¹ Hwali nibho lye muda otali kati ye nyumba ya Sauli ne nyumba ya Daudi. O Daudi ahendeleye apate enguvu zaidi, lakini enyumba ya Sauli ehendeleye agande nyale. ² Abhana bhapepwe hwa Daudi ohwo hu Hebroni. Awapapwe wakwe wahwande aali yo Amnoni, hwa Ahinoamu we Yezreeli. ³ Omwana wakwe owa bhele, yo Kileabu, apepwe hwa Abigaeli, omujane wa Nabari hwa Karmeli. Owatatu, Absalomu, ali mwana wa Maka, olendu wa Talmai, omwene we Geshuri. ⁴ Omwana wa une wa Daudi, Adoniya, ali mwana wa Hagithi. Omwana wakwe owa sanu aali yo Shefatia omwana wa Abitali, ⁵ no wa sita, Ithreamu, ali mwana wa Egla oshe wakwe oDaudi. Ebha bhonti bhapepwe hwa Daudi ohwo hu Hebroni. ⁶ Hwabha ibho lye nyumba ya Sauli ne nyumba ya Daudi oAbineri ahwibhe aje wilyomi hu nyumba ya Sauli. ⁷ O Sauli ali no oshe itawa lyakwe yo Rispa, olendu wa Aiya. Ishboshethi ahabhozya oAabineri, "Yeenu ogona no oshe wa baba wane?" ⁸ Hata shali oAbeneri aavitwa tee afumilane ne nongwa ya Ishoshethi wope ajile, "Aje ane ne litwe lye mbwa ya Yuda? Ebhonesya uwaminifu hu nyumba ya Sauli, oise waho, hwa jamaa bhakwe na mwabho bhakwe asinte na bheshe mkhono gwa Daudi. Na bado sanyono ondajila ahusu oshe wakwe. ⁹ Ongolobhe na ambeshe esho, oAbeneri, na ashile nkashe sembabhombe hwa Daudi nanshi Ongolobhe shalapiye, ¹⁰ ausamye ouwene afume munyumba ya Sauli na aashimishe itengo lye enzi lya Daudi pamwanya ye bhe Israeli na pamwanya ya Yuda, afume hwa Dani hadi Beersheba." ¹¹ Isboshethe sagawezizye ahugomore oAbineri izu nantele, kwani ohamwogope. ¹² Pamande oAbineri ahatuma ajumbe hwa Daudi naje, "Ensi ene yananu? Bheha ipatano nane, nawe obhalole aje okhono gwane guhweli nawe, aile Israeli yonti hwa liwe." ¹³ O Daudi ahagomora, "Shinza, imbhabhombe ipatano nawe. Lakini izu lyane limo lyendianza afume huliwe huje sobhalilole iliso lyane nkasobhahulete nasoti oMikali, olendu wa Sauli, lwawayenza alolane nane." ¹⁴ Pamande oDaudi ahatuma ajumbe hwa Ishbothoshethi omwana wa Sauli; agomoye, "Mpele oMikali, oshe wane wenfumizye kwa ajili yakwe egovi mia moja zya Filisti." ¹⁵ Esho Ishboshethi ahatuma hwa Mikali, na humweje afume hwa lume wakwe, oPaltieli omwana wa Laishi. ¹⁶ Olume wakwe afuatana nabho, ohu alila, ahendeleye hadi hu Bahurimu. O Abineri abhozya, "eshi osalezi wela akhaya." Shesho ahaweta. ¹⁷ O Abeneri ayanga na gogoro bhe Israeli naje, "Imande mwahanzaga aje oDaudi abhe mwene wenyu. ¹⁸ Eshi salezi bhombi esho. Afuatane naje Ongolobhe ayanjile ahusu oDaudi aje, "Hu khono gwa Daudi oboyi wane embabhafyozye abhantu bhane bhe Israeli afume mumakhono ga Filisti na afume mumakhono ga bhibhi bhabho bhonti." ¹⁹ Nantele oAbineri ayanjile na bhantu bhe Benjamini ndoohu ndoo. O Abeneri ahabhala ayanji no Daudi ohwo oHebroni ahelezya shila li jambo ambalyo oIsraeli ne nyumba yonti ya Benjamini bhasongwelwe alikamilisye. ²⁰ Owakati oAbineri na bhantu shilini kati ye bhantu bhakwe bhafishile hu Hebroni, ahulole oDaudi, oDaudi ahandalile eshikulukulu kwa ajili yabho. ²¹ O Abineri ahamwelezya oDaudi, "Embabhoshe na hubhonganyizye oIsraeli bhonti, ogosi wane omwene, aje bhabheshe ipatano nawe, aje olongozey pamwanya ye gonti go hwanza." Esho oDaudi ahalusu oAbeneri asogole oAbineri asogole hu hwomvwano. ²² Osikari wa Daudi no Yoabu bhahawela afume ateke enyara na bhahenza ne nyara zi nyinji. O Abineri sagahari Hebroni pandwemo na Daudi. O Daudi bhali bhaluhusile asogole, ali asogoye hulwomvwano. ²³ Wakati oYoabu ni jeshi lyonti bhafishile, oYoabu abhozezye, "O Abineri omwana wa Neri ahenzele hwa mwene, no mwene aluhusile asogole wope oAbineri wope oAbineri asogoye hulwomvwano." ²⁴ O Yoabu ahenza hwa mwene naje, "Obhombile yeenu? Enya, oAbeneri ahenzele hwa liwe! Yeenu oluhusile asagole nawo, abhalile? ²⁵ Somenye aje oAbineri omwana wa Neri ahenzele akhopele na pelelezye ehali yaho na hwenye shila hobhomba?" ²⁶ O Yoabu lwahagosola hwa Daudi, atumile ajumbe ahufuate oAbineri, bhope bhahawezya afume hushisima sha Sirah, ila oDaudi sagalimenye eli. ²⁷ O Abineri na wela hu Hebroni, oYoabu amwega panshenje kati ye ndiango aje ayanje nawo hu faaraga. Peepo peepo oYoabu alitile muvyanda na hugoje. Esho, ahalipa eshisasi shi daanda lya Asaheli oholo wakwe. ²⁸ O Daudi nahomvwa ijambo eli ajile, "Ane no mwene wane setili ne hatia hwitazi lya Ngolobhe kabisa, ahusiane ni danda lya Abineri omwana wa Neri. ²⁹ Ehatia yi daanda lya Abineri na ebhe pamwanya ya Yoabu ne nyumba yonti ya ise wakwe aakosehane mu familia ya Yoabu omuntu wali na malonda, au waali no ukoma, au okilema wajenda ne ndesa au wabudilwe ni panga au wakose eshalye." ³⁰ Shesho oYoabu no Abishai oholo wakwe bhahabuda oAbineri, alengane naje abudile oAsaheli oholo wabho hwibho ohwo u Gibeoni. ³¹ O Daudi abhozya oYoabu na bhonti bhabhali pandwemo nabho, "Zembuli amenda genyu, kwati amenda ge magunda, mulombolezye hwitagazi hubele gwa Abineri." Na omwene oDaudi agulondola obele gwa Abineri uwakati wasyeele. ³² Bhasyela oAbineri ohwo hu Hebroni. Omwene ahalila hu sauti mwikaburi lya Abineri, na bhantu bhonti pia bhalilile. ³³ Omwene alilila oAbineri wope atela, "Aje ihakhondoye aje oAbneri afwe nanshi shafwa olema? ³⁴ Amakhono gaho segafungulilwe. Amagaga gaho segali gafungulwe aminyolo nanshi omuntu nagwa hwitazi lya bhana bhemabhibhi, shesho shagwiye." Abhantu bhonti bhaliliye apuluhanye. ³⁵ Abhantu bhonti bhahenza ahumwanze oDaudi alye owakati shahuli pasanya, lakini oDaudi alapile, "Ongolobhe ambombele esho na puluhanye, nkashe embabhonje ikati kabla yisanya aswe." ³⁶ Abhantu bhonti wahaulola ozugumizu wa Daudi, hwa bhakhondela esho shila habhombile omwene habhakhondela. ³⁷ Esho abhantu bhonti bhe Israeli bhahamanya isiku elyo sagali ne nia ya mwene oAbeneri omwana wa Neri afwe. ³⁸ Omwene abhabozya aboyi bhakwe, "aje semumenye aje muntu gosi agwiye sanyono eshi hu Israeli? ³⁹ Nane sanyono enyong'onyeye, hata aje emponyezewe amafuta aje embe mwene. Abhantu ebha, abhana bha Seruya hatari tee huline. Ongolobhe awezezye embibhi ahulipe kwa ajili ye umbibhi wakwe nanshi sha hwanziwa.