze epa." ⁷ Lakini, oDaudi aiteka engome ya Sayuni, ambayo esalezi nsi ya Daudi. ⁸ Owakati owo oDaudi ajile, "Bhabhabhashambuliye ayebusi bhanza hwanziwe ashile mwaikolongo lye menze aje bhabhafishile avilema na mpofu bhabhali bhabhibhi bha Daudi." Ene ndio maana abhantu bhaiga, "Avipofu na vilema bhasahinjile hu kasri." ⁹ Esho oDaudi ahizya hu ngemeni wope aitanura ensi ya Daudi. Aizyoshwa alubhomba ahwandile hwi baraza abhalile mhati. ¹⁰ O Daudi ahabha ni lyomi tee afuatane naje Ongolobhe, Ongolobhe weumwamihwe, aali pandwemo nawo. ¹¹ O Hilamu omwen we Tiro ahatuma ajumbe hwa Daudi, na makwi ge melezi afundi selemala na bhabhazenga. Bhazenjela oDaudi enyumba. ¹² O Daudi ahamanya aje Ongolobhe ali abheshele aje abhe mwene pamwanya ye Israeli, naje ali amwamihwe oumwene wakwe hwa Israeli abhantu bhakwe. ¹³ O Daudi na hasogola oHebroni na ahabhala hu Yelusalemu, ahwiyejela abhashe na shikaji bhinji ohwo hu Yelusalemu, na abhana na lendu bhinji bhapepwe hwa mwene. ¹⁴ Ego ga matawa ga bhana bhakwe bhabhapepwe hwa mwene ohwo hu Yelusalemu: oShamua, Shobabu, Nathani, Selemani, ¹⁵ Ibhari, Elishua, Nefegi, Yafia, ¹⁶ Elishama, Eliada na Elifeleti. ¹⁷ Afilisti na bhahomvwa aje oDaudi aponyezewe mungomeni. ¹⁸ Afilisti bhali bhenzele na hwenele hu ntebha ya Mrefai. ¹⁹ O Daudi ahalabha osaada afume hwa Ngolobhe. Ajile, "Aje embashambulile afilisti? Obhampele oumene pamwanya yabho?" Ongolobhe abhozya oDaudi, "Bhashambulile, embahupele oumene pamwanya ya filisti." ²⁰ Esho oDaudi abhashambuli ohwo hu Baali Pelasimu, wope ahabha mena. Ahaga, Ongolobhe ayitihene hwa bhibhi bhane hwitazi lyane nanshi amafuriko ge menze. Itawa lye pantu paala lyabha Baali Perasimu. ²¹ Afilisti bhahaleha evinyago vyabho paala, no Daudi na bhantu bhakwe bhavyefwa. ²² Afilisti bhahenza hu mara ya mwabho nantele na ahwiyelezye hu ntebha ye Mrefai. ²³ O Daudi ahjanza osaada nantele afume hwa Ngolobhe, wope Ongolobhe ahabhozya, "Osabhabhashambulile sha hwitazi, ila obhazyongole sha khosi na obhabhalile obhabhabhalile ashililile amakwi ge miforosadi. ²⁴ Lwohayomvwa esauti zye mwendo hu hala ye fugula pamwanya ye makwi ge miforosadi, epo obhashambulile hwi lyomi. Bhomba eshi afuatane naje Ongolobhe aitangulila hwitazi lyaho ashambuli asikari bha Filisti." ²⁵ O Daudi abhomba nanshi Ongolobhe shabhozezye. Ahabhabuda Afilisti mwidala mwonti afume hu Geba hadi hu Gezeri.