1
Baada yega oDaudi ahabhozya Ongolobhe, " Aje engawezya azubhe pandwe nabho bhensi ye Yuda?" Ongolobhe agomora, "Paanda." O Daudi abhozya, "Enjibhalile ensi yalihu? Ongolobhe agomora, "Hebroni"
2
Esho oDaudi ahazubha pandwemo na bhashe bhakwe bhabhele, oAhinoamu we Yezreeli, no Abigaeli wahu Karmeli, ofwele wa Nabari.
3
O Daudi abhaletile abhantu bhali pandwemo nabho, na shila omo aletile efamilia yakwe hunsi ye Hebroni hwa bhahandile akhale.
4
Abhantu bhe Yuda bhahenza ahuponyezye oDaudi amafuta abhe mwene pamwanya ye nyumba ya Yuda. Bhabhozya oDaudi, "Abhantu bhe Yabeshi Gileadi bhasyelele oSauli."
5
Esho oDaudi atumile ajumbe hwa bhantu bhe Yabeshi Gileadi abhabhozya, "Msailwe no Ngolobhe, afuatanaje mubhonesezye outifuf ou hwa gosi wenyu oSauli wa mwasyelele.
6
Aselezi Ongolobhe abhonesyo outiifu nowaaminifu we shilagano. Nane embabhabhonesye owinza afuatane na gaala gamwabhombile.
7
Esalezi basi, amakhono genyu gaponyezewe ilyomi; mubhe ni daandi afuatanaje oSauli ogosi wenyu afwiye, ne nyumba yonti ya Yuda emponyezezye amafuta embe mwene wabho.
8
Ila oAbneri omwana wa Neri, ogosi wa sikari bha Sauli, amwega Ishboshethi omwana wa Sauli ahaletile hu Mahinaimu.
9
Ahabhomba Ishboshethi omwene we Gileadi, Asheri, Yezreeli, Efraimu, Benjamini na pamwanya ye Israeli bhonti.
10
Ishboshethi omwana wa Sauli ali no umri we maha arobaini lwandaga alongozwe pamwa ye Israeli, alongozya amaha gabhele. Lakini enyumba ya Yuda yakhatene no Daudi.
11
Omuda ambago oDaudi ali mwene pamwanya ye nyumba ya Yuda oho Hebroni maha saba na mezi sita.
12
Abneri omwana wa Neri na boyi bha Ishboshethi omwana wa Sauli bhafumile hu Mahanaimu abhale hu Gibeoni.
13
O Yoabu omwana wa Seluya na boyi bha Daudi bhahafuma na khomane nabho hwi bwawa lya Gibeoni. Bhahakhala pala, ikundi limo oupande ou wa gosi wikundi limwabho oupande wa bhele.
14
O Abneri abhozya oYoabu, "haya, asahala bhabhoshe na shindane hwitazi lyetu." O Yoabu agomora, "haya bhabhoshe."
15
Ndipo asahala bhabhoa na khomane, kumi na bhabhele kwa ajili ye Benyamini na Ishboshethi omwana wa Sauli, na kumi na bhabhele bhafuma hwa boyi bha Daudi.
16
Shila muntu ahakhata itwe lya bhibhi wakwe na khome ipanga lakwe hu mbazu hwa bhibhi bhakwe, bhagwiye pansi pandwemo. Apantu pala pahetwa hu Shibrania, "Helkath Hazzurim," yaani "ikonde li panga," lyalili hu Gibeoni.
17
Ibho ikhali tee isiku lila no Abneri na bhantu bhe Israeli bhamenwa na boyi bha Daudi.
18
Abhana bhatatu bha Seluya bhahali pala: O Yoabu, Abishai no Asaheli.
19
O Asaheli ali poposu amagaga nanshi epaa. Afuatiliye oAbineri huu peepe bila galuha oupande wawonti.
20
O Abineri ahenya akhosi yakwe naje, "Weenu oAsaheli?" Agomora, "yo nene."
21
O Abineri abhozya, "Galuha oupande waho we ndelo au we moongo okhate omo wa sahala na hweje esilaha yakwe ." Ila oAsaheli sagagalushe.
22
O Abineri abhozya nantele oAsaheli, "Emelela osandondolele. Yeenu ekhome paka pansi? Embalyenye bhole iliso lya Yoabu oholo waho?"
23
Ila oAsaheli sagaheteshe agulushe. na shesho oAbineri ahalaswa ne mpalala yakwe, hata wafumila oupande wa bhele. O Asaheli agwiye pansi wafwa shahabha shila muntu wafishile apantu pala oAsaheli pagwiye ye nafwe, ahemeleye peepo peepo.
24
Ila oYoabu no Abishai bhafuatilila oAbineri. Owakati wisanya naliswa bhali bhafishile hwi gamba lye Amma, hwa huli peepe ne Gia hwi dala lyalibhalila hwipoli lye Gibeoni.
25
Abenjemini bhabhongene akhosi ya Abineri na hwemelele pamwanya ye hagamba.
26
O Abineri akwizya oYoabu naje, "Aje lazima ipanga lyendelele azembule daima? Aje somenye aje omalishilo wakwe waibha bhibhi? Hata ndii eshi obhabhozye abhantu bhaho bhale abhafutile aholo bhabho?"
27
O Yoabu agomora, "Nkashe Ongolobhe shahwizya, agali sayanjile esho, asikari bhane handabhalondoye aholo bhabho paka shampwiti!"
28
O Yoabu ahakhoma etalumbeta, na bhantu bhakwe bhonti bhahemelela abhalile abhalondole bhe Israeli nantele wala sebhabhakhomile nantele.
29
O Abeneri na bhantu bhakwe bhashola no siku wonti ashilile hu Araba. Alobhoha hu Yordani, bhajenda shampwiti yonti yayafuatile, hata bhahafiha hu Mahanaimu.
30
O Yoabu awela afume abhalondole Abineri. Abhabhonganja abhantu wakwe bhonti, oAsahali na sikari bhamwabho kumi na tisa bha Daudi bhapongoshe.
31
Ila abhantu bha Daudi bhali bhabudile abhantu 360 we Benjamini no Aeneri.
32
Ahamwega oAsahali na husyele hwi kaburi lya isi wakwe, lyalyali hu Bethlehemu. O Yoabu na bhantu bhakwe bhashola usiku wonti, hwasha owakati na bhafiha hu Hebroni.