¹ Hwali ne nzala hu maha gatatu hu nsiku zye ulongozi wa Daudi, na Daudi ahaganza amaso ga Ngolobhe. "Ongolobhe ahaga, "enzala ene eli alengane ne mbuda ya Sauli ne familia yakwe afuatane naje bhabhabudile Agibeoni." ² Agibeoni sebhali ne shikholo hu Israeli; bhali na masagalizi ge Waamori. Abhantu bhe Israeli bhali bhalapile asinte na bhabude lakini oSauli ahanzaga aje abhatezye bhonti hu hu suda kwa ajili ya bhantu bhe Israeli na Yuda. ³ Ndipo oDaudi abhakwizya pandwemo Agibeoni na bhabhozye, "Embabhombele eyeenu kwa aji ya patane? Ila aje muwezye abhasaye abhantu bha Ngolobhe bhabhagala aminza ne ahadi zyakwe?" ⁴ Abhagibeoni bhagomola, "Eli seli ijambo lye hela wala edhahabu kati yeetu no Sauli ne familia yakwe nasio lihitaji lyeti ahubude omuntu wawonti mu Israeli." O Daudi ajile, "Hahonti hamuhwanza labhi embabhabhombele." ⁵ Bhagomola omwene, "Omuntu wa hwanza atigoje wapanjile shingunga shetu, aje ati tetezye na akose amaeneo hu mpaho zye Israeli - ⁶ haya tipeli abhantu saba afume mshikholo shakwe nate tibhabhabandishe hwitazi lya Ngolobhe hu Gibea ya Sauli, papa saluliwe no Ngolobhe." Omwene ajile, "Embabhapele" ⁷ Lakini omwene abhatunza Amefiboshethi omwana wa Yonathani omwana wa Sauli, kwa ajili ye shilapo sha Ngolobhe kati tya Daudi no Yonathani omwana wa Sauli. ⁸ Omwene abhega abhana bhabhele bhe Rispa omwale Ayia awpapiye Armoni no Mefiboshethi; napia oDaudi ahega abhana bhasanu bha Mikali omwale Sauli, apapiye Adrieli omwana wa Berzilai Ommeholathi. ⁹ Abhabheha mumakhono ga Beoni. Bhope bhabhabadiha pamwanya yi gamba hwitazi lya Gosi, na bhonti saba wafwa pandwemo bhabhabudile hushipindi she mavuno, hwi siku lya hwande mwanzoni mwa mavuno ge shayeri. ¹⁰ O Rispa, omwale wa Aiya, ahega amenda gemagunila ahwitanda yooyo pamwanya yi gamba panshenje ye mabele gabhabhafwiye ahwande hu wando we mavuno paka owakati we mvula hwe hwanda atonye. Sagailusu enyonyi zya mwanya atole pamwanya yi gamba ye mabele pasanya wala eyawani ya mwipoli owakati wa no siku. ¹¹ O Daudi ahabhoewa habhombile Respa, emwale Aiya ohawala wa Sauli. ¹² O Daudi ahabhala ahweje amafupa ga Sauli na mafuta ga Yonathani omwana wakwe afume hwa bhantu bha bhe Yabeshi hu Gileadi, mwahali bhibhile, afume hwi eneo lye jumuiya lye Beth Shani, Afilisti bhali bhabhebandishe baada ya Afilisti ahugoje oSauli hu Giboa. ¹³ O Daudi ahagefwa pala amafupa ga Sauli na mafupa ga Yonathani mwana wakwe na bhabhonganya amafupa ga bhala abhantu saba bhabhabandihwe. ¹⁴ Bhahasyela amafupa ga Sauli no Yonathani mwana wakwe ohwo hu Zela hunsi ya Benjamini, hwi kaburi lya Kishi oise wakwe. Bhabhomba shila halajizizye omwene. Ndipo Ongolobhe ahagomola emputo zyabho kwa ajili yensi. ¹⁵ Afilisti bhahabhala hwibho nantele na bhe Israeli shesho oDaudi na sikari bhakwe bhahiha na khoma na Filisti. Lwali hwibho oDaudi ahalita nibho. ¹⁶ Ishbibenobu, we shikholo she mantu, empalala yakwe ye shaba yali no umwamu we shekeli mia tatu na yali no woji opya, ahanzaga ahugoje oDaudi. ¹⁷ O Abishai omwana wa Seruya ahafyozya oDaudi, ahakhoma Omfilisti ahugoga. Ndipo abhantu bha Daudi bhalapizya, aje, "Sobhabhale hwibho pandwemo nate nantele osije ogaizimya etaa yabhe Israeli." ¹⁸ Pamande hwabha nibho nantele kati ya Filisti ohwo hu Gobu, wakati oSibekai Mhushathi lwagojile oSafu, waali mhati ye shikholo sha Warefai. ¹⁹ Hwabha nantele hwibho na Filisti ohwo hu Gobu, oyo oElhanani omwana wa Jali Mbeselehemu ahagoga oGoriathi Mgiti, fumo lye mpalala yakwe lyali nanshi ikwi lye mfamaji. ²⁰ Hwabha hwibho lya mwabho ohwo hu Gathi hwali no muntu otali tee waali ne vidole sita hu shila khono ne videlo sita hu shila li gagaa, ejumla yakwe shilini na zine. Omwene wope ali ne shekholo hwa Warefai. ²¹ Lwahabhaliga abhe Israeli, O Yonathani omwana wa Shama, oholo wakwe oDaudi, ahabuda. ²² Ebha bhali bhe shikholo sha Warefai wa Gathi, bhabudilwe hu khono gwa Daudi na hukhono gwa sikari bhakwe