¹ Ezi zye nongwa ezya mwisho zya Daudi-O Daudi omwana wa Yese waheshimiwe tee, waponyezewe amafuta no Ngolobhe wa Yakobo, omwandi omwinza we zaburi we Israeli. ² "Ompepo wa Ngolobhe ayanjile nane, na izu lyakwe lyali mmele gwane. ³ Ongolobhe we Israeli ayanjile, Omwandishi we Israeli ambozezye, "Walongozya hu lyooli juu ya huline walongozya huwoga wa Ngolobhe. ⁴ Aibha nanshi olokhozyo lwa shampwiti owakati wi sanya nalitukula, shampwiti ye seli na mabhengo, owakati umhe ugwololo naguchupuha afume mwinkondi ashililile olokhozyo we mung'ao wi sanya baada ye emvula. ⁵ Yooli, aje efamilia yane sali eshi hwitazi lye Ngolobhe? Aje sabhombile aje sagabhombile nane ipatano lye wilawila etaratibu ye lyooli hu shila lidala aje omwene sahwonje owokovu na wane na timizye hu shila lihitaji lyane? ⁶ Lakini gasefaa yonti gaibha nansi amimvwa na taje hutali afuatane naje selo enzi zye abhonganyizwe no khono abhonganye hu makhono. ⁷ Wagagusa lazima atumile eshomolo shi jela au ifumo lye mpalala. Lazima gapembe ampantu pagahweli. ⁸ Ega matawa ga sikari bha Daudi: Yeshobeamu mu Mhakmoni ali longozi we bhi daandi. Abudile abhantu mia nne wakati umo. ⁹ Baada yakwe ahali Elieza omwana wa Dodo, omwana wa mwahohi, omo wa bhidandi bhatatu bha Daudi. Ahali lwabhabhamenile Afilisti bhabhali bhabhongene hwibho, na wakatit bhantu bhe Israeli bhali bha shembeye. ¹⁰ O Elieza ahemelela na bhakhome paka okhono gwakwe gwalitile paka okhono gwakwe gwa ng'ang'anilaga mushaha shipanga lyakwe. Isiku elyo Ongolobhe afumwa omene ogosi. Asikari bha wela kwa ajili ya teke enyara tu zyabhabhabudile na Elieza. ¹¹ Baada yakwe ahali oShama omwana Agee, Mharari. Afilisti bhahwibhonganya pandwemo papali no gonda gwe ndengu ni jeshi lya shembela. ¹² Lakini oShama ahemeleye pahati ye gonda na gutetele. Abhabudile Afilisti, no Ngolobhe aleta omene ogosi. ¹³ Bhatatu kati ya sikari thelathini bhahishile hwa Daudi enyakiti ezyavune, hwi gwenya lya Adulamu. Asikari bha Filisti bhali bhakhoma ikambe hu ntebha ya Mrefai. ¹⁴ Owakati owo oDaudi ali hu ngome yakwe, mwigwenya, wakati Afilisti bhali bhaimiliki Bethelehemu. ¹⁵ O Daudi azilishe amenze ajile, "Nkashe egabhiye aje omuntu omo agampiye amenze agamwele afume hushisima shashili hu Bethelehemu, eshisima shashili hu dyango!" ¹⁶ Esho abhidandi ebha ebha bhatatu bhahashila kati yi jeshi lya Filisti na tape amenze mshisima she Bethelehemu, hahali mundiango. Bhahega amenze na galete hwa Daudi, lakini omwene akhene amwele. ¹⁷ Pamande ahita hwitazi lya Ngolobhe. Ahaga, "Ibhe hutari nane, Ongolobhe, aje emwele ega. Aje emwele idaanda lya bhantu bhabhahatarisya olwizyo lwabho?" Epo akhene amwele. Ega mambo gagabhombilwe na bhidandi bhatatu. ¹⁸ O Abishai, oholo wakwe oYoabu omwana wa Seruya, ali akida wa bhatatu. Alwiye ne mpalala yakwe na bhantu mia tatu na bhabhabuda bhonti wila wila akwiiwe kati ye bhi daandi bhatatu. ¹⁹ Nomo omaradufu ashile bhala bhatatu? Abhe hwelwe akida wabho. Lakini, oumarufu wakwe sewalengene nou marufu wa bhala abhidandi bhatatu. ²⁰ O Benaya afume hu Kabseeli omwana wa Yehoyada; ali muntu wi daandi wabhombile amambo amagosi. Abhabudile abhantu bhabhele bha Arieli aha Moabu. Pia ahishile mwilende n bude esimba owakati we theruji. ²¹ Na abudile Omisiri wali vilima tee. Omisiri ali ne mpalala mkhono, laki oBenaya ali no sanzo tu. ²² O Benaya omwana wa Yehoyada abhombile amatendo ega, wope akwiiwe kati ye bhi daandi bhatatu. ²³ Ali ne heshema ashile bhidaandi thelathini ijumla wabho, lakini sagali neheshima hwa bhala bhi daandi bhatatu. Hata oDaudi abheshele aje abeh linzi wakwe. ²⁴ Bhabhafuata bhabhala abhatu thelathini: Aasaheli oholo wakwe oYoabu, Elhanani omwana wa Dodo afume hu Benselehemu, ²⁵ O Shama Mharodi, Elika Mharodi, ²⁶ Helesi Mpeloni, Ira omwana wa Ikeshi Mtekoi, ²⁷ O Abi Ezeri Mwanathothi, Mebunai Mhushathi, ²⁸ Salmoni Mhahoi, Maharai Mnetofathi; ²⁹ Helebu omwana wa Baana, Mnetofathi, Itai mwana wa Rabai afume hu Gibea ya Bhabenjamini, ³⁰ O Benaya Mpirathoni, oHidai wa ntebha Gaashi. ³¹ Abieliboni Mwarbathi, Azmawethi Mbarhumi, ³² Eliaba Mshalboni, abhana bha Yasheni, Yonathani omwana wa Shama Mharari; ³³ Ahiamu omwana wa Sharari Mharari, ³⁴ Elifeleti omwana wa Ahasbai oMmaakathi, Eliamu omwana wa Ahithofeli Mgiloni, ³⁵ Hezro Mkarmeli, Parai Mwarbi, ³⁶ Igali omwana wa Nathani afume hu Soba, Bani afume hwi kabela lye Gadi, ³⁷ Zeleki Mwamoni, Naharai Mbeerothi, wanyemla esilaha zya Yoabu omwana wa Seruya, ³⁸ Ira Mwithri, Garebu Mwithri, ³⁹ Uria Mhiti - ejumla yabho thelathini na wanane.