1
Shahabha Ishboshethi, omwana wa Sauli, lwa homvwa aje oAbineri afwiye ohwo hu Hebroni, amakhono gakwe ganyong'onyela, ne Israeli yonti yayanziwa.
2
Omwana wa Sauli ali na bhantu bhabhele bhabhali bhagosi bhe vikosi vya sikari. Omo wabho ali yo Baana nowamwabho ali yo Rekabu, bhana bha Limoni Mbeerothi wa bhana Benjamini(maana Berothi yabhaziwe abhe sehemu ya Benjamini,
3
na Aberothi bhashembeleye hu Gitaimu na bhali bhahwizya pala hadi esalezi).
4
Basi oYonathani, omwana Sauli, ali no mwana olemavu we magaga ali no umri we maha gasanu ehabali ahusu oSauli no Yonathani nayafishile hu Yezreeli. Oyaya wakwe amweji aje ashembelele owakati ashembela, omwana wa Yonathani na agwiye na abhe ne shilema. Itawa lyakwe ahetwaga Mefiboshethi.
5
Shesho omwana wa Rimoni mbeerothi, oRekabu no Baana, bhashola pasanya owakati wisanya ikhali mpaka akhaya hwa Ishbothethi, omwene ali atoyele pasanya.
6
Oshe wali alinda ondyango asinziliye owakati apeta engano, oRekabu no Baana bhahinjiye muhati holoholo bhahashila.
7
Bhahinjila mhati ye nyumba, bhakhomile na hubude owakati agonile mpanda yakwe. Pamande bhahakata itwe lyakwe bhasogola naho, bhashola mwidala osiku wonti paka hu Araba.
8
Bhaleta itwe lya Ishboshethi hwa Daudi ohwo hu Hebroni, bhope bhabhozya omwene, "Enya, eli litwe lya Ishboshethi omwana wa Sauli, obhibhi waho, waali ahwanza owomi waho. Ongolobhe alipisizye eshisasi ogosi wetu amwene ashile oSauli no uzao wakwe."
9
O Daudi abhagomola aLakebu no Baana oholo bhakwe, abhana bha Rimoni mbeerothi, abhabhozya, "Nkashe Ongolobhe shahwizya, waufyozesye owomi nashila shida,
10
omuntu omo nahambozya, 'Enya, oSauli afwiye,' asebha ailete ehabari enyinza, nakhete na hubude ohwo hu Siklagi. Owo wali wo ujira wanapiye hu habari yakwe.
11
Enamna ene omuntu obhibhi nahubuda omuntu we haki pashitabu shakwe mhati ye nyumba, Aje ensahanze idanda lyakwe afume mmakhono genyu, na bhefwe munsi?"
12
O Daudi abhalajizya asahala, bhope bhahabhuda bhahabhadumula amakhono na magaga gabho nabhabandishe panshenje ya gosi ohwo hu Hebroni. Lakini bhahega itwe lya Ishboshethi na lisyele hwi kaburi lya Abneri hu Hebroni.