¹ O Daudi abhozya Ongolobhe amaneno ge ng'oma ene isiku lila Ongolobhe lwafyozezye afume mmakhono ga bhibhi bhakwe na mmkhono ga Sauli. ² Alabha eshi, "Ongolobhe ya mwamba gwane, ne ngome yane yane wanfozezye. ³ Ongolobhe ngome yane na lishembelelo lyane, wanfyozya mmabhibhi gonti. ⁴ Embahukwizye Ongolobhe, wahwanziwa amwamihwe, nane embafyozewe afume hwa bhibhi bhane. ⁵ Maana amawimbi genfwa ganzyongolele, amakhabha ge menze gaganankanya gamenile. ⁶ Evifungo yahukuzimu vyanzyongolele; enyabho zyenfwa zyahahaata. ⁷ Hu malabha gane ehakwizizye Ongolobhe ahanomvwa izu lyane munyumba yakwe, ne ndilo yane ye saada ehafiha mmakutu gakwe. ⁸ Ensi ehayinziwa na yinje. Amisingi ga mwanya gayinga na yinziwe, afuatane naje Ongolobhe avitilwe. ⁹ Iliosi afume mumpola yakwe no meele gwe mwoto gwahafuma mwilomu lyakwe. Na makaa gahansi hwanago. ¹⁰ Ayigula emwanya ahiha, ne nkisi itotolo lya pansi ye magaga gakwe. ¹¹ Azubhile pamwanya ye kerubi na lushe. Abhoneshe mmabhengo ge hala. ¹² Wope aibhombile enkisi abhe hema ahuzyongole, abhonganya amabhengo amagosi ge mvula amwanya. ¹³ Amakaa ge mwoto galagaha afume mradi. ¹⁴ Ongolobhe ahisya afume amwanya. Waali amwanya akhomile ekelele. ¹⁵ Akhomile amishale na nyampanye abhibhi amiali ge radi nabhasambalatisye. ¹⁶ Idala lye menze; amisingi ge nsi gabha wazi hu shililo shibho sha Ngolobhe, lya Ngolobhe hwizu lye mwoi huumpulo yakwe. ¹⁷ Afume amwanya afishile pansi, ahatizizya! Ahasogola muvilindi vye menze. ¹⁸ Anfyozezye hwa bhibhi bhane abhi lyomi hwa bhene bhabhanvitilwe, afuatane naje bhali ni lyomi tee huline. ¹⁹ Bhahenzele shingunga shane isiku lye malabha gane, lakini Ongolobhe ali msaada gwane. ²⁰ Ambeshele apantu papali ne nafasi. Anfyozezya afuatanaje apendezewe nane. ²¹ Ongolobhe antunzile hu shipimo she haki yane; ambwezizye hushiwango she winza we makhono gane. ²² Kwa maana engakhete amadala ga Ngolobhe na sembombile amabhibhi agalushe afume hwa Ngolobhe. ²³ Afuatane naje endajizyo zyetu zyonti zye lyoli zili hwitazi lyane; afuatana naje endajizyo zyakwe sehwiyefwizye nazyo. ²⁴ Endi bila hatia hwitazi lyakwe pia ne ehwiyefwizye na mabhibhi. ²⁵ Ongolobhe ambwezizye hu kiasi she uadilifu wane, hushipimo she usafi wane hwitazi lyakwe. ²⁶ Hwa bhanifu, ohwibhonesya aje abhe mwaminifu; hwa mwene wasali ne hatia; ohwibhonesya aje soli ne hatia. ²⁷ Huu safi ahwibhonesya abhe safi, ila hwabhe masoola ohwibhonesya aje oli na masoola. ²⁸ Obhafyozya bhabhatesilwe, lakini amaso gaho gali shinga shabhe, mampole, obhisya pansi. ²⁹ Afuatane naje awe oli lukhozyo lwane, Ngolobhe. Ngolobhe okhozya mnkisi yane. ³⁰ Kwa ajili yakwe embezizye ashi empingana; hu msaada gwa Ngolobhe wane embewizye arushe pamwanya ye rubhomba. ³¹ Amadala ga Ngolohe gali kamilifu. Izu lyakwe lili safi. Omwene ngao yabho bhabhahushembelela. ³² Weenu waali Ngolobhe na sio Ongolobhe? Na weenu wali mwamba isipokuwa Ongolobhe? ³³ Ongolobhe lishembelelo lyane, na ohilongozya hu madala gakwe omuntu wa sali ne hatia. ³⁴ Agabheha mololo amagaga gabho nanshi ekulungu ambeshele hu magamba amatali. ³⁵ Agalanganyizya amakhono gane hwibho, ne viganja vyane agolombane olukwe lwe shaba. ³⁶ Ompiye engabho ye wokovu waho na matakwa gaho gambeshele gosi. ³⁷ Ondenganyizizye amagaga gane nafasi pansi yane, esho amagaga gane seganza bomele. ³⁸ Nabhalondoye abhibhi bhane nabhabude. Senawelile akhosi hadi pabhabundilwe. ³⁹ Nabhazembulenye na bhanyampanye; sebhawezizye abhoshe. Bhagwiye pansi ye magaga gane. ⁴⁰ Obheha ilyomi mhati yane nanshi omkanda gwibho; obhabheha pansi yane bhabhabhoha shingunga shane. ⁴¹ Wampiye amasana ga bhibhi bhane ne nsingo; nabhabudile kabisa bhala bhabha mvitwa. ⁴² Bhalilie hu msaada lakini nomo wabhafyozezye; bhaliliye Ongolobhe, lakini sagabhagomoye. ⁴³ Nabhapoleele vipande nanshi amankondi pamwanya yi nkondi, nabhakhanyangenye nanshi amatoto mmitaani. ⁴⁴ Onfyozezye afume mmashutumu ga bhantu bhane. Ombeshele nanshi itwe lye mataifa. Abhantu bhasemba menye bha mbombela. ⁴⁵ Ajenyi bhalazimisiwe ambundamile. Lwabhahomvwaga ahusu ane, bhanetesheye. ⁴⁶ Ajenyi wahenzele bhayingaga afume hu ngome zyabho. ⁴⁷ Ongolobhe ahwizya! Mwamba gwane amwamihwe. Ongolobhe na abhosewe omwawe wokovu gwane. ⁴⁸ Ono yo Ngolobhe wandipila eshisasi, wabhabheha abhantu pansi yane. ⁴⁹ Ambeshele huru hutali na bhibhi bhane. Yooli, ambosezye pamwanya yabho bhabhabhoshele shingunga shane. Wanfyozezye afume hwa bhantu bhe ghasia. ⁵⁰ Kwa hiyo ehushukuru, Ongolobhe, kati ye mataifa; emba hutelele esifa zi tawa lyaho. ⁵¹ Ongolobhe afumya ouene ogosi hwa mwene bhakwe, na abhohnesya owaminifu wakwe we mapatano hwa ponyezewe mafuta wakwe hwa Daudi ne shikholo shonti."